298. සැවැත් නුවරදී ……………
පින්වත් මහණෙනි, ලාභ සත්කාර කීර්ති ප්‍රශංසා කියන්නේ දරුණු දේවල්. නපුරු දේවල්. කොටින් ම ඵරුෂ දේවල්. කොටින් ම අනුත්තර වූ අරහත්වය අවබෝධ කිරීමටත් අනතුරුදායකයි.
පින්වත් මහණෙනි, ඒක මේ වගේ දෙයක්. එක්තරා මාළු බිලී බාන්නෙක් හිටියා. ඉතින් ඔහු බිලී කොක්කට කෑමක් අමුණලා ගැඹුරු ජලාශයකට දැම්මා. එතකොට කෑම හොය හොය හිටපු එක්තරා මාළුවෙක් ඒක ගිල්ලා. පින්වත් මහණෙනි, ඔන්න ඔය විදිහට ඒ මාළුවා බිලීබාන්නා ගේ ඇම ගිලලා දුකට පැමිණුනා. විනාශයට පත් වුණා. බිලීබාන්නා හට කැමති දෙයක් කළ හැකි ගොදුරක් වුණා. පින්වත් මහණෙනි, බිලීබාන්නා කියල කියන්නේ පාපී වූ මාරයාට කියන නමක්. ඇම කියල කියන්නේ ලාභ සත්කාර කීර්ති ප්‍රශංසාවලට කියන නමක්.
පින්වත් මහණෙනි, යම් කිසි භික්ෂුවක් තමාට ලැබෙන ලාභ සත්කාර කීර්ති ප්‍රශංසා ගැන ආශ්වාදයක් ලබන්නට ගියොත්, කැමති වෙන්නට ගියොත්, පින්වත් මහණෙනි, ඒ භික්ෂුවත් ඇම ගිලපු කෙනෙක්. දුකට පැමිණුන කෙනෙක්. විනාශයට පත් වුණ කෙනෙක්. මාරයා විසින් කැමති දෙයක් කළ හැකි කෙනෙක්. ඔය විදිහට පින්වත් මහණෙනි, ලාභ සත්කාර කීර්ති ප්‍රශංසා කියන්නේ දරුණු දේවල්, නපුරු දේවල්. කොටින් ම ඵරුෂ දේවල්. කොටින් ම අනුත්තර වූ අරහත්වය අවබෝධ කිරීමටත් අනතුරුදායකයි. ඒ නිසා පින්වත් මහණෙනි, හික්මෙන්නට ඕන මේ විදිහටයි. අපි නම් ලාභ සත්කාර කීර්ති ප්‍රශංසා බැහැර කරනවා. අපට ලැබිල තියෙන ලාභ සත්කාර කීර්ති ප්‍රශංසාවලට අපගේ හිත යටවෙන්නට දෙන්නේ නෑ. පින්වත් මහණෙනි ඔන්න ඔය විදිහටයි ඔබ හික්මෙන්නට ඕන.
සාදු! සාදු!! සාදු!!!
බළිස සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_5-1-2/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M