111. සැවැත් නුවර දී …………………
පින්වත් මහණෙනි, රූපය කෙරෙහි යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටක් තියෙනවා නම්, යම් තණ්හාවක් තියෙනවා නම් එය අත්හරින්න. එතකොට මුල් ඉදිරී ගිය, කරටිය බිඳුණ තල් ගසක් බවට පත්වුණ, අභාවයට පත්වුණ, ආයෙ කවදාකවත් නොහටගන්නා ස්වභාවයට පත්වුණ ඒ රූපය ප්‍රහීණ වෙලා යනවා.
විඳීම කෙරෙහි යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටක් තියෙනවා නම්, යම් තණ්හාවක් තියෙනවා නම් එය අත්හරින්න. එතකොට මුල් ඉදිරී ගිය, කරටිය බිඳුණ තල් ගසක් බවට පත්වුණ, අභාවයට පත්වුණ, ආයෙ කවදාකවත් නොහටගන්නා ස්වභාවයට පත්වුණ ඒ විඳීම ප්‍රහීණ වෙලා යනවා.
සඤ්ඤාව …. (පෙ) …. සංස්කාර කෙරෙහි යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටක් තියෙනවා නම්, යම් තණ්හාවක් තියෙනවා නම් එය අත්හරින්න. එතකොට මුල් ඉදිරී ගිය, කරටිය බිඳුණ තල් ගසක් බවට පත්වුණ, අභාවයට පත්වුණ, ආයෙ කවදාකවත් නොහටගන්නා ස්වභාවයට පත්වුණ ඒ සංස්කාර ප්‍රහීණ වෙලා යනවා.
විඤ්ඤාණය කෙරෙහි යම් කැමැත්තක් තියෙනවා නම්, යම් රාගයක් තියෙනවා නම්, යම් සතුටක් තියෙනවා නම්, යම් තණ්හාවක් තියෙනවා නම් එය අත්හරින්න. එතකොට මුල් ඉදිරී ගිය, කරටිය බිඳුණ තල් ගසක් බවට පත්වුණ, අභාවයට පත්වුණ, ආයෙ කවදාකවත් නොහටගන්නා ස්වභාවයට පත්වුණ ඒ විඤ්ඤාණය ප්‍රහීණ වෙලා යනවා.
සාදු! සාදු!! සාදු!!!
පඨම ඡන්දරාග සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-3-1-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M