97. සැවැත් නුවර දී ………………..
එකත්පස්ව වාඩිවුණ ඒ භික්ෂුව භාග්‍යවතුන් වහන්සේට මෙකරුණ පැවසුවා.
“ස්වාමීනි, යම් රූපයක් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින්ම තිබෙන්නා වූ යම්කිසි රූපයක් තියෙනවාද? යම් විඳීමක් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින් ම තිබෙන්නා වූ යම්කිසි විඳීමක් තියෙනවාද? යම් සඤ්ඤාවක් …. (පෙ) …. යම් සංස්කාරයන් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින්ම තිබෙන්නා වූ යම්කිසි සංස්කාර තියෙනවාද? යම් විඤ්ඤාණයක් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින්ම තිබෙන්නා වූ යම්කිසි විඤ්ඤාණයක් තියෙනවාද?”
“පින්වත් භික්ෂුව, යම් රූපයක් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින්ම තිබෙන්නා වූ යම්කිසි රූපයක් නැත …. (පෙ) …. යම් විඳීමක් …. (පෙ) …. යම් සඤ්ඤාවක් …. (පෙ) …. යම් සංස්කාරයන් …. (පෙ) …. යම් විඤ්ඤාණයක් නිත්‍ය නම්, ස්ථිර නම්, සනාතන නම්, නොවෙනස් වන ස්වභාවයෙන් යුක්ත නම්, සනාතන දෙයක් වශයෙන් පවතිනවා නම් ඒ අයුරින්ම තිබෙන්නා වූ යම්කිසි විඤ්ඤාණයක් නැත.”
ඉතින් භාග්‍යවතුන් වහන්සේ ඉතා කුඩා පස් බිඳක් ශ්‍රී හස්තයෙන් රැගෙන නියසිල මත තබා අර භික්ෂුවට මෙකරුණ වදාළා. “පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් රූපයක් නෑ. හැබැයි පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් රූපයක් යම් හෙයකින් තිබුණා නම්, මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ නෑ. පින්වත් භික්ෂුව, යම් කරුණක් නිසා නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් රූපයක් නැද්ද, අන්න ඒ නිසාමයි මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ.
පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඳීමක් නෑ. හැබැයි පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඳීමක් යම් හෙයකින් තිබුණා නම්, මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ නෑ. පින්වත් භික්ෂුව, යම් කරුණක් නිසා නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඳීමක් නැද්ද, අන්න ඒ නිසාමයි මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ.
පින්වත් භික්ෂුව, …. (පෙ) …. මෙච්චර ප්‍රමාණයක්වත් සඤ්ඤාවක් නෑ …. (පෙ) …. පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් සංස්කාරයන් නෑ. හැබැයි පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් සංස්කාරයන් යම් හෙයකින් තිබුණා නම්, මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ නෑ. පින්වත් භික්ෂුව, යම් කරුණක් නිසා නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් සංස්කාරයන් නැද්ද, අන්න ඒ නිසාමයි මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ.
පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඤ්ඤාණයක් නෑ. හැබැයි පින්වත් භික්ෂුව, නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඤ්ඤාණයක් යම් හෙයකින් තිබුණා නම්, මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ නෑ. පින්වත් භික්ෂුව, යම් කරුණක් නිසා නිත්‍ය වූ, ස්ථිර වූ, සනාතන වූ, නොවෙනස්ව පවතින ස්වභාවයෙන් යුතු වූ, මෙච්චර ප්‍රමාණයකවත් විඤ්ඤාණයක් නැද්ද, අන්න ඒ නිසාමයි මේ නිවන් මග ගමන් කරලා මැනැවින් දුක් ක්ෂය කිරීමක් නම් දැකගන්නට ලැබෙන්නෙ.
පින්වත් භික්ෂුව, මේ ගැන ඔබ කුමක්ද හිතන්නේ? රූපය නිත්‍යයිද? අනිත්‍යයිද?” “අනිත්‍යයි ස්වාමීනි.”
විඳීම ….(පෙ)…. සඤ්‌ඤාව ….(පෙ)…. සංස්කාර ….(පෙ)…. විඤ්‌ඤාණය නිත්‍යයිද? අනිත්‍යයිද?” “අනිත්‍යයි ස්වාමීනි.” ….(පෙ)….
“එනිසා පින්වත් භික්ෂුව …. (පෙ) …. පින්වත් භික්ෂුව, ඔය විදිහට දකින ශ්‍රැතවත් ආර්ය ශ්‍රාවකයා …. (පෙ) …. නැවත ඉපදීමක් නැතැ’යි අවබෝධ කර ගන්නවා.
සාදු! සාදු!! සාදු!!!
නඛසිඛෝපම සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-2-5-5/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M