සැවැත් නුවරදී ……………
එදා භාග්‍යවතුන් වහන්සේ ‘පින්වත් මහණෙනි’ කියා භික්ෂූන් වහන්සේලා අමතා වදාළා. ‘ස්වාමීනී’ කියා ඒ භික්ෂුන් වහන්සේලාද භාග්‍යවතුන් වහන්සේට පිළිතුරු දුන්නා. භාග්‍යවතුන් වහන්සේ ඒ මොහොතේදී තමයි මේ දේශනාව වදාළේ.
පින්වත් මහණෙනි, යම්කිසි ශ්‍රමණයෙකුට හෝ බ්‍රාහ්මණයෙකුට හෝ ජරා මරණ ගැන අවබෝධයක් නැත්නම්, ජරා මරණ හටගැනීම ගැන අවබෝධයක් නැත්නම්, ජරා මරණ නිරුද්ධ වීම ගැන අවබෝධයක් නැත්නම්, ජරා මරණ නිරුද්ධ වීම පිණිස පවතින වැඩපිළිවෙල ගැන අවබෝධයක් නැත්නම්, ඒ ශ්‍රමණ බ්‍රාහ්මණයන් ඒකාන්තයෙන්ම ජරාමරණ ඉක්මවා ගිය බවට පත්වන්නේය යන කරුණ කිසි දවසක වෙන්නට පුළුවන් දෙයක් නොවෙයි.
ඉපදීම ගැන අවබෝධයක් නැත්නම්, ….(පෙ)…. භවය ගැන අවබෝධයක් නැත්නම්, ….(පෙ)…. උපාදාන ගැන අවබෝධයක් නැත්නම්, ….(පෙ)…. තණ්හාව ගැන අවබෝධයක් නැත්නම්, ….(පෙ)…. විඳීම ගැන අවබෝධයක් නැත්නම්, ….(පෙ)…. ස්පර්ශය ගැන අවබෝධයක් නැත්නම්, ….(පෙ)…. ආයතන හය ගැන අවබෝධයක් නැත්නම්, ….(පෙ)…. නාමරූප ගැන අවබෝධයක් නැත්නම්, ….(පෙ)…. විඤ්ඤාණය ගැන අවබෝධයක් නැත්නම්, ….(පෙ)…. සංස්කාර ගැන අවබෝධයක් නැත්නම්, සංස්කාර හටගැනීම ගැන අවබෝධයක් නැත්නම්, සංස්කාර නිරුද්ධ වීම ගැන අවබෝධයක් නැත්නම්, සංස්කාර නිරුද්ධ වීම පිණිස පවතින වැඩපිළිවෙල ගැන අවබෝධයක් නැත්නම්, ඒ ශ්‍රමණ බ්‍රාහ්මණයන් ඒකාන්තයෙන්ම ජරාමරණ ඉක්මවා ගිය බවට පත්වන්නේය යන කරුණ කිසි දවසක වෙන්නට පුළුවන් දෙයක් නොවෙයි.
නමුත් පින්වත් මහණෙනි, යම්කිසි ශ්‍රමණයෙකුට හෝ බ්‍රාහ්මණයෙකුට හෝ ජරා මරණ ගැන අවබෝධයක් තියෙනවා නම්, ජරා මරණ හටගැනීම ගැන අවබෝධයක් තියෙනවා නම්, ජරා මරණ නිරුද්ධ වීම ගැන අවබෝධයක් තියෙනවා නම්, ජරා මරණ නිරුද්ධ වීම පිණිස පවතින වැඩපිළිවෙල ගැන අවබෝධයක් තියෙනවා නම්, ඒ ශ්‍රමණ බ්‍රාහ්මණයන් ඒකාන්තයෙන්ම ජරාමරණ ඉක්මවා ගිය බවට පත්වන්නේය යන කරුණ විය හැකි දෙයක්මයි.
ඉපදීම ගැන අවබෝධයක් තියෙනවා නම්, …(පෙ)…. භවය ගැන අවබෝධයක් තියෙනවා නම්, ….(පෙ)…. උපාදාන ගැන අවබෝධයක් තියෙනවා නම්, ….(පෙ)…. තණ්හාව ගැන අවබෝධයක් තියෙනවා නම්, ….(පෙ)…. විඳීම ගැන අවබෝධයක් තියෙනවා නම්, ….(පෙ)…. ස්පර්ශය ගැන අවබෝධයක් තියෙනවා නම්, ….(පෙ)…. ආයතන හය ගැන අවබෝධයක් තියෙනවා නම්, ….(පෙ)…. නාමරූප ගැන අවබෝධයක් තියෙනවා නම්, ….(පෙ)…. විඤ්ඤාණය ගැන අවබෝධයක් තියෙනවා නම්, ….(පෙ)…. සංස්කාර ගැන අවබෝධයක් තියෙනවා නම්, සංස්කාර හටගැනීම ගැන අවබෝධයක් තියෙනවා නම්, සංස්කාර නිරුද්ධ වීම ගැන අවබෝධයක් තියෙනවා නම්, සංස්කාර නිරුද්ධ වීම පිණිස පවතින වැඩපිළිවෙල ගැන අවබෝධයක් තියෙනවා නම්, ඒ ශ්‍රමණ බ්‍රාහ්මණයන් ඒකාන්තයෙන්ම ජරාමරණ ඉක්මවා ගිය බවට පත්වන්නේය යන කරුණ විය හැකි දෙයක්මයි.
සාදු! සාදු!! සාදු!!!
දුතිය සමණ බ්‍රාහ්මණ සූත්‍රය නිමා විය.
තුන්වෙනි දසබල වර්ගය අවසන් විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-3-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M