සැවැත් නුවරදී …………..
පින්වත් මහණෙනි, මහ මුහුද පිරී ඉතිරී යන කොට මහා ගංගා පිරී ඉතිරී යනවා. මහා ගංගා පිරී ඉතිරී යන කොට අතු ගංගා පිරී ඉතිරී යනවා. අතු ගංගා පිරී ඉතිරී යන කොට මහා ජලාශ පිරී ඉතිරී යනවා. මහා ජලාශ පිරී ඉතිරී යන කොට කුඩා ජලාශ පිරී ඉතිරී යනවා.
පින්වත් මහණෙනි, ඔන්න ඔය විදිහමයි. අවිද්‍යාව වැඩීගෙන යන කොට සංස්කාර වැඩෙනවා. සංස්කාර වැඩීගෙන යන කොට විඤ්ඤාණය වැඩෙනවා. විඤ්ඤාණය වැඩීගෙන යන කොට නාමරූප වැඩෙනවා. නාමරූප වැඩීගෙන යන කොට ආයතන හය වැඩෙනවා. ආයතන හය වැඩීගෙන යන කොට ස්පර්ශය වැඩෙනවා. ස්පර්ශය වැඩීගෙන යන කොට විඳීම වැඩෙනවා. විඳීම වැඩීගෙන යන කොට තණ්හාව වැඩෙනවා. තණ්හාව වැඩීගෙන යනකොට උපාදාන වැඩෙනවා. උපාදාන වැඩීගෙන යන කොට භවය වැඩෙනවා. භවය වැඩීගෙන යන කොට ඉපදීම වැඩෙනවා. ඉපදීම වැඩීගෙන යන කොට ජරාමරණ වැඩෙනවා.
පින්වත් මහණෙනි, මහ මුහුද බැස යන කොට මහා ගංගා බැස යනවා. මහා ගංගා බැස යන කොට අතු ගංගා බැස යනවා. අතු ගංගා බැස යන කොට මහා ජලාශ බැස යනවා. මහා ජලාශ බැස යන කොට කුඩා ජලාශ බැස යනවා.
පින්වත් මහණෙනි, ඔන්න ඔය විදිහමයි. අවිද්‍යාව බැහැර වෙන කොට සංස්කාර බැහැර වෙනවා. සංස්කාර බැහැර වෙන කොට විඤ්ඤාණය බැහැර වෙනවා. විඤ්ඤාණය බැහැර වෙන කොට නාමරූප බැහැර වෙනවා. නාමරූප බැහැර වෙන කොට ආයතන හය බැහැර වෙනවා. ආයතන හය බැහැර වෙන කොට ස්පර්ශය බැහැර වෙනවා. ස්පර්ශය බැහැර වෙන කොට විඳීම බැහැර වෙනවා. විඳීම බැහැර වෙන කොට තණ්හාව බැහැර වෙනවා. තණ්හාව බැහැර වෙන කොට උපාදාන බැහැර වෙනවා. උපාදාන බැහැර වෙන කොට භවය බැහැර වෙනවා. භවය බැහැර වෙන කොට ඉපදීම බැහැර වෙනවා. ඉපදීම බැහැර වෙන කොට ජරාමරණ බැහැර වෙනවා.
සාදු! සාදු!! සාදු!!!
උපයන්ති සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-7-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M