300. සැවැත් නුවරදී ……………
පින්වත් මහණෙනි, ලාභ සත්කාර කීර්ති ප්‍රශංසා කියන්නේ දරුණු දේවල්. …. (පෙ) …. පින්වත් මහණෙනි, ඒක මේ වගේ දෙයක්. දිග ලොම් තියෙන එළුදෙනක් හිටියා. ඈ කටු අකුලකට රිංගුවා. ඉතින් ඈ ඒ ඒ තැන ඇලිල ගියා. ඒ ඒ තැන ඇමිණිලා ගියා. ඒ ඒ තැන බැඳිලා ගියා. ඒ ඒ තැන කරදරේ වැටුණා. විපතේ වැටුණා. පින්වත් මහණෙනි, ඔන්න ඔය වගේ ම යි මෙහි ඇතැම් භික්ෂුවක් ලාභ සත්කාර කීර්ති ප්‍රශංසාවලට යට වෙලා, එයට යට වූ සිතින් උදේ වරුවේ සිවුරුත් පොරවා ගෙන, පාසිවුරු අරගෙන ගමකට හරි පොඩි නගරයකට හරි පිණ්ඩපාතෙ යනවා. ඉතින් ඔහු ගිය ගිය තැන ඇලිලා යනවා. ගිය ගිය තැන ඇමිණිලා යනවා. ගිය ගිය තැන බැඳිලා යනවා. ගිය ගිය තැන කරදරේ වැටෙනවා. විපතේ වැටෙනවා. පින්වත් මහණෙනි, ඔන්න ඔය විදිහ ම යි ලාභ සත්කාර කීර්ති ප්‍රශංසා දරුණුයි. …. (පෙ) …. ඔන්න ඔය විදිහටයි හික්මෙන්නට ඕන.
සාදු! සාදු!! සාදු!!!
දීඝලෝමී ඒළක සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_5-1-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M