42. සැවැත් නුවර දී ………………………
පින්වත් මහණෙනි, ධර්මානුධර්ම ප්‍රතිපදාවෙහි යෙදී සිටින භික්ෂුවගේ ධර්මානුකුලභාවය මෙයයි.
යම් හෙයකින් රූපය පිළිබඳව අනාත්මය දකිමින් වාසය කරනවා නම්, විඳීම ….(පෙ)…. සඤ්ඤාව ….(පෙ)…. සංස්කාර ….(පෙ)…. විඤ්ඤාණය පිළිබඳව අනාත්මය දකිමින් වාසය කරනවා නම්, එතකොට රූපය පිළිබඳව අනාත්මය දකිමින් වාසය කරන ඒ භික්ෂුව වේදනාව ….(පෙ)…. සඤ්ඤාව ….(පෙ)…. සංස්කාර ….(පෙ)…. විඤ්ඤාණය පිළිබඳව අනාත්මය දකිමින් වාසය කරද්දී රූපය පිරිසිඳ අවබෝධ කරනවා. විඳීම ….(පෙ)…. සඤ්ඤාව ….(පෙ)…. සංස්කාර ….(පෙ)…. විඤ්ඤාණය පිරිසිඳ අවබෝධ කරනවා. එතකොට ඔහු රූපය පිරිසිඳ දැක, විඳීම ….(පෙ)…. සඤ්ඤාව ….(පෙ)…. සංස්කාර ….(පෙ)…. විඤ්ඤාණය පිරිසිඳ දැක රූපයෙන් නිදහස් වෙනවා. විඳීමෙන් නිදහස් වෙනවා. සඤ්ඤාවෙන් නිදහස් වෙනවා. සංස්කාරවලින් නිදහස් වෙනවා. විඤ්ඤාණයෙන් නිදහස් වෙනවා. ඉපදීමෙන්, ජරාමරණයෙන්, සෝකයෙන්, වැළපීමෙන්, දුක්දොම්නස් සුසුම් හෙළීම්වලින් නිදහස් වෙනවා. දුකෙන් නිදහස් වෙනවා කියලයි මා කියන්නේ.
සාදු! සාදු!! සාදු!!!
චතුත්ථ අනුධම්ම සූත්‍රය නිමා විය.
හතරවෙනි න තුම්හාක වර්ගය අවසන් විය.
එහි පිළිවෙල උද්දානයයි :
න තුම්හාක සූත්‍ර දෙක, භික්ඛු සූත්‍ර දෙක, ආනන්ද සූත්‍ර දෙක, අනුධම්ම සූත්‍ර හතර යන මෙයින් මෙම වර්ගය සමන්විත වෙයි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-1-4-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M