162. සැවැත් නුවර දී ……………………
එකත්පස්ව වාඩිවුණ ආයුෂ්මත් රාධයන් භාග්‍යවතුන් වහන්සේගෙන් මෙකරුණ විමසුවා. “ස්වාමීනි, ‘භව රැහැන, භව රැහැන’ යැයි කියනවා. ස්වාමීනි, භව රැහැන කියන්නේ කුමක්ද? භව රැහැන නිරුද්ධ වෙනවා කියන්නේ කුමක්ද?”
“පින්වත් රාධ, රූපය පිළිබඳව යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටින් පිළිගැනීමක් තියෙනවා නම්, යම් තණ්හාවක් තියෙනවා නම්, යම් බැසගැනීමක්, බැඳීමක්, සිතින් අදිටන් කරගැනීමක්, එහි ගැලී සිටීමක්, චිත්තාභ්‍යන්තරයෙහි පැවැත්වීමක් ඇද්ද භව රැහැන කියන්නේ මෙයටයි. ඔය දේවල්වල නිරුද්ධවීමෙන් භව රැහැන නිරුද්ධ වෙනවා. විඳීම පිළිබඳව යම් කැමැත්තක් තියෙනවා නම් …. (පෙ) …. සඤ්ඤාව පිළිබඳව යම් කැමැත්තක් තියෙනවා නම් …. (පෙ) …. සංස්කාර පිළිබඳව යම් කැමැත්තක් තියෙනවා නම් …. (පෙ) …. විඤ්ඤාණය පිළිබඳව යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටින් පිළිගැනීමක් තියෙනවා නම්, යම් තණ්හාවක් තියෙනවා නම්, යම් බැසගැනීමක්, බැඳීමක්, සිතින් අදිටන් කරගැනීමක්, එහි ගැලී සිටීමක්, චිත්තාභ්‍යන්තරයෙහි පැවැත්වීමක් ඇද්ද භව රැහැන කියන්නේ මෙයටයි. ඔය දේවල්වල නිරුද්ධවීමෙන් භව රැහැන නිරුද්ධ වෙනවා.
(මෙහි භවනෙත්ති යන පදයෙහි ඇති නෙත්ති යන වචනයට දිය හැකි තේරුම නම් නැඹුරු වී, යොමු වී තිබෙන යන අර්ථයයි. එවිට භවනෙත්ති යනු භවයට නැඹුරු වී, යොමු වී තිබෙන දෙය යන අර්ථය ලැබේ. නමුත් සිංහලෙන් කියවන ඔබට තේරුම් ගැනීමේ පහසුව සළකා ඔබට හුරු පුරුදු භව රැහැන යන වචන භවනෙත්ති යන්නට යෙදූ බව කරුණාවෙන් සළකන්න.)
සාදු! සාදු!! සාදු!!!
භවනෙත්ති සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_2-1-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M