304. සැවැත් නුවරදී ……………
පින්වත් මහණෙනි, ලාභ සත්කාර කීර්ති ප්‍රශංසා කියන්නේ දරුණු දේවල් ….(පෙ)…. පින්වත් මහණෙනි, ඊයෙ රාත්‍රියේ පාන්දර වෙනකොට නාකි හිවලෙකුගේ උඩු බුරුලන හඬක් ඇහුණාද? “එසේ ය, ස්වාමීනි.”
පින්වත් මහණෙනි, ඔය නාකි හිවලට උක්කණ්ටක කියල රෝගයක් හැදිල තියෙන්නේ. ඔය රෝගයෙන් පීඩා විඳිනකොට ගුලක රිංගලා හිටියත් ඒකෙ ඇලෙන්නෙ නෑ. ගහක් යට හිටියත් ඒකෙ ඇලෙන්නෙ නෑ. එළිමහනේ හිටියත් ඇලෙන්නෙ නෑ. කොයි යම් ම තැනක ගියත් ගිය ගිය තැන හිටගෙන ඉන්නවා. ගිය ගිය තැන ඉඳගන්නවා. ගිය ගිය තැන නිදියනවා. ඒ ඒ තැන ම කරදරේ වැටෙනවා.
පින්වත් මහණෙනි, ඔන්න ඔය වගේ ම යි. මෙහි එක්තරා භික්ෂුවකුත් ඉන්නවා. ඔහු ලාභ සත්කාර කීර්ති ප්‍රශංසාවලට යටවෙනවා. එයට යට වුණ සිතින් ඉන්නවා. ඉතින් ඔහු පාළු කුටියක හිටියත් ඒකෙ ඇලෙන්නෙ නෑ. ගහක් යට හිටියත් ඒකෙ ඇලෙන්නෙ නෑ. එළිමහනේ හිටියත් ඇලෙන්නෙ නෑ. කොයි යම් ම තැනක ගියත් ගිය ගිය තැන හිටගෙන ඉන්නවා. ගිය ගිය තැන ඉඳගන්නවා. ගිය ගිය තැන නිදියනවා. ඒ ඒ තැන ම කරදරේ වැටෙනවා.
පින්වත් මහණෙනි, ඔන්න ඔය විදිහට ම යි ලාභ සත්කාර කීර්ති ප්‍රශංසා දරුණුයි. ….(පෙ)…. ඔන්න ඔය විදිහටයි හික්මෙන්නට ඕන.
සාදු! සාදු!! සාදු!!!
සිඟාල සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_5-1-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M