සැවැත් නුවරදී …………
2.3.15.1
50. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සමාපත්තිවලට සමවැදීමෙහි දක්ෂතාවයත්, සමාපත්ති වලින් නැගී සිටීමේ දක්ෂතාවයත් ය. පින්වත් මහණෙනි, මේ තමයි ඒ ධර්ම දෙක.
2.3.15.2
51. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? ඍජු බවත්, මෘදුගති ඇති බවත් ය. පින්වත් මහණෙනි, මේ තමයි ඒ ධර්ම දෙක.
2.3.15.3
52. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? ඉවසීමත්, කීකරු බවත් ය. පින්වත් මහණෙනි, මේ තමයි ඒ ධර්ම දෙක.
2.3.15.4
53. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? මොළොක් කතා බහ ඇති බවත්, දහම් පිළිසඳර ඇති බවත් ය. පින්වත් මහණෙනි, මේ තමයි ඒ ධර්ම දෙක.
2.3.15.5
54. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? හිංසා රහිත බවත්, පිරිසිදු ක්‍රියා ඇති බවත් ය. පින්වත් මහණෙනි, මේ තමයි ඒ ධර්ම දෙක.
2.3.15.6
55. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? අකුසල් ඇතුළු වීමට ඉඩදී නොවැළකූ ඉඳුරන් ඇති බවත්, ආහාර ගැනීමේ අර්ථය නොදැනීමත් ය. පින්වත් මහණෙනි, මේ තමයි ඒ ධර්ම දෙක.
2.3.15.7
56. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? අකුසල් ඇතුළු වීමට නොදී ඒවා වැළකූ ඉඳුරන් ඇති බවත්, ආහාර ගැනීමේ අර්ථය දැනීමත් ය. පින්වත් මහණෙනි, මේ තමයි ඒ ධර්ම දෙක.
2.3.15.8
57. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? නුවණින් විමසා සිව්පසය පරිහරණය කිරීමෙහි බලයත්, භාවනා බලයත් ය. පින්වත් මහණෙනි, මේ තමයි ඒ ධර්ම දෙක.
2.3.15.9
58. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සිහිය බලවත්ව දියුණු කරගැනීමත්, සමාධිය බලවත්ව දියුණු කරගැනීමත් ය. පින්වත් මහණෙනි, මේ තමයි ඒ ධර්ම දෙක.
2.3.15.10
59. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? ධ්‍යාන දියුණු කළ හැකි සමථ භාවනාවත්, යථාභූත ඤාණය තුළින් ප්‍රඥාව දියුණු කළ හැකි විදර්ශනා භාවනාවත් ය. පින්වත් මහණෙනි, මේ තමයි ඒ ධර්ම දෙක.
2.3.15.11
60. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? දුස්සීලභාවයට පත් වීම නම් වූ සීලවිපත්තියත්, මිත්‍යා දෘෂ්ටියට පැමිණීම නම් වූ දිට්ඨි විපත්තියත් ය. පින්වත් මහණෙනි, මේ තමයි ඒ ධර්ම දෙක.
2.3.15.12
61. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? මැනැවින් සීලයෙහි පිහිටා සිටීම නම් වූ සීලසම්පත්තියත්, සම්මා දිට්ඨියට පැමිණීම නම් වූ දිට්ඨි සම්පත්තියත් ය. පින්වත් මහණෙනි, මේ තමයි ඒ ධර්ම දෙක.
2.3.15.13
62. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සීලය තුළින් පිරිසිදු වීම නම් වූ සීල විසුද්ධියත්, සම්මා දිට්ඨිය තුළින් පිරිසිදු වීම නම් වූ දිට්ඨි විසුද්ධියත් ය. පින්වත් මහණෙනි, මේ තමයි ඒ ධර්ම දෙක.
2.3.15.14
63. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සම්මා දිට්ඨිය තුළින් පිරිසිදු වීම නම් වූ දිට්ඨි විසුද්ධියත්, ඒ සම්මා දිට්ඨියට අනුව ධර්මාවබෝධය දියුණු කරගැනීම පිණිස බලවත්ව වීරිය කිරීම නම් වූ පධන් වෙර වැඩීමත් ය. පින්වත් මහණෙනි, මේ තමයි ඒ ධර්ම දෙක.
2.3.15.15
64. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? උතුම් අරමුණ ඉටුවන තුරා තමා ඇති කරගන්නා කුසල් දහම් පිළිබඳ සෑහීමට පත් නොවීමත්, ඒ සඳහා අකුසල් ප්‍රහාණය පිණිසත්, කුසල් දියුණු කිරීම පිණිසත් ඇති නොපසුබස්නා වීරියත් ය. පින්වත් මහණෙනි, මේ තමයි ඒ ධර්ම දෙක.
2.3.15.16.
65. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සතර සතිපට්ඨානයෙහි සිහිය නොපිහිටන බවත්, නුවණින් විමසීමෙහි නොහැකියාවත් ය. පින්වත් මහණෙනි, මේ තමයි ඒ ධර්ම දෙක.
2.3.15.17
66. පින්වත් මහණෙනි, මේ ධර්ම දෙකක් තියෙනවා. ඒ දෙක මොනවාද? සතර සතිපට්ඨානයෙහි සිහිය පිහිටන බවත්, නුවණින් විමසීමෙහි හැකියාවත් ය. පින්වත් මහණෙනි, මේ තමයි ඒ ධර්ම දෙක.
පහළොස්වෙනි වර්ගයයි.
තුන්වෙනි සූත්‍ර පනහ සමාප්තයි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an1_2-3-15-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M