සැවැත් නුවරදී ……………
පින්වත් මහණෙනි, පඨවි ධාතුවෙහි යම් ඉපදීමක් වෙයි නම්, යම් පැවැත්මක් වෙයි නම්, යම් විශේෂ උපතක් වෙයි නම්, යම් පහළ වීමක් වෙයි නම්, ඒක තමයි දුකේ උපත. ඒක තමයි රෝගවල පැවැත්ම. ඒක තමයි ජරා-මරණයේ පහළ වීම. පින්වත් මහණෙනි, ආපෝ ධාතුවෙහි යම් ඉපදීමක් වෙයි නම් ….(පෙ)…. පින්වත් මහණෙනි, තේජෝ ධාතුවෙහි යම් ඉපදීමක් වෙයි නම් ….(පෙ)…. පින්වත් මහණෙනි, වායෝ ධාතුවෙහි යම් ඉපදීමක් වෙයි නම්, යම් පැවැත්මක් වෙයි නම්, යම් විශේෂ උපතක් වෙයි නම්, යම් පහළ වීමක් වෙයි නම්, ඒක තමයි දුකේ උපත. ඒක තමයි රෝගවල පැවැත්ම. ඒක තමයි ජරා-මරණයේ පහළ වීම.
පින්වත් මහණෙනි, පඨවි ධාතුවෙහි යම් නිරුද්ධ වීමක් ඇත්නම්, යම් සංසිඳීමක් ඇත්නම්, යම් නැති වීමක් ඇත්නම්, ඒක තමයි දුකේ නිරුද්ධ වීම. ඒක තමයි රෝගවල සංසිඳීම. ඒක තමයි ජරා-මරණයේ නැතිවීම. පින්වත් මහණෙනි, ආපෝ ධාතුවෙහි යම් නිරුද්ධ වීමක් ඇත්නම් ….(පෙ)…. පින්වත් මහණෙනි, තේජෝ ධාතුවෙහි යම් නිරුද්ධ වීමක් ඇත්නම් ….(පෙ)…. පින්වත් මහණෙනි, වායෝ ධාතුවෙහි යම් නිරුද්ධ වීමක් ඇත්නම්, යම් සංසිඳීමක් ඇත්නම්, යම් නැතිවීමක් ඇත්නම්, ඒක තමයි දුකේ නිරුද්ධ වීම. ඒක තමයි රෝගවල සංසිඳීම. ඒක තමයි ජරා-මරණයේ නැතිවීම.
සාදු! සාදු!! සාදු!!!
උප්පාද සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_2-4-7/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M