1. 11. 1.
සැවැත් නුවරදී …..
“පින්වත් මහණෙනි, යම් ඒ භික්ෂූන් වහන්සේලා අධර්මය අධර්මය වශයෙන් විස්තර කරනවා නම්, පින්වත් මහණෙනි, ඒ භික්ෂූන් වහන්සේලා බොහෝ ජනයාගේ යහපත පිණිස, බොහෝ දෙනාගේ සැපය පිණිස, බොහෝ ජනයාගේත්, දෙව් මිනිසුන්ගේත් අර්ථය පිණිසම, යහපත පිණිසම, සැපය පිණිසම පිළිපන් පිරිසකි. පින්වත් මහණෙනි, ඒ භික්ෂූන් බොහෝ පින් රැස් කර ගන්නවා. ඔවුන් තමයි මේ සද්ධර්මය (බුද්ධ ශාසනය) පවත්වන්නෙ.”
1. 11. 2-10.
“පින්වත් මහණෙනි, යම් භික්ෂූන් වහන්සේලා ධර්මය ධර්මය වශයෙන් විස්තර කරනවා නම්, ….(පෙ)…. අවිනය අවිනය හැටියට විස්තර කරනවා නම්, ….(පෙ)…. විනය විනය හැටියට විස්තර කරනවා නම්, ….(පෙ)…. තථාගතයන් වහන්සේ විසින් දේශනා නොකළ, ප්‍රකාශ නොකළ දෙය තථාගතයන් වහන්සේ විසින් දේශනා නොකළ දෙයක් බවත්, ප්‍රකාශ නොකළ දෙයක් බවත් වශයෙන් විස්තර කරනවා නම්, ….(පෙ)…. තථාගතයන් වහන්සේ විසින් දේශනා කළ, ප්‍රකාශ කළ දේ, තථාගතයන් වහන්සේ විසින් දේශනා කරන ලද, ප්‍රකාශ කරන ලද දේ හැටියට විස්තර කරනවා නම්, ….(පෙ)…. තථාගතයන් වහන්සේ විසින් පුරුදු නොකරන ලද දේ, තථාගතයන් වහන්සේ විසින් පුරුදු නොකරන ලද දෙයක් හැටියට විස්තර කරනවා නම්, ….(පෙ)…. තථාගතයන් වහන්සේ විසින් පුරුදු කරන ලද දේ, තථාගතයන් වහන්සේ විසින් පුරුදු කරන ලද දෙයක් හැටියට ප්‍රකාශ කරනවා නම්, ….(පෙ)…. තථාගතයන් වහන්සේ විසින් නොපණවන ලද දේ, තථාගතයන් වහන්සේ විසින් නොපණවන ලද දෙයක් හැටියට විස්තර කරනවා නම්, ….(පෙ)…. තථාගතයන් වහන්සේ විසින් පණවන ලද දේ, තථාගතයන් වහන්සේ විසින් පණවන ලද දෙයක් හැටියට විස්තර කරනවා නම්, පින්වත් මහණෙනි, ඒ භික්ෂූන් වහන්සේලා බොහෝ ජනයාගේ යහපත පිණිස, බොහෝ දෙනාගේ සැපය පිණිස, බොහෝ ජනයාගේත්, දෙව් මිනිසුන්ගේත් අර්ථය පිණිසම, යහපත පිණිසම, සැපය පිණිසම පිළිපන් පිරිසකි. පින්වත් මහණෙනි, ඒ භික්ෂූන් බොහෝ පින් රැස් කර ගන්නවා. ඔවුන් තමයි මේ සද්ධර්මය (බුද්ධ ශාසනය) පවත්වන්නෙ.”
එකොළොස්වෙනි වර්ගය යි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an1_1-11/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M