30. සැවැත් නුවර දී ………………
පින්වත් මහණෙනි, රූපයෙහි යම් හටගැනීමක් ඇද්ද, යම් පැවැත්මක් ඇද්ද, යම් විශේෂ උපතක් ඇද්ද, යම් පහළ වීමක් ඇද්ද, එය වනාහී දුකේ හට ගැනීමයි. රෝගයන්ගේ පැවැත්මයි. ජරා මරණයේ පහළ වීමයි. විඳීමෙහි යම් හටගැනීමක් ඇද්ද ….(පෙ)…. සඤ්ඤාවෙහි යම් හටගැනීමක් ඇද්ද ….(පෙ)…. සංස්කාරවල යම් හටගැනීමක් ඇද්ද ….(පෙ)…. විඤ්ඤාණයෙහි යම් හටගැනීමක් ඇද්ද, යම් පැවැත්මක් ඇද්ද, යම් විශේෂ උපතක් ඇද්ද, යම් පහළ වීමක් ඇද්ද, එය වනාහී දුකේ හටගැනීමයි. රෝගයන්ගේ පැවැත්මයි. ජරා මරණයේ පහළ වීමයි.
පින්වත් මහණෙනි, රූපයෙහි යම් නිරුද්ධවීමක් ඇද්ද, සංසිඳීමක් ඇද්ද, නැතිවී යෑමක් ඇද්ද, එය වනාහී දුකෙහි නිරුද්ධ වීමයි. රෝගයන්ගේ සංසිඳීමයි. ජරාමරණයේ නැතිවී යෑමයි. වීඳීමෙහි යම් නිරුද්ධවීමක් ඇද්ද ….(පෙ)…. සඤ්ඤාවෙහි යම් නිරුද්ධවීමක් ඇද්ද ….(පෙ)…. සංස්කාරවල යම් නිරුද්ධවීමක් ඇද්ද ….(පෙ)…. විඤ්ඤාණයෙහි යම් නිරුද්ධවීමක් ඇද්ද, සංසිඳීමක් ඇද්ද, නැතිවී යෑමක් ඇද්ද, එය වනාහී දුකෙහි නිරුද්ධ වීමයි. රෝගයන්ගේ සංසිඳීමයි. ජරාමරණයේ නැතිවී යෑමයි.
සාදු! සාදු!! සාදු!!!
උප්පාද සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-1-3-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M