25. සැවැත් නුවර දී ………………..
පින්වත් මහණෙනි, රූපය කෙරෙහි යම් ඡන්දරාගයක් තියෙනවා නම්, අන්න එය අත්හැර දමන්න. ඒ විදිහටයි ඒ රූපය ප්‍රහාණය වෙලා, මුලින්ම සිඳිලා, කරටිය සිඳුණු තල් ගසක් වගේ වෙලා, අභාවයට පත් වෙලා, ආයෙ කවදාවත් හට නොගන්නා ස්වභාවයට පත්වෙලා යන්නේ.
විඳීම කෙරෙහි යම් ඡන්දරාගයක් තියෙනවා නම්, අන්න එය අත්හැර දමන්න. ඒ විදිහටයි ඒ විඳීම ප්‍රහාණය වෙලා, මුලින්ම සිඳිලා, කරටිය සිඳුණු තල් ගසක් වගේ වෙලා, අභාවයට පත් වෙලා, ආයෙ කවදාවත් හට නොගන්නා ස්වභාවයට පත් වෙලා යන්නෙ.
සඤ්ඤාව කෙරෙහි යම් ඡන්දරාගයක් තියෙනවා නම්, අන්න එය අත්හැර දමන්න ….(පෙ)…. සංස්කාර කෙරෙහි යම් ඡන්දරාගයක් තියෙනවා නම් අන්න එය අත්හැර දමන්න. ඒ විදිහටයි ඒ සංස්කාර ප්‍රහාණය වෙලා, මුලින්ම සිඳිලා, කරටිය සිඳුණු තල් ගසක් වගේ වෙලා, අභාවයට පත් වෙලා, ආයෙ කවදාවත් හට නොගන්නා ස්වභාවයට පත් වෙලා යන්නේ.
විඤ්ඤාණය කෙරෙහි යම් ඡන්දරාගයක් තියෙනවා නම්, අන්න එය අත්හැර දමන්න. ඒ විදිහටයි ඒ විඤ්ඤාණය ප්‍රහාණය වෙලා, මුලින්ම සිඳිලා, කරටිය සිඳුණු තල් ගසක් වගේ වෙලා, අභාවයට පත් වෙලා, ආයෙ කවදාවත් හට නොගන්නා ස්වභාවයට පත් වෙලා යන්නේ.
සාදු! සාදු!! සාදු!!!
ඡන්දරාග සූත්‍රය නිමා විය
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-1-3-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M