135. බරණැස් නුවර දී ………………………
එකත්පස්ව වැඩසිටිය ආයුෂ්මත් සාරිපුත්තයන් වහන්සේ, ආයුෂ්මත් කොට්ඨිතයන් වහන්සේගෙන් මෙකරුණ විමසුවා. “ප්‍රිය ආයුෂ්මත් කොට්ඨිතයෙනි, ‘අවිද්‍යාව, අවිද්‍යාව’ කියල කියනවා. ප්‍රිය ආයුෂ්මත් මහාකොට්ඨිතයෙනි, අවිද්‍යාව කියල කියන්නේ මොකක්ද? කෙනෙක් අවිද්‍යාව තුළට පැමිණෙන්නේ කවර කරුණු මතද?”
“ප්‍රිය ආයුෂ්මතුනි, මෙකරුණෙහිලා අශ්‍රැතවත් පෘථග්ජනයා රූපය ගැන දන්නේ නෑ. රූපය හටගන්නා හැටි ගැන දන්නේ නෑ. රූපයේ නිරුද්ධ වීම ගැන දන්නේ නෑ. රූපය නිරුද්ධ වීම පිණිස පවතින ප්‍රතිපදාව ගැන දන්නේ නෑ.
විඳීම ගැන දන්නේ නෑ …. (පෙ) …. සඤ්ඤාව …. (පෙ) …. සංස්කාර …. (පෙ) …. විඤ්ඤාණය ගැන දන්නේ නෑ. විඤ්ඤාණය හටගන්නා හැටි ගැන දන්නේ නෑ. විඤ්ඤාණය නිරුද්ධ වීම ගැන දන්නේ නෑ. විඤ්ඤාණය නිරුද්ධ වීම පිණිස පවතින ප්‍රතිපදාව ගැන දන්නේ නෑ. ප්‍රිය ආයුෂ්මතුනි, මේක තමයි අවිද්‍යාව කියල කියන්නේ. අවිද්‍යාව තුළට එන්නෙත් ඔච්චරකින් ම තමයි.”
මෙසේ වදාළ විට ආයුෂ්මත් සාරිපුත්තයන් වහන්සේ ආයුෂ්මත් මහාකොට්ඨිතයන්ගෙන් මෙකරුණ විමසුවා. “ප්‍රිය ආයුෂ්මත් කොට්ඨිතයෙනි, ‘විද්‍යාව, විද්‍යාව’ කියල කියනවා. ප්‍රිය ආයුෂ්මත් කොට්ඨිතයෙනි, විද්‍යාව කියල කියන්නේ මොකක්ද? කෙනෙක් විද්‍යාව තුළට පැමිණෙන්නේ කවර කරුණු මතද?”
ප්‍රිය ආයුෂ්මතුනි, මෙකරුණෙහිලා ශ්‍රැතවත් ආර්ය ශ්‍රාවකයා රූපය ගැන අවබෝධයෙන් දන්නවා. රූපය හටගන්නා හැටි ගැන අවබෝධයෙන් දන්නවා. රූපයේ නිරුද්ධ වීම ගැන අවබෝධයෙන් දන්නවා. රූපය නිරුද්ධ වීම පිණිස පවතින ප්‍රතිපදාව ගැන අවබෝධයෙන් දන්නවා. විඳීම ගැන අවබෝධයෙන් දන්නවා …. (පෙ) …. සඤ්ඤාව …. (පෙ) …. සංස්කාර …. (පෙ) …. විඤ්ඤාණය ගැන අවබෝධයෙන් දන්නවා. විඤ්ඤාණය හටගන්නා හැටි ගැන අවබෝධයෙන් දන්නවා. විඤ්ඤාණය නිරුද්ධ වීම ගැන අවබෝධයෙන් දන්නවා. විඤ්ඤාණය නිරුද්ධ වීම පිණිස පවතින ප්‍රතිපදාව ගැන අවබෝධයෙන් දන්නවා. ප්‍රිය ආයුෂ්මතුනි, මේක තමයි විද්‍යාව කියල කියන්නේ. විද්‍යාව තුළට එන්නෙත් ඔච්චරකින් ම තමයි.”
සාදු! සාදු!! සාදු!!!
තතිය කොට්ඨිත සූත්‍රය නිමා විය.
තුන්වෙනි අවිජ්ජා වර්ගය අවසන් විය.
එහි පිළිවෙල උද්දානයයි :
සමුදයධම්ම සූත්‍ර තුනකි. අස්සාද සූත්‍ර දෙකකි. යළිත් සමුදය සූත්‍ර දෙකකි. කොට්ඨිත සූත්‍ර තුනකින්ද යුතුව මෙම වර්ගය පවතියි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-3-3-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M