අංගුත්තර නිකාය

ඒකක නිපාතෝ

16. ඒකධම්මපාළි

16. ඒකධම්මපාළි

16.1.1.

සාවත්ථි නිදානං;

සැවත් නුවරදී ……..

ඒකධම්මෝ භික්ඛවේ, භාවිතෝ බහුලීකතෝ ඒකන්තනිබ්බිදාය විරාගාය නිරෝධාය උපසමාය අභිඤ්ඤාය සම්බෝධාය නිබ්බානාය සංවත්තති. කතමෝ ඒකධම්මෝ? බුද්ධානුස්සති. අයං ඛෝ භික්ඛවේ, ඒකධම්මෝ භාවිතෝ බහුලීකතෝ ඒකන්තනිබ්බිදාය විරාගාය නිරෝධාය උපසමාය අභිඤ්ඤාය සම්බෝධාය නිබ්බානාය සංවත්තතීති.

“පින්වත් මහණෙනි, එකම එක දෙයක් භාවනා වශයෙන් වැඩුවොත්, බහුල වශයෙන් පුරුදු කළොත් ඒකාන්තයෙන් අවබෝධයෙන්ම කළකිරීම පිණිස ම, නොඇලීම පිණිස ම, කෙලෙසුන්ගෙන් නිදහස් වීම පිණිස ම කෙලෙස් සංසිඳීම පිණිස ම, විශේෂ වූ අවබෝධය පිණිස ම, චතුරාර්ය සත්‍යය අවබෝධය පිණිස ම, අමා නිවන පිණිස ම හේතු වෙනවා. ඒ එකම එක දේ කුමක්ද? බුද්ධානුස්සතියයි. (බුදුරජාණන් වහන්සේගේ ගුණ නුවණින් සිහි කිරීමයි.) පින්වත් මහණෙනි, මෙය වනාහී භාවනා වශයෙන් වැඩුවොත්, බහුල වශයෙන් පුරුදු කළොත්, ඒකාන්තයෙන් අවබෝධයෙන්ම කළකිරීම පිණිස ම, නොඇලීම පිණිස ම, කෙලෙසුන්ගෙන් නිදහස් වීම පිණිස ම, කෙලෙස් සංසිඳීම පිණිස ම, විශේෂ වූ අවබෝධය පිණිස ම, චතුරාර්ය සත්‍යය අවබෝධය පිණිස ම, අමා නිවන පිණිස ම හේතු වන එකම දෙය වේ.”

1.16.1.2-10.

ඒකධම්මෝ භික්ඛවේ, භාවිතෝ බහුලීකතෝ ඒකන්තනිබ්බිදාය විරාගාය නිරෝධාය උපසමාය අභිඤ්ඤාය සම්බෝධාය නිබ්බානාය සංවත්තති. කතමෝ ඒකධම්මෝ? ධම්මානුස්සති ….(පෙ)…. සංඝානුස්සති ….(පෙ)…. සීලානුස්සති ….(පෙ)…. චාගානුස්සති ….(පෙ)…. දේවතානුස්සති ….(පෙ)…. ආනාපානස්සති ….(පෙ)…. මරණස්සති ….(පෙ)…. කායගතාසති ….(පෙ)…. උපසමානුස්සති. අයං ඛෝ භික්ඛවේ, ඒකධම්මෝ භාවිතෝ බහුලීකතෝ ඒකන්තනිබ්බිදාය විරාගාය නිරෝධාය උපසමාය අභිඤ්ඤාය සම්බෝධාය නිබ්බානාය සංවත්තතීති.

“පින්වත් මහණෙනි, එකම එක දෙයක් භාවනා වශයෙන් වැඩුවොත්, බහුල වශයෙන් පුරුදු කළොත් ඒකාන්තයෙන් අවබෝධයෙන්ම කළකිරීම පිණිස ම, නොඇලීම පිණිස ම, කෙලෙසුන්ගෙන් නිදහස් වීම පිණිස ම, කෙලෙස් සංසිඳීම පිණිස ම, විශේෂ වූ අවබෝධය පිණිස ම, චතුරාර්ය සත්‍යය අවබෝධය පිණිස ම, අමා නිවන පිණිස ම හේතු වෙනවා. ඒ එකම එක දේ කුමක්ද? ධම්මානුස්සතියයි. (බුදුරජාණන් වහන්සේ අවබෝධයෙන්ම දේශනා කොට වදාළ ශ්‍රී සද්ධර්මය නුවණින් සිහි කිරීමයි.) ….(පෙ)…. සංඝානුස්සතියයි ….(පෙ)…. සීලානුස්සතියයි ….(පෙ)…. චාගානුස්සතියයි ….(පෙ)…. දේවතානුස්සතියයි (සද්ධා, සීල, සුත, චාග, පඤ්ඤා යන සේඛ බල පහකින් සමන්විතව මනුලොව දී ධර්මයේ හැසිරී චාතුම්මහාරාජිකාදී දෙව් ලොව ඉපිද සිටින පින්වත් දෙවිවරුන් ඇති බවත්, ඒ සේඛ බල තමා තුළ ඇති බවත්, නුවණින් සිහි කිරීම දේවතානුස්සතියයි.) ….(පෙ)…. ආනාපානසතියයි ….(පෙ)…. මරණසතියයි ….(පෙ)…. කායගතාසතියයි ….(පෙ)…. උපසමානුස්සතියයි (තමා තුළ සංසිඳී ගිය කෙලෙස් ගැන නුවණින් සිහි කිරීමයි.) පින්වත් මහණෙනි, මෙය වනාහී භාවනා වශයෙන් වැඩුවොත්, බහුල වශයෙන් පුරුදු කළොත්, ඒකාන්තයෙන් අවබෝධයෙන්ම කළකිරීම පිණිස ම, නොඇලීම පිණිස ම, කෙලෙසුන්ගෙන් නිදහස් වීම පිණිස ම, කෙලෙස් සංසිඳීම පිණිස ම, විශේෂ වූ අවබෝධය පිණිස ම, චතුරාර්ය සත්‍යය අවබෝධය පිණිස ම, අමා නිවන පිණිස ම හේතු වන එකම දෙය වේ.”

වග්ගෝ පඨමෝ.

පළමුවෙනි වර්ගය යි.

1.16.2.1.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යේන අනුප්පන්නා වා අකුසලා ධම්මා උප්පජ්ජන්ති, උප්පන්නා වා අකුසලා ධම්මා භිය්‍යෝභාවාය වේපුල්ලාය සංවත්තන්ති, යථයිදං භික්ඛවේ, මිච්ඡාදිට්ඨි. මිච්ඡාදිට්ඨිකස්ස භික්ඛවේ, අනුප්පන්නා චේව අකුසලා ධම්මා උප්පජ්ජන්ති, උප්පන්නා ච අකුසලා ධම්මා භිය්‍යෝභාවාය වේපුල්ලාය සංවත්තන්තීති.

“පින්වත් මහණෙනි, යම් දෙයකින් නූපන් පාපී අකුසල් උපදිනවා නම්, උපන් පාපී අකුසල් පවා වැඩි වීමටත්, බොහෝ සේ වැඩි වීමටත් හේතු වෙනවා නම්, පින්වත් මහණෙනි, මේ මිත්‍යා දෘෂ්ටිය තරම් එයට හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, මිත්‍යා දෘෂ්ටිකයාට නූපන් පාපී අකුසල් උපදිනවා. උපන් පාපී අකුසල් පවා වැඩි වීමටත්, බොහෝ සෙයින් වැඩි වීමටත් හේතු වෙනවා.”

1.16.2.2.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යේන අනුප්පන්නා වා කුසලා ධම්මා උප්පජ්ජන්ති, උප්පන්නා වා කුසලා ධම්මා භිය්‍යෝභාවාය වේපුල්ලාය සංවත්තන්ති, යථයිදං භික්ඛවේ, සම්මාදිට්ඨි. සම්මාදිට්ඨිකස්ස භික්ඛවේ, අනුප්පන්නා චේව කුසලා ධම්මා උප්පජ්ජන්ති, උප්පන්නා ච කුසලා ධම්මා භිය්‍යෝභාවාය වේපුල්ලාය සංවත්තන්තීති.

“පින්වත් මහණෙනි, යම් දෙයකින් නූපන් කුසල් උපදිනවා නම්, උපන් කුසල් පවා වැඩි වීමටත්, බොහෝ සේ වැඩි වීමටත් හේතු වෙනවා නම්, පින්වත් මහණෙනි, මේ සම්‍යක් දෘෂ්ටිය තරම් එයට හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, සම්‍යක් දෘෂ්ටිකයාට නූපන් කුසල් උපදිනවා. උපන් කුසල් පවා වැඩි වීමටත්, බොහෝ සෙයින් වැඩි වීමටත් හේතු වෙනවා.”

1.16.2.3.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යේන අනුප්පන්නා වා කුසලා ධම්මා නුප්පජ්ජන්ති, උප්පන්නා වා කුසලා ධම්මා පරිහායන්ති, යථයිදං භික්ඛවේ, මිච්ඡාදිට්ඨි. මිච්ඡාදිට්ඨිකස්ස භික්ඛවේ, අනුප්පන්නා චේව කුසලා ධම්මා නුප්පජ්ජන්ති, උප්පන්නා ච කුසලා ධම්මා පරිහායන්තීති.

“පින්වත් මහණෙනි, යම් දෙයකින් නූපන් කුසල් දහම් නූපදිනවා නම්, උපන් කුසල් දහම් පවා පිරිහීමටත් හේතු වෙනවා නම්, පින්වත් මහණෙනි, එයට මේ මිත්‍යා දෘෂ්ටිය තරම් හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, මිත්‍යා දෘෂ්ටිකයාට නූපන් කුසල් දහම් උපදින්නේ නෑ. උපන් කුසල් පවා පිරිහී යනවා.”

1.16.2.4.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යේන අනුප්පන්නා වා අකුසලා ධම්මා නුප්පජ්ජන්ති, උප්පන්නා වා අකුසලා ධම්මා පරිහායන්ති, යථයිදං භික්ඛවේ, සම්මාදිට්ඨි. සම්මාදිට්ඨිකස්ස භික්ඛවේ, අනුප්පන්නා චේව අකුසලා ධම්මා නුප්පජ්ජන්ති, උප්පන්නා ච අකුසලා ධම්මා පරිහායන්තීති.

“පින්වත් මහණෙනි, යම් දෙයකින් නූපන් පාපී අකුසල් නූපදිනවා නම්, උපන් පාපී අකුසල් පවා පිරිහීමට හේතු වෙනවා නම්, පින්වත් මහණෙනි, එයට මේ සම්‍යක් දෘෂ්ටිය තරම් හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, සම්‍යක් දෘෂ්ටිකයාට නූපන් පාපී අකුසල් දහම් උපදින්නේ නෑ. උපන් පාපී අකුසල් පවා පිරිහී යනවා.”

1.16.2.5.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යේන අනුප්පන්නා වා මිච්ඡාදිට්ඨි උප්පජ්ජති, උප්පන්නා වා මිච්ඡාදිට්ඨි පවඩ්ඪති, යථයිදං භික්ඛවේ, අයෝනිසෝමනසිකාරෝ. අයෝනිසෝ භික්ඛවේ, මනසිකරෝතෝ අනුප්පන්නා චේව මිච්ඡාදිට්ඨි උප්පජ්ජති, උප්පන්නා ච මිච්ඡාදිට්ඨි පවඩ්ඪතීති.

“පින්වත් මහණෙනි, යම් දෙයකින් මේ නූපන් මිත්‍යා දෘෂ්ටිය උපදිනවා නම්, උපන් මිත්‍යා දෘෂ්ටිය පවා වර්ධනය වෙනවා නම්, පින්වත් මහණෙනි, එයට මේ නුවණින් තොරව කල්පනා කිරීම (අයෝනිසෝ මනසිකාරය) තරම් හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, මේ අයෝනිසෝ මනසිකාරයෙහි යෙදෙන පුද්ගලයාට නූපන් මිත්‍යා දෘෂ්ටිය උපදිනවා. උපන් මිත්‍යා දෘෂ්ටිය පවා වැඩි වෙනවා.”

1.16.2.6.

නාහං, භික්ඛවේ, අඤ්ඤං ඒකධම්මම්පි සමනුපස්සාමි යේන අනුප්පන්නා වා සම්මාදිට්ඨි උප්පජ්ජති උප්පන්නා වා සම්මාදිට්ඨි පවඩ්ඪති යථයිදං, භික්ඛවේ, යෝනිසෝමනසිකාරෝ. යෝනිසෝ, භික්ඛවේ, මනසි කරෝතෝ අනුප්පන්නා චේව සම්මාදිට්ඨි උප්පජ්ජති උප්පන්නා ච සම්මාදිට්ඨි පවඩ්ඪතී”ති.

“පින්වත් මහණෙනි, යම් දෙයකින් මේ නූපන් සම්‍යක් දෘෂ්ටිය උපදිනවා නම්, උපන් සම්‍යක් දෘෂ්ටිය පවා වර්ධනය වෙනවා නම්, පින්වත් මහණෙනි, එයට මේ ධර්මයට අනුව නුවණින් කල්පනා කිරීම (යෝනිසෝ මනසිකාරය) තරම් හේතු වන වෙන එක ම දෙයක් වත් මා දකින්නේ නෑ. පින්වත් මහණෙනි, මේ යෝනිසෝ මනසිකාරයෙහි යෙදෙන කෙනාට නූපන් සම්‍යක් දෘෂ්ටිය උපදිනවා. උපන් සම්‍යක් දෘෂ්ටිය පවා වැඩි වෙනවා.”

1.16.2.7.

නාහං භික්ඛවේ, අඤ්ඤං ඒකධම්මම්පි සමනුපස්සාමි යේනෙව සත්තා කායස්ස භේදා පරං මරණා අපායං දුග්ගතිං විනිපාතං නිරයං උපපජ්ජන්ති, යථයිදං භික්ඛවේ, මිච්ඡාදිට්ඨි. මිච්ඡාදිට්ඨියා භික්ඛවේ, සමන්නාගතා සත්තා කායස්ස භේදා පරං මරණා අපායං දුග්ගතිං විනිපාතං නිරයං උපපජ්ජන්තීති.

“පින්වත් මහණෙනි, යම් දෙයක් නිසා මේ සත්වයන් කය බිඳී මරණයට පත් වූ පසු අපාය නම් වූ දුගතිය නම් වූ විනිපාත නම් වූ නිරයේ උපදිනවා නම්, පින්වත් මහණෙනි, එයට මේ මිත්‍යා දෘෂ්ටිය තරම් හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, මිත්‍යා දෘෂ්ටියෙන් යුතු සත්වයන් කය බිඳී මරණයට පත් වූ පසු අපාය නම් වූ දුගතිය නම් වූ විනිපාත නම් වූ නිරයේ උපදිනවා.”

1.16.2.8.

නාහං භික්ඛවේ, අඤ්ඤං ඒකධම්මම්පි සමනුපස්සාමි යේන සත්තා කායස්ස භේදා පරං මරණා සුගතිං සග්ගං ලෝකං උපපජ්ජන්ති, යථයිදං භික්ඛවේ, සම්මාදිට්ඨි. සම්මාදිට්ඨියා භික්ඛවේ, සමන්නාගතා සත්තා කායස්ස භේදා පරං මරණා සුගතිං සග්ගං ලෝකං උපපජ්ජන්තීති.

“පින්වත් මහණෙනි, යම් දෙයක් නිසා මේ සත්වයන් කය බිඳී මරණයට පත් වූ පසු සුගතිය නම් වූ දෙව් ලොව උපදිනවා නම්, පින්වත් මහණෙනි, එයට මේ සම්‍යක් දෘෂ්ටිය තරම් හේතු වන වෙන එකම දෙයක් වත් මා දකින්නේ නෑ. පින්වත් මහණෙනි, සම්‍යක් දෘෂ්ටියෙන් යුතු සත්වයන් කය බිඳී මරණයට පත් වූ පසු සුගතිය නම් වූ දෙව් ලොව උපදිනවා.”

1.16.2.9-15.

මිච්ඡාදිට්ඨිකස්ස භික්ඛවේ, පුරිසපුග්ගලස්ස යඤ්චේව කායකම්මං යථාදිට්ඨි සමත්තං සමාදින්නං, යඤ්ච වචීකම්මං ….(පෙ)…. යඤ්ච මනෝකම්මං යථාදිට්ඨි සමත්තං සමාදින්නං, යා ච චේතනා – යා ච පත්ථනා – යෝ ච පණිධි – යේ ච සංඛාරා සබ්බේ තේ ධම්මා අනිට්ඨාය අකන්තාය අමනාපාය අහිතාය දුක්ඛාය සංවත්තන්ති. තං කිස්ස හේතු? දිට්ඨි හි භික්ඛවේ, පාපිකා. සෙය්‍යථාපි භික්ඛවේ , නිම්බබීජං වා කෝසාතකිබීජං වා තිත්තකලාබුබීජං වා අල්ලාය පථවියා නික්ඛිත්තං යඤ්චේව පථවිරසං උපාදියති, යඤ්ච ආපෝරසං උපාදියති, සබ්බං තං තිත්තකත්තාය කටුකත්තාය අසාතත්තාය සංවත්තති. තං කිස්ස හේතු? බීජං හි භික්ඛවේ, පාපකං. ඒවමේවං ඛෝ භික්ඛවේ, මිච්ඡාදිට්ඨිකස්ස පුරිසපුග්ගලස්ස යඤ්චේව කායකම්මං යථාදිට්ඨි සමත්තං සමාදින්නං, යඤ්ච වචීකම්මං ….(පෙ)…. යඤ්ච මනෝකම්මං යථාදිට්ඨි සමත්තං සමාදින්නං, යා ච චේතනා – යා ච පත්ථනා – යෝ ච පණිධි – යේ ච සංඛාරා – සබ්බේ තේ ධම්මා අනිට්ඨාය අකන්තාය අමනාපාය අහිතාය දුක්ඛාය සංවත්තන්ති. තං කිස්ස හේතු? දිට්ඨි හි භික්ඛවේ, පාපිකාති.

“පින්වත් මහණෙනි, මිත්‍යා දෘෂ්ටික පුරුෂ පුද්ගලයා ගේ ඒ මිත්‍යා දෘෂ්ටියට අනුරූපව එයම සමාදන් ව, කයින් යම් ක්‍රියාවක් කරයි නම් ….(පෙ)…. වචනයෙන් යම් ක්‍රියාවක් කරයි නම් ….(පෙ)…. ඒ මිත්‍යා දෘෂ්ටියට අනුරූපව එයම සමාදන්ව මනසින් යම් ක්‍රියාවක් කරයි නම් ….(පෙ)…. යම් චේතනාවක් ඇති කර ගනියි නම් ….(පෙ)…. යම් පැතුමක් ඇති කර ගනියි නම් ….(පෙ)…. සිතින් යම් අධිෂ්ඨානයක් ඇති කර ගනියි නම් ….(පෙ)…. යම් සංස්කාරත් වේ නම්, ඒ සෑම දෙයක්ම අනිෂ්ට බව පිණිසමයි, අකාන්ත බව පිණිසමයි, අමනාප බව පිණිසමයි, අහිත බව පිණිසමයි, දුක් බව පිණිසමයි පවතින්නේ. එයට හේතුව කුමක්ද? පින්වත් මහණෙනි, දෘෂ්ටිය පවිටු දෙයක් වීම මයි. පින්වත් මහණෙනි, එය මෙවැනි දෙයක්. කොහොඹ බීජයක් හෝ තිත්ත වැටකොළු බීජයක් හෝ තිත්ත ලබු බීජයක් හෝ තෙත පොළොවක සිටෙව්වොත් පොළොවෙහි යම් රසයක් ඇත්නම්, එයත් උරා ගන්නවා. ජලයෙහි යම් රසයක් ඇත්නම් එයත් උරා ගන්නවා. ඒ සියල්ලම පවතින්නේ තිත්ත බව පිණිසමයි. කටුක බව පිණිසමයි. අමිහිරි බව පිණිසමයි. එයට හේතුව කුමක්ද? පින්වත් මහණෙනි, එය පවිටු බීජයක් නිසාමයි. එමෙන්ම පින්වත් මහණෙනි, මිත්‍යා දෘෂ්ටික පුරුෂ පුද්ගලයාගේ ඒ මිත්‍යා දෘෂ්ටියට අනුරූපව එයම සමාදන්ව, කයින් යම් ක්‍රියාවක් කරයි නම් ….(පෙ)…. වචනයෙන් යම් ක්‍රියාවක් කරයි නම් ….(පෙ)…. ඒ මිත්‍යා දෘෂ්ටියට අනුරූපව එයම සමාදන්ව මනසින් යම් ක්‍රියාවක් කරයි නම් ….(පෙ)…. යම් චේතනාවක් ඇති කර ගනියි නම් ….(පෙ)…. යම් පැතුමක් ඇති කර ගනියි නම් ….(පෙ)…. සිතින් යම් අධිෂ්ඨානයක් ඇති කර ගනියි නම් ….(පෙ)…. යම් සංස්කාරත් වේ නම්, ඒ සෑම දෙයක්ම අනිෂ්ට බව පිණිසමයි, අකාන්ත බව පිණිසමයි, අමනාප බව පිණිසමයි, අහිත බව පිණිසමයි, දුක් බව පිණිසමයි පවතින්නේ. එයට හේතුව කුමක්ද? පින්වත් මහණෙනි, එය පවිටු දෘෂ්ටියක් නිසාය.”

1.16.2.16-22

සම්මාදිට්ඨිකස්ස භික්ඛවේ, පුරිසපුග්ගලස්ස යඤ්චේව කායකම්මං යථාදිට්ඨි සමත්තං සමාදින්නං, යඤ්ච වචීකම්මං ….(පෙ)…. යඤ්ච මනෝකම්මං යථාදිට්ඨි සමත්තං සමාදින්නං, යා ච චේතනා – යා ච පත්ථනා – යෝ ච පණිධි – යේ ච සංඛාරා සබ්බේ තේ ධම්මා ඉට්ඨාය කන්තාය මනාපාය හිතාය සුඛාය සංවත්තන්ති. තං කිස්ස හේතු? දිට්ඨි හි භික්ඛවේ, භද්දිකා. සෙය්‍යථාපි භික්ඛවේ, උච්ඡුබීජං වා සාලිබීජං වා මුද්දිකාබීජං වා අල්ලාය පථවියා නික්ඛිත්තං යඤ්චේව පථවිරසං උපාදියති, යඤ්ච ආපෝරසං උපාදියති, සබ්බං තං මධුරත්තාය සාතත්තාය අසේචනකත්තාය සංවත්තති. තං කිස්ස හේතු? බීජං හි භික්ඛවේ, භද්දකං. ඒවමේවං ඛෝ භික්ඛවේ, සම්මාදිට්ඨිකස්ස පුරිසපුග්ගලස්ස යඤ්චේව කායකම්මං යථාදිට්ඨි සමත්තං සමාදින්නං, යඤ්ච වචීකම්මං ….(පෙ)…. යඤ්ච මනෝකම්මං යථාදිට්ඨි සමත්තං සමාදින්නං, යා ච චේතනා – යා ච පත්ථනා – යෝ ච පණිධි – යේ ච සංඛාරා – සබ්බේ තේ ධම්මා ඉට්ඨාය කන්තාය මනාපාය හිතාය සුඛාය සංවත්තන්ති. තං කිස්ස හේතු? දිට්ඨි හි භික්ඛවේ, භද්දිකාති.

“පින්වත් මහණෙනි, සම්‍යක් දෘෂ්ටික පුරුෂ පුද්ගලයාගේ ඒ සම්‍යක් දෘෂ්ටියට අනුරූපව එයම සමාදන්ව, කයින් යම් ක්‍රියාවක් කරයි නම් ….(පෙ)…. වචනයෙන් යම් ක්‍රියාවක් කරයි නම් ….(පෙ)…. ඒ සම්‍යක් දෘෂ්ටියට අනුරූපව එයම සමාදන්ව, මනසින් යම් ක්‍රියාවක් කරයි නම් ….(පෙ)…. යම් චේතනාවක් ඇති කර ගනියි නම් ….(පෙ)…. යම් පැතුමක් ඇති කර ගනියි නම් ….(පෙ)…. සිතින් යම් අධිෂ්ඨානයක් ඇති කර ගනියි නම් ….(පෙ)…. යම් සංස්කාරත් වේ නම්, ඒ සෑම දෙයක්ම ඉෂ්ට බව පිණිසමයි, කාන්ත බව පිණිසමයි, මනාප බව පිණිසමයි, හිත පිණිසමයි, සැප පිණිසමයි පවතින්නේ. එයට හේතුව කුමක්ද? පින්වත් මහණෙනි, දෘෂ්ටිය සොඳුරු දෙයක් වීම මයි. පින්වත් මහණෙනි, එය මෙවැනි දෙයක්. උක් බීජයක් හෝ හැල් බීජයක් හෝ මිදි බීජයක් හෝ තෙත පොළොවක සිටෙව්වොත් පොළොවෙහි යම් රසයක් ඇත්නම්, එයත් උරා ගන්නවා. ජලයෙහි යම් රසයක් ඇත්නම් එයත් උරා ගන්නවා. ඒ සියල්ලම පවතින්නේ මධුර බව පිණිසමයි. මිහිරි බව පිණිසමයි. අතිශයින්ම රසවත් බව පිණිසමයි. එයට හේතුව කුමක්ද? පින්වත් මහණෙනි, එය සොඳුරු බීජයක් නිසාමයි. එමෙන්ම පින්වත් මහණෙනි, සම්‍යක් දෘෂ්ටික පුරුෂ පුද්ගලයාගේ ඒ සම්‍යක් දෘෂ්ටියට අනුරූපව එයම සමාදන්ව, කයින් යම් ක්‍රියාවක් කරයි නම් ….(පෙ)…. වචනයෙන් යම් ක්‍රියාවක් කරයි නම් ….(පෙ)…. ඒ සම්‍යක් දෘෂ්ටියට අනුරූපව එයම සමාදන්ව මනසින් යම් ක්‍රියාවක් කරයි නම් ….(පෙ)…. යම් චේතනාවක් ඇති කර ගනියි නම් ….(පෙ)…. යම් පැතුමක් ඇති කර ගනියි නම් ….(පෙ)…. සිතින් යම් අධිෂ්ඨානයක් ඇති කර ගනියි නම් ….(පෙ)…. යම් සංස්කාරත් වේ නම්, ඒ සෑම දෙයක්ම ඉෂ්ට බව පිණිසමයි, කාන්ත බව පිණිස මයි, මනාප බව පිණිසමයි, හිත පිණිසමයි, සැප පිණිසමයි පවතින්නේ. එයට හේතුව කුමක්ද? පින්වත් මහණෙනි, එය සොඳුරු දෘෂ්ටියක් නිසාය.”

වග්ගෝ දුතියෝ.

දෙවෙනි වර්ගයයි.

1.16.3.1.

ඒකපුග්ගලෝ භික්ඛවේ, ලෝකේ උප්පජ්ජමානෝ උප්පජ්ජති බහුජනඅහිතාය බහුජනඅසුඛාය බහුනෝ ජනස්ස අනත්ථාය අහිතාය දුක්ඛාය දේවමනුස්සානං. කතමෝ ඒකපුග්ගලෝ? මිච්ඡාදිට්ඨිකෝ හෝති විපරීතදස්සනෝ. සෝ බහුජනං සද්ධම්මා වුට්ඨාපෙත්වා, අසද්ධම්මේ පතිට්ඨාපේති. අයං ඛෝ භික්ඛවේ, ඒකපුග්ගලෝ ලෝකේ උප්පජ්ජමානෝ උප්පජ්ජති බහුජනඅහිතාය බහුජනඅසුඛාය, බහුනෝ ජනස්ස අනත්ථාය අහිතාය දුක්ඛාය දේවමනුස්සානං.

“පින්වත් මහණෙනි, මේ ලෝකයෙහි එක පුද්ගලයෙක් උපදිනවා. ඒ උපදින්නේ බොහෝ දෙනාගේ අයහපත පිණිසයි. බොහෝ දෙනාගේ දුක පිණිසයි. බොහෝ ජනයාගේත්, දෙව් මිනිසුන්ගේත් අනර්ථය, අහිත, දුක පිණිසමයි. ඒ එකම පුද්ගලයා කවුද? ඒ තමයි වැරදි ආකල්පවලින් යුතු මිත්‍යා දෘෂ්ටිකයා. ඔහු බොහෝ ජනයා සද්ධර්මයෙන් අයින් කරලා, අධර්මයේ පිහිටුවනවා. පින්වත් මහණෙනි, මේ තමයි බොහෝ ජනයාගේ අහිත පිණිස, බොහෝ දෙනාගේ දුක පිණිස, බොහෝ ජනයාගේත්, දෙව් මිනිසුන්ගේත් අනර්ථය පිණිස, අහිත පිණිස, දුක පිණිස මේ ලෝකයේ උපදින එකම පුද්ගලයා.”

1.16.3.2.

ඒකපුග්ගලෝ භික්ඛවේ, ලෝකේ උප්පජ්ජමානෝ උප්පජ්ජති බහුජනහිතාය බහුජනසුඛාය බහුනෝ ජනස්ස අත්ථාය හිතාය සුඛාය දේවමනුස්සානං. කතමෝ ඒකපුග්ගලෝ? සම්මාදිට්ඨිකෝ හෝති අවිපරීතදස්සනෝ. සෝ බහුජනං අසද්ධම්මා වුට්ඨාපෙත්වා, සද්ධම්මේ පතිට්ඨාපේති. අයං ඛෝ, භික්ඛවේ, ඒකපුග්ගලෝ ලෝකේ උපපජ්ජමානෝ උප්පජ්ජති බහුජනහිතාය බහුජනසුඛාය, බහුනෝ ජනස්ස අත්ථාය හිතාය සුඛාය දේවමනුස්සානං.

“පින්වත් මහණෙනි, මේ බොහෝ දෙනාගේ යහපත පිණිස, බොහෝ දෙනාගේ සැපය පිණිස, බොහෝ දෙනාගේත්, දෙව් මිනිසුන්ගේත් අර්ථය පිණිස, යහපත පිණිස, සැප පිණිස මේ ලෝකයේ උපදින එකම පුද්ගලයෙක් ඉන්නවා. කවුද ඒ එක ම එක පුද්ගලයා? ඒ තමයි නිවැරදි ආකල්ප ඇති සම්මා දිට්ඨියෙන් යුතු කෙනා. ඔහු බොහෝ දෙනාව අධර්මයෙන් අයින් කරලා, ධර්මයේ පිහිටුවනවා. පින්වත් මහණෙනි, මේ තමයි බොහෝ ජනයාගේ යහපත පිණිස, බොහෝ දෙනාගේ සැපය පිණිස, බොහෝ දෙනාගේත්, දෙව් මිනිසුන්ගේත් අර්ථය පිණිස, යහපත පිණිස, සැපය පිණිස මේ ලෝකයේ උපදින එකම පුද්ගලයා.”

1.16.3.3.

නාහං භික්ඛවේ, අඤ්ඤං ඒකධම්මම්පි සමනුපස්සාමි, යං ඒවං මහාසාවජ්ජං, යථයිදං භික්ඛවේ, මිච්ඡාදිට්ඨි. මිච්ඡාදිට්ඨිපරමානි, භික්ඛවේ, මහාසාවජ්ජානීති.

“පින්වත් මහණෙනි, මේ මිත්‍යා දෘෂ්ටිය තරම් බරපතල වැරදි සහගත එකම දෙයක් වත් මා දකින්නේ නෑ. පින්වත් මහණෙනි, සියලු වැරදි මේ මිත්‍යා දෘෂ්ටිය මුල් කරගෙනයි තියෙන්නේ.”

1.16.3.4.

නාහං භික්ඛවේ, අඤ්ඤං ඒකපුග්ගලම්පි සමනුපස්සාමි, යෝ ඒවං බහුජනඅහිතාය පටිපන්නෝ බහුජනඅසුඛාය, බහුනෝ ජනස්ස අනත්ථාය අහිතාය දුක්ඛාය දේවමනුස්සානං, යථයිදං භික්ඛවේ, මක්ඛලි මෝඝපුරිසෝ. සෙය්‍යථාපි භික්ඛවේ, නදීමුඛේ ඛිප්පං ඔඩ්ඩෙය්‍ය බහූනං මච්ඡානං අහිතාය දුක්ඛාය අනත්ථාය ව්‍යසනාය. ඒවමේව ඛෝ භික්ඛවේ, මක්ඛලි මෝඝපුරිසෝ මනුස්සඛිපං මඤ්ඤේ ලෝකේ උප්පන්නෝ බහුන්නං සත්තානං අහිතාය දුක්ඛාය අනත්ථාය ව්‍යසනායාති.

“පින්වත් මහණෙනි, මේ මක්ඛලී ගෝසාල කියන හිස් පුරුෂයා තරම් බොහෝ දෙනාගේ අහිත පිණිස, බොහෝ දෙනාගේ දුක පිණිස, බොහෝ දෙනාගේත්, දෙව් මිනිසුන්ගේත් අනර්ථය පිණිස, අහිත පිණිස, දුක පිණිසම පැමිණි වෙනත් එකම පුද්ගලයෙක් වත් මා දකින්නේ නෑ. පින්වත් මහණෙනි, ඒක මෙන්න මේ වගෙයි. ගඟක මෝය කටක කෙමනක් අටවලා තියෙනවා. එය බොහෝ මත්ස්‍යයින්ගේ අහිත පිණිසත්, දුක පිණිසත්, අනර්ථය පිණිසත්, විනාශය පිණිසත් හේතු වෙනවා. අන්න ඒ වගේම තමයි පින්වත් මහණෙනි, ඔය මක්ඛලී කියන හිස් පුරුෂයා බොහෝ සත්වයන්ගේ අහිත පිණිසත්, දුක පිණිසත්, අනර්ථය පිණිසත්, විනාශය පිණිසත් මේ ලෝකෙ ඉපදිච්ච මිනිස් කෙමනක් කියලයි හිතෙන්නේ.”

1.16.3.5.

දුරක්ඛාතේ භික්ඛවේ, ධම්මවිනයේ යෝ ච සමාදපේති, යඤ්ච සමාදපේති, යෝ ච සමාදපිතෝ තථත්තාය පටිපජ්ජති, සබ්බේ තේ බහුං අපුඤ්ඤං පසවන්ති. තං කිස්ස හේතු? දුරක්ඛාතත්තා භික්ඛවේ, ධම්මස්ස.

“පින්වත් මහණෙනි, යමෙක් වැරදි විදිහට කරුණු පවසන ලද ධර්ම විනයක තවත් අයව සමාදන් කරවයි නම්, ඒ අය ලවා වෙනත් අයවත් එහි සමාදන් කරවයි නම්, එසේ සමාදන් කරවපු කෙනාත් ඒ වැරදි මාර්ගය ම පිළිපදිනවා නම්, ඒ සියලු දෙනාම බොහෝ පව් රැස් කරගන්නවා. ඒකට හේතුව මොකක්ද? පින්වත් මහණෙනි, ඒ වැරදි විදිහට කරුණු දක්වන ලද ධර්මයක් නිසයි.”

1.16.3.6.

ස්වාක්ඛාතේ භික්ඛවේ, ධම්මවිනයේ යෝ ච සමාදපේති, යඤ්ච සමාදපේති, යෝ ච සමාදපිතෝ තථත්තාය පටිපජ්ජති, සබ්බේ තේ බහුං පුඤ්ඤං පසවන්ති. තං කිස්ස හේතු? ස්වාක්ඛාතත්තා භික්ඛවේ, ධම්මස්සාති.

“පින්වත් මහණෙනි, යමෙක් ඉතා යහපත් ලෙස කරුණු පවසන ලද ධර්ම විනයක තවත් අයව සමාදන් කරවයි නම්, ඒ අය ලවා වෙනත් අයවත් එහි සමාදන් කරවයි නම්, එසේ සමාදන් කරවපු කෙනාත් ඒ යහපත් මාර්ගය පිළිපදිනවා නම්, ඒ සියලු දෙනාම බොහෝ පින් රැස් කරගන්නවා. ඒකට හේතුව මොකක්ද? පින්වත් මහණෙනි, ඒ ඉතා යහපත් ලෙස කරුණු දක්වන ලද ධර්මයක් නිසයි.”

1.16.3.7.

දුරක්ඛාතේ භික්ඛවේ, ධම්මවිනයේ දායකේන මත්තා ජානිතබ්බා, නෝ පටිග්ගාහකේන. තං කිස්ස හේතු? දුරක්ඛාතත්තා භික්ඛවේ, ධම්මස්ස.

“පින්වත් මහණෙනි, වැරදි විදිහට දෙසන ලද ධර්ම විනය තුළ පුද පූජා කළ යුතු දේවල්වල ප්‍රමාණය දැන ගත යුත්තේ දායකයා විසිනුයි. පිළිගන්න කෙනා විසින් නොවෙයි. ඒකට හේතුව කුමක්ද? පින්වත් මහණෙනි, වැරදියට දෙසන ලද ධර්මයක් ඇති නිසයි.”

1.16.3.8.

ස්වාක්ඛාතේ භික්ඛවේ, ධම්මවිනයේ පටිග්ගාහකේන මත්තා ජානිතබ්බා, නෝ දායකේන. තං කිස්ස හේතු? ස්වාක්ඛාතත්තා භික්ඛවේ, ධම්මස්සාති.

“පින්වත් මහණෙනි, ඉතා යහපත් ලෙස දෙසන ලද ධර්ම විනය තුළ නම් පිළිගන්න කෙනා විසින් තමයි ප්‍රමාණය දැන ගත යුත්තේ. දායකයා විසින් නොවෙයි. ඒකට හේතුව කුමක් ද? පින්වත් මහණෙනි, ඉතා යහපත් ලෙස දෙසන ලද ධර්මයක් ඇති නිසයි.”

1.16.3.9.

දුරක්ඛාතේ භික්ඛවේ, ධම්මවිනයේ යෝ ආරද්ධවිරියෝ, සෝ දුක්ඛං විහරති. තං කිස්ස හේතු? දුරක්ඛාතත්තා භික්ඛවේ, ධම්මස්ස.

“පින්වත් මහණෙනි, වැරදි විදිහට දෙසන ලද ධර්ම විනය තුළ යම් කෙනෙක් පටන් ගත් වීරියෙන් යුක්ත නම්, ඔහු වාසය කරන්නේ දුකිනුයි. ඒකට හේතුව කුමක්ද? පින්වත් මහණෙනි, වැරදි විදිහට දෙසන ලද ධර්මයක් ඇති නිසයි.”

1.16.3.10.

ස්වාක්ඛාතේ භික්ඛවේ, ධම්මවිනයේ යෝ කුසීතෝ, සෝ දුක්ඛං විහරති. තං කිස්ස හේතු? ස්වාක්ඛාතත්තා භික්ඛවේ, ධම්මස්සාති.

“පින්වත් මහණෙනි, ඉතා යහපත් ලෙස දෙසන ලද ධර්ම විනය තුළ යම් කෙනෙක් අලසකමින් වාසය කරනවා නම්, ඔහු දුක සේ තමයි වාසය කරන්නේ. ඒකට හේතුව කුමක්ද? පින්වත් මහණෙනි, ඉතා යහපත් ලෙස දෙසන ලද ධර්මයක් තිබීම නිසයි.”

1.16.3.11.

දුරක්ඛාතේ භික්ඛවේ, ධම්මවිනයේ යෝ කුසීතෝ, සෝ සුඛං විහරති. තං කිස්ස හේතු? දුරක්ඛාතත්තා භික්ඛවේ, ධම්මස්ස.

“පින්වත් මහණෙනි, වැරදි විදිහට දෙසන ලද ධර්ම විනය තුළ යම් කෙනෙක් කුසීතව වාසය කරනවා නම්, ඔහු සැපයෙන් යුක්තවයි වාසය කරන්නේ. ඒකට හේතුව කුමක්ද? පින්වත් මහණෙනි, වැරදි විදිහට දෙසන ලද ධර්මයක් ඇති නිසයි.”

1.16.3.12.

ස්වාක්ඛාතේ භික්ඛවේ, ධම්මවිනයේ යෝ ආරද්ධවිරියෝ, සෝ සුඛං විහරති. තං කිස්ස හේතු? ස්වාක්ඛාතත්තා භික්ඛවේ, ධම්මස්සාති.

“පින්වත් මහණෙනි, ඉතා යහපත් ලෙස දෙසන ලද ධර්ම විනය තුළ යම් කෙනෙක් පටන් ගත් වීරියෙන් යුක්තව වාසය කරනවා නම්, ඔහු සැප සේ තමයි වාසය කරන්නේ. ඒකට හේතුව කුමක්ද? පින්වත් මහණෙනි, ඉතා යහපත් ලෙස දෙසන ලද ධර්මයක් තිබීම නිසයි.”

1.16.3.13.

සෙය්‍යථාපි භික්ඛවේ, අප්පමත්තකෝපි ගූථෝ දුග්ගන්ධෝ හෝති; ඒවමේව ඛෝ අහං භික්ඛවේ, අප්පමත්තකම්පි භවං න වණ්ණේමි, අන්තමසෝ අච්ඡරාසංඝාතමත්තම්පීති.

“පින්වත් මහණෙනි, යම් අයුරකින් ඉතාමත් ස්වල්ප වූ හෝ අසුචි දුගඳින් යුක්ත වෙයිද, පින්වත් මහණෙනි, අන්න ඒ වගේමයි, ඉතා ස්වල්ප කාලයක් වූ භවයක් වුනත් මා වර්ණනා කරන්නේ නෑ. අඩු ගණනේ අසුරු සැණක් ගහන මොහොතක් තරම්වත් (මා වර්ණනා කරන්නේ නෑ.)”

1.16.3.14.

සෙය්‍යථාපි භික්ඛවේ, අප්පමත්තකම්පි මුත්තං දුග්ගන්ධං හෝති ….(පෙ)…. අප්පමත්තකෝපි බේළෝ දුග්ගන්ධෝ හෝති ….(පෙ)…. අප්පමත්තකෝපි පුබ්බෝ දුග්ගන්ධෝ හෝති ….(පෙ)…. අප්පමත්තකම්පි ලෝහිතං දුග්ගන්ධං හෝති ….(පෙ)…. ඒවමේව ඛෝ අහං භික්ඛවේ, අප්පමත්තකම්පි භවං න වණ්ණේමි, අන්තමසෝ අච්ඡරාසංඝාතමත්තම්පීති.

“පින්වත් මහණෙනි, යම් අයුරකින් ඉතාමත් ස්වල්ප වූ හෝ මුත්‍රා දුගඳින් යුක්ත වෙයිද, ….(පෙ)…. ඉතාමත් ස්වල්ප වූ හෝ කෙළ දුගඳින් යුක්ත වෙයිද, ….(පෙ)…. ඉතාමත් ස්වල්ප වූ හෝ සැරව දුගඳින් යුක්ත වෙයිද, ….(පෙ)…. ඉතාමත් ස්වල්ප වූ හෝ ලේ දුගඳින් යුක්ත වෙයිද, පින්වත් මහණෙනි, අන්න ඒ වගේමයි, ඉතා ස්වල්ප කාලයක් වූ භවයක් වුනත් මා වර්ණනා කරන්නේ නෑ. අඩු ගණනේ අසුරු සැණක් ගහන මොහොතක් තරම්වත් (මා වර්ණනා කරන්නේ නෑ.)”

වග්ගෝ තතියෝ.

තුන්වෙනි වර්ගයයි.

ජම්බුදීපපෙය්‍යාලෝ.

ජම්බුදීප පෙය්‍යාලය

1.16.4.1.

සෙය්‍යථාපි භික්ඛවේ, අප්පමත්තකං ඉමස්මිං ජම්බුදීපේ ආරාමරාමණෙය්‍යකං වනරාමණෙය්‍යකං භූමිරාමණෙය්‍යකං පොක්ඛරණිරාමණෙය්‍යකං. අථ ඛෝ ඒතදේව බහුතරං යදිදං උක්කූලවිකූලං නදීවිදුග්ගං ඛාණුකණ්ටකාධානං පබ්බතවිසමං. ඒවමේව ඛෝ භික්ඛවේ, අප්පකා තේ සත්තා යේ ථලජා. අථ ඛෝ ඒතේව සත්තා බහුතරා යේ ඕදකා.

“පින්වත් මහණෙනි, මේ දඹදිව රමණීය ආරාම, රමණීය වනාන්තර, රමණීය භූමි, රමණීය පැන් පොකුණු තිබෙන්නේ ස්වල්පයයි. එනමුත් පින්වත් මහණෙනි, මේ බෑවුම්, පල්ලම්, ගංගා දුර්ග, කාණු, කටු තියෙන තැන් විසම කඳු ගැට ආදියම තමයි බහුලව තියෙන්නෙ. පින්වත් මහණෙනි, අන්න ඒ වගේ තමයි, මේ ගොඩබිම උපදින සත්වයන් ඉන්නේ ස්වල්පයයි. නමුත් යම් සත්වයෝ ජලයේ උපදිනවා නම්, ඒ සත්වයන් තමයි බහුලව ඉන්නෙ.”

1.16.4.2.

….(පෙ)…. ඒවමේව ඛෝ, භික්ඛවේ, අප්පකා තේ සත්තා යේ මනුස්සේසු පච්චාජායන්ති. අථ ඛෝ ඒතේව සත්තා බහුතරා යේ අඤ්ඤත්‍ර මනුස්සේහි පච්චාජායන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් මිනිසුන් අතර උපදිනවා නම්, ඒ සත්වයන් ඉන්නෙ ස්වල්පයයි. එහෙත් යම් කෙනෙක් මේ මනුෂ්‍ය ජීවිතයෙන් බැහැර වෙනත් තැන්වල උපදිනවා නම්, ඒ සත්වයන්ම තමයි බහුලව ඉන්නෙ.”

1.16.4.3.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ මජ්ඣිමේසු ජනපදේසු පච්චාජායන්ති. අථ ඛෝ ඒතේව සත්තා බහුතරා යේ පච්චන්තිමේසු ජනපදේසු පච්චාජායන්ති අවිඤ්ඤාතාරේසු මිලක්ඛේසු

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් මේ මධ්‍යම ජනපදයෙහි (බුදුවරු පහළ වෙන, සද්ධර්මය පැතිරී ඇති ප්‍රදේශයෙහි) උපදිනවා නම්, ඒ සත්වයන් ඉන්නෙ ස්වල්පයයි. එහෙත් යම් කෙනෙක් අඥාන, මිලේච්ඡ උදවිය ඉන්න ප්‍රත්‍යන්ත (සද්ධර්මය අසන්නට නොලැබෙන) ජනපදවල උපදිනවා නම්, ඒ සත්වයන්ම තමයි බහුලව ඉන්නෙ.”

1.16.4.4.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ පඤ්ඤවන්තෝ අජළා අනේළමූගා පටිබලා සුභාසිතදුබ්භාසිතස්ස අත්ථමඤ්ඤාතුං. අථ ඛෝ ඒතේව සත්තා බහුතරා යේ දුප්පඤ්ඤා ජළා ඒළමූගා න පටිබලා සුභාසිතදුබ්භාසිතස්ස අත්ථමඤ්ඤාතුං.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් ප්‍රඥාවන්ත නම්, මෝඩ නැත්නම්, බුද්ධිමත් ව කතා කරනවා නම්, සුභාෂිත වූ බුද්ධ වචනයත් දුර්භාෂිත වූ මිසදිටු වචනත් වෙන්ව හඳුනා ගැනීමට තරම් සමත් නම්, ඒ සත්වයන් ඉන්නෙ ස්වල්පයයි. ඒ වුනත් ප්‍රඥාව නැති, මෝඩ, කට වාචාල, සුභාෂිත වූ බුද්ධ වචනයත්, දුර්භාෂිත වූ මිසදිටු වචනත් වෙන්ව හඳුනා ගැනීමට තරම් අසමත් අය ඉන්නවා නම්, ඒ සත්වයන්ම තමයි බහුලව ඉන්නෙ.”

1.16.4.5.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ අරියේන පඤ්ඤාචක්ඛුනා සමන්නාගතා. අථ ඛෝ ඒතේව සත්තා බහුතරා යේ අවිජ්ජාගතා සම්මූළ්හා.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙකුට ආර්ය වූ ප්‍රඥා ඇස තියෙනවා නම්, ඒ සත්වයන් ඉන්නෙ ස්වල්පයයි. ඒ වුනත් අවිද්‍යාවෙන් මුළා වෙච්ච අය ඉන්නවා නම්, ඒ සත්වයන්ම තමයි බහුලව ඉන්නෙ.”

1.16.4.6.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ ලභන්ති තථාගතං දස්සනාය. අථ ඛෝ ඒතේව සත්තා බහුතරා යේ න ලභන්ති තථාගතං දස්සනාය.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙකුට තථාගතයන් වහන්සේව දකින්නට ලැබෙනවා නම්, ඒ සත්වයන් ඉන්නෙ ස්වල්පයයි. ඒ වුනත් යම් කෙනෙකුට තථාගතයන් වහන්සේව දකින්න ලැබෙන්නේ නැත්නම්, ඒ සත්වයන්ම තමයි බහුලව ඉන්නෙ.”

1.16.4.7.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ ලභන්ති තථාගතප්පවේදිතං ධම්මවිනයං සවණාය. අථ ඛෝ ඒතේව සත්තා බහුතරා, යේ න ලභන්ති තථාගතප්පවේදිතං ධම්මවිනයං සවණාය.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙකුට තථාගතයන් වහන්සේ වදාළ ධර්මය විනය අහන්නට ලැබෙනවා නම්, ඒ සත්වයන් ඉන්නෙ ස්වල්පයයි. ඒ වුනත් යම් කෙනෙකුට තථාගතයන් වහන්සේ වදාළ ධර්ම විනය අහන්න ලැබෙන්නේ නැත්නම්, ඒ සත්වයන්ම තමයි බහුලව ඉන්නෙ.”

1.16.4.8.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ සුත්වා ධම්මං ධාරෙන්ති. අථ ඛෝ ඒතේව සත්තා බහුතරා, යේ සුත්වා ධම්මං න ධාරෙන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් ධර්මය අහලා, මතකයේ රඳවා ගන්නවා නම්, ඒ සත්වයන් ඉන්නෙ ස්වල්පයයි. ඒ වුනත් යම් කෙනෙක් ධර්මය අහලා, මතකයේ රඳවා ගන්නේ නැත්නම්, ඒ සත්වයන්ම තමයි බහුලව ඉන්නෙ.”

1.16.4.9.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ ධතානං ධම්මානං අත්ථං උපපරික්ඛන්ති. අථ ඛෝ ඒතේව සත්තා බහුතරා, යේ ධතානං ධම්මානං අත්ථං න උපපරික්ඛන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් මතකයේ රඳවා ගත් ඒ ධර්මයේ අර්ථ සිතා බලනවා නම්, ඒ සත්වයන් ඉන්නෙ ස්වල්පයයි. ඒ වුනත් යම් කෙනෙක් මතකයේ රඳවාගත් ධර්මයේ අර්ථ සිතා බලන්නේ නැත්නම්, අන්න ඒ සත්වයන්ම තමයි බහුලව ඉන්නෙ.”

1.16.4.10

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ අත්ථමඤ්ඤාය ධම්මමඤ්ඤාය ධම්මානුධම්මං පටිපජ්ජන්ති. අථ ඛෝ ඒතේව සත්තා බහුතරා, යේ අත්ථමඤ්ඤාය ධම්මමඤ්ඤාය ධම්මානුධම්මං න පටිපජ්ජන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් අර්ථ දැනගෙන, ධර්මය දැනගෙන, ධර්මානුකූල වූ ප්‍රතිපත්තියේ යෙදෙනවා නම්, ඒ සත්වයන් ඉන්නෙ ස්වල්පයයි. ඒ වුනාට යම් කෙනෙක් අර්ථ දැන ගෙන, ධර්මය දැනගෙන, ධර්මානුකූල වූ ප්‍රතිපදාවේ යෙදෙන්නේ නැත්නම්, ඒ සත්වයන්ම තමයි බහුලව ඉන්නෙ.”

1.16.4.11.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ සංවේජනියේසු ඨානේසු සංවිජ්ජන්ති. අථ ඛෝ ඒතේව සත්තා බහුතරා, යේ සංවේජනියේසු ඨානේසු න සංවිජ්ජන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් සංවේගයට පත් විය යුතු තැන්වලදී සංවේගයට පත් වෙනවා නම්, ඒ සත්වයන් ඉන්නෙ ස්වල්පයයි. ඒත් යම් කෙනෙක් සංවේගයට පත් විය යුතු තැන්වලදී සංවේගයට පත්වෙන්නේ නැත්නම්, ඒ සත්වයන්ම තමයි බහුලව ඉන්නෙ.”

1.16.4.12.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ සංවිග්ගා යෝනිසෝ පදහන්ති. අථ ඛෝ ඒතේව සත්තා බහුතරා යේ සංවිග්ගා යෝනිසෝ න පදහන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් සංවේගයට පත් වෙලා නුවණින් වීරිය කරනවා නම්, ඒ සත්වයන් ඉන්නෙ ස්වල්පයයි. ඒත් සංවේගයට පත් වෙලා නුවණින් වීරිය කරන්නේ නැති අය ඉන්නවා නම්, ඒ සත්වයන්ම තමයි බහුලව ඉන්නෙ.”

1.16.4.13.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ වවස්සග්ගාරම්මණං කරිත්වා ලභන්ති සමාධිං, ලභන්ති චිත්තස්ස ඒකග්ගං. අථ ඛෝ ඒතේව සත්තා බහුතරා යේ වවස්සග්ගාරම්මණං කරිත්වා න ලභන්ති සමාධිං, න ලභන්ති චිත්තස්ස ඒකග්ගං.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් නිවන අරමුණු කරලා සමාධිය ලබනවා නම්, සිතේ එකඟ බව ලබනවා නම්, ඒ සත්වයන් ඉන්නෙ ස්වල්පයයි. ඒත් යම් කෙනෙක් නිවන අරමුණු කොට සමාධිය ලබන්නේ නැත්නම්, සිතේ එකඟ බව ලබන්නේ නැත්නම්, අන්න ඒ සත්වයන්ම තමයි බහුලව ඉන්නෙ.”

1.16.4.14.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ අන්නග්ගරසග්ගානං ලාභිනෝ. අථ ඛෝ ඒතේව සත්තා බහුතරා යේ අන්නග්ගරසග්ගානං න ලාභිනෝ උඤ්ඡේන කපාලාභතේන යාපෙන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙකුට අග්‍ර වූ ආහාරත්, අග්‍ර වූ රසත් ලැබෙනවා නම්, ඒ සත්වයන් ඉන්නෙ ස්වල්පයයි. ඒත් පින්වත් මහණෙනි, යම් කෙනෙකුට අග්‍ර වූ ආහාරත්, අග්‍ර වූ රසයත් ලැබෙන්නේ නැත්නම්, බොහෝම නීරස කෑම බීම පවා අමාරුවෙන් සොයා ගන්නවා නම්, අන්න ඒ සත්වයන්ම තමයි බහුලව ඉන්නෙ.”

1.16.4.15.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ අත්ථරසස්ස ධම්මරසස්ස විමුත්තිරසස්ස ලාභිනෝ. අථ ඛෝ ඒතේව සත්තා බහුතරා යේ අත්ථරසස්ස, ධම්මරසස්ස, විමුත්තිරසස්ස න ලාභිනෝ. තස්මාතිහ භික්ඛවේ , ඒවං සික්ඛිතබ්බං අත්ථරසස්ස, ධම්මරසස්ස, විමුත්තිරසස්ස, ලාභිනෝ භවිස්සාමාති. ඒවං හි වෝ භික්ඛවේ, සික්ඛිතබ්බන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් අර්ථ රසය, ධර්ම රසය, අමා නිවන් රසය ලබනවා නම්, ඒ සත්වයන් ඉන්නෙ ස්වල්පයයි. ඒ වුනත් පින්වත් මහණෙනි, යම් කෙනෙක් අර්ථ රසය, ධර්ම රසය, අමා නිවන් රසය ලබන්නේ නැත්නම්, ඒ සත්වයන්ම තමයි බහුලව ඉන්නෙ. ඒ නිසා ම පින්වත් මහණෙනි, මෙන්න මේ විදිහට හික්මෙන්න ඕන. ‘අපි ධර්ම රසයත්, අර්ථ රසයත්, අමා නිවන් රසත් ලබන අය වෙනවා’ කියලා. පින්වත් මහණෙනි, මෙන්න මේ විදිහටමයි ඔබ හික්මෙන්නට ඕන.”

1.16.4.16-18.

සෙය්‍යථාපි භික්ඛවේ, අප්පමත්තකං ඉමස්මිං ජම්බුදීපේ ආරාමරාමණෙය්‍යකං වනරාමණෙය්‍යකං භූමිරාමණෙය්‍යකං පොක්ඛරණිරාමණෙය්‍යකං, අථ ඛෝ ඒතදේව බහුතරං යදිදං උක්කූලවිකූලං නදීවිදුග්ගං ඛාණුකණ්ටකාධානං පබ්බතවිසමං. ඒවමේවං ඛෝ භික්ඛවේ, අප්පකා තේ සත්තා යේ මනුස්සා චුතා මනුස්සේසු පච්චාජායන්ති. අථ ඛෝ ඒතේව සත්තා බහුතරා, යේ මනුස්සා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“පින්වත් මහණෙනි, ඒක මෙන්න මේ වගේ දෙයක්. මේ දඹදිව රමණීය ආරාම, රමණීය වනාන්තර, රමණීය භූමි භාග, රමණීය පොකුණු ආදිය අල්පයි. ඒ වුනත් වැඩිපුරම තියෙන්නේ වළ ගොඩැළි තැන්, ගංගා දුර්ග, කානු කටු තියෙන තැන්, විසම පර්වත වගේ තැන්. අන්න ඒ වගේම තමයි පින්වත් මහණෙනි, යම් කෙනෙක් මේ මිනිස් ජීවිතයෙන් චුත වෙලා ගිහිල්ලා ආයෙමත් මිනිසුන් අතරම උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් මිනිස් ජීවිතයෙන් චුත වෙලා නිරයේ උපදිනවා නම්, අන්න ඒ සත්වයින්ම තමයි වැඩිපුරම ඉන්නෙ. ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1. 16. 4. 19-21.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ මනුස්සා චුතා දේවේසු පච්චාජායන්ති. අථ ඛෝ ඒතේව සත්තා බහුතරා, යේ මනුස්සා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ මිනිස් බවෙන් චුත වෙලා දෙවියන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් මිනිසත් බවෙන් චුත වෙලා නිරයේ උපදිනවා නම්, අන්න ඒ සත්වයින්ම තමයි වැඩිපුරම ඉන්නෙ. ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.22-24.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ දේවා චුතා දේවේසු පච්චාජායන්ති. අථ ඛෝ ඒතේව සත්තා බහුතරා, යේ දේවා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ දෙවියන් අතරින් චුත වෙලා දෙවියන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් දෙවියන් අතරින් චුත වෙලා නිරයේ උපදිනවා නම්, අන්න ඒ සත්වයින් ම තමයි වැඩිපුරම ඉන්නෙ. ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.25-27.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ දේවා චුතා මනුස්සේසු පච්චාජායන්ති. අථ ඛෝ ඒතේව සත්තා බහුතරා, යේ දේවා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ දෙවියන් අතරින් චුත වෙලා මිනිසුන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් දෙවියන් අතරින් චුත වෙලා නිරයේ උපදිනවා නම් ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.28-30.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ නිරයා චුතා මනුස්සේසු පච්චාජායන්ති. අථ ඛෝ ඒතේව සත්තා බහුතරා, යේ නිරයා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ නිරයෙන් චුත වෙලා මිනිසුන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් නිරයෙන් චුත වෙලා නිරයේම උපදිනවා නම් ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.31-33.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ නිරයා චුතා දේවේසු පච්චාජායන්ති. අථ ඛෝ ඒතේව සත්තා බහුතරා, යේ නිරයා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ නිරයෙන් චුත වෙලා දෙවියන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් නිරයෙන් චුත වෙලා නිරයේම උපදිනවා නම් ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.34-36.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ තිරච්ඡානයෝනියා චුතා මනුස්සේසු පච්චාජායන්ති, අථ ඛෝ ඒතේව සත්තා බහුතරා, යේ තිරච්ඡානයෝනියා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ තිරිසන් ජීවිතයෙන් චුත වෙලා මිනිසුන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් තිරිසන් ජීවිතයෙන් චුත වෙලා නිරයේ උපදිනවා නම් ….(පෙ)…. තිරිසන් ජීවිතයේම උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.37-39

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ තිරච්ඡානයෝනියා චුතා දේවේසු පච්චාජායන්ති. අථ ඛෝ ඒතේව සත්තා බහුතරා, යේ තිරච්ඡානයෝනියා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ත, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ තිරිසන් ජීවිතයෙන් චුත වෙලා දෙවියන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් තිරිසන් ජීවිතයෙන් චුත වෙලා නිරයේ උපදිනවා නම් ….(පෙ)…. තිරිසන් ජීවිතයේම උපදිනවා නම්, ….(පෙ)…. ප්‍රේත විෂයේ උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.40-42.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ පෙත්තිවිසයා චුතා මනුස්සේසු පච්චාජායන්ති. අථ ඛෝ ඒතේව සත්තා බහුතරා, යේ පෙත්තිවිසයා චුතා නිරයේ පච්චාජායන්ති, ….(පෙ)…. තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේම තමයි පින්වත් මහණෙනි, යම් කෙනෙක් මේ ප්‍රේත විෂයෙන් චුත වෙලා මිනිසුන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් ප්‍රේත විෂයෙන් චුත වෙලා නිරයේ උපදිනවා නම් ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේම උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

1.16.4.43-45.

….(පෙ)…. ඒවමේව ඛෝ භික්ඛවේ, අප්පකා තේ සත්තා යේ පෙත්තිවිසයා චුතා දේවේසු පච්චාජායන්ති. අථ ඛෝ ඒතේව සත්තා බහුතරා, යේ පෙත්තිවිසයා චුතා නිරයේ පච්චාජායන්ති, ….(පෙ)….තිරච්ඡානයෝනියා පච්චාජායන්ති, ….(පෙ)…. පෙත්තිවිසයේ පච්චාජායන්ති.

“….(පෙ)…. අන්න ඒ වගේ ම තමයි පින්වත් මහණෙනි, යම් කෙනෙක් මේ ප්‍රේත විෂයෙන් චුත වෙලා දෙවියන් අතර උපදිනවා නම්, අන්න ඒ සත්වයින් ඉන්නෙ ස්වල්පයයි. ඒ වුනත්, යම් කෙනෙක් ප්‍රේත විෂයෙන් චුත වෙලා නිරයේ උපදිනවා නම් ….(පෙ)…. තිරිසන් ජීවිතයේ උපදිනවා නම්, ….(පෙ)…. ප්‍රේත විෂයේම උපදිනවා නම් අන්න ඒ සත්වයන්ම තමයි වැඩිපුරම ඉන්නෙ.”

[ජම්බුදීප පෙය්‍යාලෝ නිට්ඨිතෝ]

ජම්බුදීප පෙය්‍යාලය නිමා විය.

වග්ගෝ චතුත්ථෝ.

හතරවෙනි වර්ගයයි.