51. සැවැත් නුවර දී ………………….
පින්වත් මහණෙනි, භික්ෂුව අනිත්‍ය වූ ම රූපය දකින්නේ අනිත්‍ය වශයෙන් ම යි. එය ඔහුගේ සම්මා දිට්ඨියයි. ඉතා නිවැරදි අයුරින් දකින විට අවබෝධයෙන් ම කලකිරෙනවා. ඇල්ම ක්ෂය වීමෙන් රාගය ක්ෂය වෙනවා. රාගය ක්ෂය වීමෙන් ඇල්ම ක්ෂය වෙනවා. නන්දිරාගය ක්ෂය වීමෙන් නිදහස් වුණ සිතක් ඇතිවුණ විටයි මැනැවින් නිදහස් වුණා කියන්නේ.
පින්වත් මහණෙනි, භික්ෂුව අනිත්‍ය වූ ම විඳීම දකින්නේ අනිත්‍ය වශයෙන් ම යි ….(පෙ)…. පින්වත් මහණෙනි, භික්ෂුව අනිත්‍ය වූ ම සඤ්ඤාව දකින්නේ අනිත්‍ය වශයෙන් ම යි ….(පෙ)…. පින්වත් මහණෙනි, භික්ෂුව අනිත්‍ය වූ ම සංස්කාර දකින්නේ අනිත්‍ය වශයෙන් ම යි ….(පෙ)…. පින්වත් මහණෙනි, භික්ෂුව අනිත්‍ය වූ ම විඤ්ඤාණය දකින්නේ අනිත්‍ය වශයෙන් ම යි. එය ඔහුගේ සම්මා දිට්ඨියයි. ඉතා නිවැරදි අයුරින් දකින විට අවබෝධයෙන් ම කලකිරෙනවා. ඇල්ම ක්ෂය වීමෙන් රාගය ක්ෂය වෙනවා. රාගය ක්ෂය වීමෙන් ඇලීම ක්ෂය වෙනවා. නන්දිරාගය ක්ෂය වීමෙන් නිදහස් වුණ සිතක් ඇතිවුණ විටයි මැනැවින් නිදහස් වුණා කියන්නේ.
සාදු! සාදු!! සාදු!!!
පඨම නන්දික්ඛය සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-1-5-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M