82. සැවැත් නුවරදී …………….
පින්වත් මහණෙනි, ජරා මරණ ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් ජරා මරණ පිළිබඳව යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ. ජරා මරණ හටගැනීම ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් ජරා මරණ හටගැනීම පිළිබඳව යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ. ජරා මරණ නිරුද්ධ වීම ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් ජරා මරණ නිරුද්ධ වීම පිළිබඳව යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ. ජරා මරණ නිරුද්ධ වීම පිණිස පවතින ප්‍රතිපදාව ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් ජරා මරණ නිරුද්ධ වීම පිණිස පවතින ප්‍රතිපදාව පිළිබඳව යථාභූත ඤාණය ලබාගැනීම පිණිසයි ශාස්තෘවරයෙක් සොයා යා යුත්තේ.
(සියල්ල පිළිබඳව පෙය්‍යාලය ඔය ආකාරයට විස්තර කරගත යුතුය.)
සාදු! සාදු!! සාදු!!!
ජරා මරණ සූත්‍රය නිමා විය.
83. පින්වත් මහණෙනි, ඉපදීම ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
ජාති සූත්‍රය නිමා විය.
84. පින්වත් මහණෙනි, භවය ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
භව සූත්‍රය නිමා විය.
85. පින්වත් මහණෙනි, උපාදාන ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
උපාදාන සූත්‍රය නිමා විය.
86. පින්වත් මහණෙනි, තණ්හාව ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
තණ්හා සූත්‍රය නිමා විය.
87. පින්වත් මහණෙනි, වේදනාව ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
වේදනා සූත්‍රය නිමා විය.
88. පින්වත් මහණෙනි, ස්පර්ශය ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
ඵස්ස සූත්‍රය නිමා විය.
89. පින්වත් මහණෙනි, ආයතන හය ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
සළායතන සූත්‍රය නිමා විය.
90. පින්වත් මහණෙනි, නාමරූප ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
නාමරූප සූත්‍රය නිමා විය.
91. පින්වත් මහණෙනි, විඤ්ඤාණය ගැන ඒ ආකාරයෙන්ම නොදන්නා නොදක්නා කෙනා විසින් ….(පෙ)…. යථාභූත ඤාණය ලබාගැනීම පිණිසයි ශාස්තෘවරයෙක් සොයා යා යුත්තේ.
සාදු! සාදු!! සාදු!!!
විඤ්ඤාණය සූත්‍රය නිමා විය.
92. පින්වත් මහණෙනි, සංස්කාර ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් සංස්කාර පිළිබඳව යථාභූත ඤාණය ලබාගැනීම පිණිසයි ශාස්තෘවරයෙක් සොයා යා යුත්තේ. සංස්කාර හටගැනීම ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් සංස්කාර හටගැනීම පිළිබඳව යථාභූත ඤාණය ලබාගැනීම පිණිසයි ශාස්තෘවරයෙක් සොයා යා යුත්තේ. සංස්කාර නිරුද්ධ වීම ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් සංස්කාර නිරුද්ධ වීම පිළිබඳව යථාභූත ඤාණය ලබාගැනීම පිණිසයි ශාස්තෘවරයෙක් සොයා යා යුත්තේ. සංස්කාර නිරුද්ධ වීම පිණිස පවතින ප්‍රතිපදාව ගැන ඒ ආකාරයෙන්ම අවබෝධ නොකළ, දැක නොගත් කෙනා විසින් සංස්කාර නිරුද්ධ වීම පිණිස පවතින ප්‍රතිපදාව පිළිබඳ යථාභූත ඤාණය ලබා ගැනීම පිණිසයි ශාස්තෘවරයෙක් සොයා යා යුත්තේ.
(සියල්ල පිළිබඳ මේ අයුරින් චතුස්සත්‍යයෙන් විස්තර කළ යුතුයි.)
සාදු! සාදු!! සාදු!!!
සංඛාර සූත්‍රය නිමා විය.
පළමු වෙනි සත්ථු වර්ගය අවසන් විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-9-1-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M