ඛුද්දක නිකාය

ථේරී ගාථා

9. නවක නිපාතෝ

9. නවවැනි නිපාතය

9.1. වඩ්ඪමාතා ථේරීගාථා

9.1. වඩ්ඪමාතා තෙරණියගේ ගාථා

204. මා සු තේ වඩ්ඪ ලෝකම්හි වනථෝ අහු කුදාචනං,
මා පුත්තක පුනප්පුනං අහු දුක්ඛස්ස භාගිමා.

204. පුතේ වඩ්ඪ, මේ ලෝකය තුළ ඔයාට කෙලෙස් වනයක් නම් හටගන්ට එපා! පුතේ, ආයෙ ආයෙමත් උපදින මේ දුකට නම් හිමිකාරයෙක් වෙන්න එපා!

205. සුඛං හි වඩ්ඪ මුනයෝ අනේජා ඡින්නසංසයා,
සීතිභූතා දමප්පත්තා විහරන්ති අනාසවා.

205. වඩ්ඪ, කෙලෙස් නැති කරපු, සැකසංකා නැති කරපු මුනිවරු සැප සේ වාසය කරනවා. ඒ නිකෙලෙස් මුනිවරු දමනය වෙලා සිසිල් වෙලා ඉන්නෙ.

206. තේහානුචිණ්ණං ඉසීභි මග්ගං දස්සනපත්තියා,
දුක්ඛස්සන්තකිරියාය ත්වං වඩ්ඪ අනුබ්‍රෑහය.

206. වඩ්ඪ, ඔයත් ඒ ඉසිවරුන් පුරුදු කරපු මාර්ගයේ යන්න. ධර්මාවබෝධය කරගන්න. දුක් අවසන් කිරීම පිණිස පුහුණු වෙන්න.

207. විසාරදාව භණසි ඒතමත්ථං ජනෙත්ති මේ,
මඤ්ඤාමි නූන මාමිකේ වනථෝ තේ න විජ්ජති.

207. අම්මේ, මට ඔයා ධර්මය කියා දෙන්නෙ විශාරද කෙනෙක් විදියට. මගේ අම්මේ, ඇත්තෙන් ම ඔයා තුළ කෙලෙස් වනයක් දැකගන්ට නෑ.

208. යේ කේචි වඩ්ඪ සංඛාරා හීනා උක්කට්ඨමජ්ඣිමා,
අණූපි අණුමත්තෝපි වනථෝ මේ න විජ්ජති.

208. වඞ්ඪ, ලාමක, උසස්, මධ්‍යම කිසි ම සංස්කාරයක් ගැන අණුවක ප්‍රමාණයෙන් වත්, අනුමාත්‍රයක ප්‍රමාණයෙන් වත් තණ්හාවක් මං තුළ නෑ.

209. සබ්බේ මේ ආසවා ඛීණා අප්පමත්තස්ස ඣායතෝ,
තිස්සෝ විජ්ජා අනුප්පත්තා කතං බුද්ධස්ස සාසනං.

209. මං අප්‍රමාදී ව ධ්‍යාන වැඩුවා. මගේ සිතේ තිබුණ ඔක්කොම ආශ්‍රවයන් ගෙවිල ගියා. ත්‍රිවිද්‍යාව ලබාගත්තා. බුදු සසුන සම්පූර්ණ කරගත්තා.

210. උළාරං වත මේ මාතා පතෝදං සමවස්සරි,
පරමත්ථසංහිතා ගාථා යථාපි අනුකම්පිකා.

210. ඇත්තෙන් ම මගේ අම්මා ඒ කිව්වේ, ශ්‍රේෂ්ඨ වචනයක් ම යි. මහත් අනුකම්පාවෙන් උතුම් අර්ථ ඇති මට අවවාද කළා.

211. තස්සාහං වචනං සුත්වා අනුසිට්ඨිං ජනෙත්තියා,
ධම්මසංවේගමාපාදිං යෝගක්ඛේමස්ස පත්තියා.

211. අම්මා කියා දුන්න උතුම් වචන අසා දැනගත්තා. ඒ අනුශාසනාවේ පිහිටියා. නිවන් අවබෝධ කර ගැනීම පිණිස සංවේග උපදවා ගත්තා.

212. සෝහං පධානපහිතත්තෝ රත්තින්දිවමතන්දිතෝ,
මාතරා චෝදිතෝ සන්තෝ අඵුසිං සන්තිමුත්තමන්ති.

212. දිවා රෑ දෙකේ ම මං ගොඩක් මහන්සි වුණා. දිවි දෙවෙනි කොට ධර්මයේ හැසිරුණා. ධර්ම සංවේගය උපදවා ගත්තා.

ඉත්ථං සුදං වඩ්ඪමාතා ථේරී ගාථායෝ අභාසීති.

මේ වනාහී වඩ්ඪමාතා නම් රහත් තෙරණිය වදාළ ගාථාවන් ය.

නවකනිපාතෝ නිට්ඨිතෝ.

නවවෙනි නිපාතය නිමා විය.

(ගාථා නවය බැගින් වදාළ කොටස නිමා විය)