සැවැත් නුවරදී ……………
එදා භාග්‍යවතුන් වහන්සේ ‘පින්වත් මහණෙනි’ කියා භික්ෂූන් වහන්සේලා අමතා වදාළා. ‘ස්වාමීනී’ කියා ඒ භික්ෂුන් වහන්සේලාද භාග්‍යවතුන් වහන්සේට පිළිතුරු දුන්නා. භාග්‍යවතුන් වහන්සේ ඒ මොහොතේදී තමයි මේ දේශනාව වදාළේ.
පින්වත් මහණෙනි, යම්කිසි ශ්‍රමණයෙකුට හෝ බ්‍රාහ්මණයෙකුට හෝ ජරා මරණ ගැන පරිපූර්ණ අවබෝධයක් නැත්නම්, ජරා මරණ හටගැනීම ගැන පරිපූර්ණ අවබෝධයක් නැත්නම්, ජරා මරණ නිරුද්ධ වීම ගැන පරිපූර්ණ අවබෝධයක් නැත්නම්, ජරා මරණ නිරුද්ධ වීම පිණිස පවතින වැඩපිළිවෙල ගැන සම්පූර්ණ අවබෝධයක් නැත්නම්, ඉපදීම ගැන සම්පූර්ණ අවබෝධයක් නැත්නම්, ….(පෙ)…. භවය ගැන සම්පූර්ණ අවබෝධයක් නැත්නම්, ….(පෙ)…. උපාදාන ගැන සම්පූර්ණ අවබෝධයක් නැත්නම්, ….(පෙ)…. තණ්හාව ගැන සම්පූර්ණ අවබෝධයක් නැත්නම්, ….(පෙ)…. විඳීම ගැන සම්පූර්ණ අවබෝධයක් නැත්නම්, ….(පෙ)…. ස්පර්ශය ගැන සම්පූර්ණ අවබෝධයක් නැත්නම්, ….(පෙ)…. ආයතන හය ගැන සම්පූර්ණ අවබෝධයක් නැත්නම්, ….(පෙ)…. නාමරූප ගැන සම්පූර්ණ අවබෝධයක් නැත්නම්, ….(පෙ)…. විඤ්ඤාණය ගැන සම්පූර්ණ අවබෝධයක් නැත්නම්, ….(පෙ)…. සංස්කාර ගැන සම්පූර්ණ අවබෝධයක් නැත්නම්, සංස්කාර හටගැනීම ගැන සම්පූර්ණ අවබෝධයක් නැත්නම්, සංස්කාර නිරුද්ධ වීම ගැන සම්පූර්ණ අවබෝධයක් නැත්නම්, සංස්කාර නිරුද්ධ වීම පිණිස පවතින වැඩපිළිවෙල ගැන සම්පූර්ණ අවබෝධයක් නැත්නම්,
පින්වත් මහණෙනි, ඒ ශ්‍රමණයන් හෝ බ්‍රාහ්මණයන් හෝ සැබෑම ශ්‍රමණයන් අතර ශ්‍රමණයෝ වෙන්නේ නෑ. සැබෑම බ්‍රාහ්මණයන් අතර බ්‍රාහ්මණයෝ වෙන්නෙත් නෑ. ඒ ආයුෂ්මත්වරු ශ්‍රමණ බවේ අර්ථය හෝ බ්‍රාහ්මණ බවේ අර්ථය හෝ මේ ජීවිතය තුළදීම තමා තුළ ඇතිවුණ විශේෂ අවබෝධයෙන් සාක්ෂාත් කරගෙන වාසය කරන්නෙත් නෑ. නමුත් පින්වත් මහණෙනි, යම්කිසි ශ්‍රමණයෙකුට හෝ බ්‍රාහ්මණයෙකුට හෝ ජරා මරණ ගැන පරිපූර්ණ අවබෝධයක් තියෙනවා නම්, ජරා මරණ හටගැනීම ගැන පරිපූර්ණ අවබෝධයක් තියෙනවා නම්, ජරා මරණ නිරුද්ධ වීම ගැන පරිපූර්ණ අවබෝධයක් තියෙනවා නම්, ජරා මරණ නිරුද්ධ වීම පිණිස පවතින වැඩපිළිවෙල ගැන සම්පූර්ණ අවබෝධයක් තියෙනවා නම්, ඉපදීම ගැන සම්පූර්ණ අවබෝධයක් තියෙනවා නම්, …(පෙ)…. භවය ගැන සම්පූර්ණ අවබෝධයක් තියෙනවා නම්, ….(පෙ)…. උපාදාන ගැන සම්පූර්ණ අවබෝධයක් තියෙනවා නම්, ….(පෙ)…. තණ්හාව ගැන සම්පූර්ණ අවබෝධයක් තියෙනවා නම්, ….(පෙ)…. විඳීම ගැන සම්පූර්ණ අවබෝධයක් තියෙනවා නම්, ….(පෙ)…. ස්පර්ශය ගැන සම්පූර්ණ අවබෝධයක් තියෙනවා නම්, ….(පෙ)…. ආයතන හය ගැන සම්පූර්ණ අවබෝධයක් තියෙනවා නම්, ….(පෙ)…. නාමරූප ගැන සම්පූර්ණ අවබෝධයක් තියෙනවා නම්, ….(පෙ)…. විඤ්ඤාණය ගැන සම්පූර්ණ අවබෝධයක් තියෙනවා නම්, ….(පෙ)…. සංස්කාර ගැන සම්පූර්ණ අවබෝධයක් තියෙනවා නම්, සංස්කාර හටගැනීම ගැන සම්පූර්ණ අවබෝධයක් තියෙනවා නම්, සංස්කාර නිරුද්ධ වීම ගැන සම්පූර්ණ අවබෝධයක් තියෙනවා නම්, සංස්කාර නිරුද්ධ වීම පිණිස පවතින වැඩපිළිවෙල ගැන සම්පූර්ණ අවබෝධයක් තියෙනවා නම්,
පින්වත් මහණෙනි, ඒ ශ්‍රමණයන් හෝ බ්‍රාහ්මණයන් හෝ සැබෑම ශ්‍රමණයන් අතර ශ්‍රමණයෝ බවට පත්වෙනවා. සැබෑම බ්‍රාහ්මණයන් අතර බ්‍රාහ්මණයෝ බවට පත්වෙනවා. ඒ ආයුෂ්මත්වරු ශ්‍රමණ බවේ අර්ථය හෝ බ්‍රාහ්මණ බවේ අර්ථය හෝ මේ ජීවිතය තුළදීම තමා තුළ ඇතිවුණ විශේෂ අවබෝධයෙන් සාක්ෂාත් කරගෙන වාසය කරනවා.
සාදු! සාදු!! සාදු!!!
සමණ බ්‍රාහ්මණ සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-3-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M