අංගුත්තර නිකාය

ඒකක නිපාතෝ

3. අකම්මනියවග්ගෝ

3. ක්‍රියාවට යෝග්‍ය සේ සකස් නොකළ සිත ගැන වදාළ දෙසුම් ඇතුළත් කොටස

1. 3. 1.

(සාවත්ථි නිදානං:)

සැවැත් නුවරදී ……………..

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං අභාවිතං අකම්මනියං හෝති, යථයිදං චිත්තං. චිත්තං භික්ඛවේ, අභාවිතං අකම්මනියං හෝතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු නොකළ විට (කෙලෙස් නැසීමේ) ක්‍රියාවට යෝග්‍ය පරිදි සකස් නොවන්නා වූ යමක් වේද පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු නොකළ විට සිත නිවන් අවබෝධයට සුදුසු පරිදි සකස් වෙන්නේ නෑ.”

1. 3. 2.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං භාවිතං කම්මනියං හෝති, යථයිදං චිත්තං. චිත්තං භික්ඛවේ, භාවිතං කම්මනියං හෝතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු කළ විට (කෙලෙස් නැසීමේ) ක්‍රියාවට යෝග්‍ය පරිදි සකස් වන්නා වූ යමක් වේද පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු කළ විට සිත නිවන් අවබෝධයට සුදුසු පරිදි සකස් වෙනවා.”

1. 3. 3.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං අභාවිතං මහතෝ අනත්ථාය සංවත්තති, යථයිදං චිත්තං. චිත්තං භික්ඛවේ, අභාවිතං මහතෝ අනත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු නොකළ විට, මහා විපත පිණිස හේතුවන යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු නොකළ සිත මහා විපත පිණිස හේතු වෙනවා.”

1. 3. 4.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං භාවිතං මහතෝ අත්ථාය සංවත්තති, යථයිදං චිත්තං. චිත්තං භික්ඛවේ, භාවිතං මහතෝ අත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු කළ විට, විශාල යහපතක් පිණිස හේතු වන යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු කළ සිත විශාල යහපතක් පිණිස හේතු වෙනවා.”

1. 3. 5.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං අභාවිතං අපාතුභූතං මහතෝ අනත්ථාය සංවත්තති, යථයිදං චිත්තං. චිත්තං භික්ඛවේ, අභාවිතං අපාතුභූතං මහතෝ අනත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු නොකළ විට, මග-ඵල නිවන් පහළ නොවුන විට, මහා අනර්ථයක් පිණිස හේතු වන යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු නොකළ, මග-ඵල නිවන් පහළ නොවූ සිත මහා අනර්ථයක් පිණිස හේතු වෙනවා.”

1. 3. 6

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං භාවිතං පාතුභූතං මහතෝ අත්ථාය සංවත්තති, යථයිදං චිත්තං. චිත්තං භික්ඛවේ, භාවිතං පාතුභූතං මහතෝ අත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු කළ විට, මග-ඵල නිවන් පහළ වුන විට, මහා අර්ථයක් පිණිස හේතු වන යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු කළ, මග-ඵල නිවන් පහළ වූ සිත මහා අර්ථයක් පිණිසම හේතු වෙනවා.”

1. 3. 7.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං අභාවිතං අබහුලීකතං මහතෝ අනත්ථාය සංවත්තති, යථයිදං චිත්තං. චිත්තං භික්ඛවේ, අභාවිතං අබහුලීකතං මහතෝ අනත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු නොකළ විට, බහුල වශයෙන් දියුණු නොකළ විට, මහා අනර්ථයක් පිණිස හේතු වන විදිහේ යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු නොකළ, බහුල වශයෙන් දියුණු නොකළ සිත මහා අනර්ථයක් පිණිස හේතු වෙනවා.”

1. 3. 8.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං භාවිතං බහුලීකතං මහතෝ අත්ථාය සංවත්තති, යථයිදං චිත්තං. චිත්තං භික්ඛවේ, භාවිතං බහුලීකතං මහතෝ අත්ථාය සංවත්තතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු කළ විට, බහුල වශයෙන් දියුණු කළ විට, මහා අර්ථයක් පිණිස හේතු වන විදිහේ යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු කළ, බහුල වශයෙන් දියුණු කළ සිත මහා අර්ථයක් පිණිස හේතු වෙනවා.”

1. 3. 9

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං අභාවිතං අබහුලීකතං දුක්ඛාධිවාහං හෝති, යථයිදං චිත්තං. චිත්තං භික්ඛවේ, අභාවිතං අබහුලීකතං දුක්ඛාධිවාහං හෝතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු නොකළ විට, බහුල වශයෙන් දියුණු නොකළ විට, දුක් ඇති කර දෙන්නා වූ යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු නොකළ, බහුල වශයෙන් දියුණු නොකළ සිත දුක ඇති කර දෙන්නා වූ දෙයක් බවට පත් වෙනවා.”

1. 3. 10

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං භාවිතං බහුලීකතං සුඛාධිවහං හෝති, යථයිදං චිත්තං. චිත්තං භික්ඛවේ, භාවිතං බහුලීකතං සුඛාධිවාහං හෝතීති.

“පින්වත් මහණෙනි, යම් විදිහකින් සමථ විදර්ශනා වශයෙන් දියුණු කළ විට, බහුල වශයෙන් දියුණු කළ විට, සැප ඇති කර දෙන්නා වූ යම් දෙයක් ඇත්නම්, පින්වත් මහණෙනි, ඒ මේ සිත තරම් වෙන එකම දෙයක්වත් මා දකින්නේ නෑ. පින්වත් මහණෙනි, සමථ විදර්ශනා වශයෙන් දියුණු කළ, බහුල වශයෙන් දියුණු කළ සිත සැප ඇති කර දෙන්නා වූ දෙයක් බවට පත් වෙනවා.”

වග්ගෝ තතියෝ.

තුන්වෙනි වර්ගයයි.