114. සැවැත් නුවර දී ……………………
එකත්පසකින් වාඩිවුණ ඒ භික්ෂුව භාග්‍යවතුන් වහන්සේගෙන් මෙකරුණ විමසුවා. “ස්වාමීනි, ‘විද්‍යාව, විද්‍යාව’ කියල කියනවා. ස්වාමීනි, විද්‍යාව කියල කියන්නේ මොකක්ද? කෙනෙක් විද්‍යාව තුළට පැමිණෙන්නේ කවර කරුණු මතද?”
“පින්වත් භික්ෂුව, මෙකරුණෙහිලා ශ්‍රැතවත් ආර්ය ශ්‍රාවකයා රූපය අවබෝධ කරගන්නවා. රූපයේ හටගැනීම අවබෝධ කරගන්නවා. රූපයේ නිරුද්ධ වීම අවබෝධ කරගන්නවා. රූපය නිරුද්ධ වීම පිණිස පවතින ප්‍රතිපදාව අවබෝධ කරගන්නවා. වේදනාව අවබෝධ කරගන්නවා …. (පෙ) …. සඤ්ඤාව අවබෝධ කරගන්නවා …. (පෙ) …. සංස්කාර අවබෝධ කරගන්නවා …. (පෙ) …. විඤ්ඤාණය අවබෝධ කරගන්නවා. විඤ්ඤාණයේ හටගැනීම අවබෝධ කරගන්නවා. විඤ්ඤාණයේ නිරුද්ධ වීම අවබෝධ කරගන්නවා. විඤ්ඤාණය නිරුද්ධ වීම පිණිස පවතින ප්‍රතිපදාව අවබෝධ කරගන්නවා. පින්වත් භික්ෂුව, මේක තමයි විද්‍යාව කියල කියන්නේ. විද්‍යාව තුළට එන්නෙත් ඔච්චරකින් ම තමයි.”
සාදු! සාදු!! සාදු!!!
විජ්ජා සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-3-2-2/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M