සැවැත් නුවරදී ……………
පින්වත් මහණෙනි, මේ දේවල් ගැන අවබෝධයක් නැති, මේ දේවල් හටගැනීම ගැන අවබෝධයක් නැති, මේ දේවල් නිරුද්ධ වීම ගැන අවබෝධයක් නැති, මේ දේවල් නිරුද්ධ වන්නා වූ ප්‍රතිපදාව ගැන අවබෝධයක් නැති, යම්කිසි ශ්‍රමණ බ්‍රාහ්මණවරු ඉන්නවා නම්, කවර දේවල් ගැන අවබෝධයක් නැතුවද ඉන්නේ? කවර දේවල් හටගැනීම ගැන අවබෝධයක් නැතුවද ඉන්නේ? කවර දේවල් නිරුද්ධ වීම ගැන අවබෝධයක් නැතුවද ඉන්නේ? කවර දේවල් නිරුද්ධ වන්නා වූ ප්‍රතිපදාව ගැන අවබෝධයක් නැතුවද ඉන්නේ?
ජරා මරණ ගැනයි අවබෝධයක් නැත්තේ. ජරා මරණ හටගැනීම ගැනයි අවබෝධයක් නැත්තේ. ජරා මරණ නිරුද්ධ වීම ගැනයි අවබෝධයක් නැත්තේ. ජරා මරණ නිරුද්ධ වන්නා වූ ප්‍රතිපදාව ගැනයි අවබෝධයක් නැත්තේ. ඉපදීම ගැනයි …. (පෙ) …. භවය ගැනයි …. (පෙ) …. උපාදාන ගැනයි …. (පෙ) …. තණ්හාව ගැනයි …. (පෙ) …. විඳීම ගැනයි …. (පෙ) …. ස්පර්ශය ගැනයි …. (පෙ) …. ආයතන හය ගැනයි …. (පෙ) …. නාමරූප ගැනයි …. (පෙ) …. විඤ්ඤාණය ගැනයි …. (පෙ) …. සංස්කාර ගැනයි අවබෝධයක් නැත්තේ. සංස්කාර හටගැනීම ගැනයි අවබෝධයක් නැත්තේ. සංස්කාර නිරුද්ධවීම ගැනයි අවබෝධයක් නැත්තේ. සංස්කාර නිරුද්ධවන්නා වූ ප්‍රතිපදාව ගැනයි අවබෝධයක් නැත්තේ.
පින්වත් මහණෙනි, මේ දේවල් ගැන අවබෝධයක් නැති නම්, මේ දේවල් හටගැනීම ගැන අවබෝධයක් නැති නම්, මේ දේවල් නිරුද්ධ වීම ගැන අවබෝධයක් නැති නම්, මේ දේවල් නිරුද්ධ වන්නා වූ ප්‍රතිපදාව ගැන අවබෝධයක් නැති නම්, පින්වත් මහණෙනි, ඒ ශ්‍රමණ බ්‍රාහ්මණවරු සැබෑම ශ්‍රමණයන් අතර ශ්‍රමණයන් බවට පත්වෙන්නේ නෑ. සැබෑම බ්‍රාහ්මණයන් අතර බ්‍රාහ්මණයන් බවට පත්වෙන්නෙත් නෑ. ඒ ආයුෂ්මත්වරුන් ශ්‍රමණ ජීවිතයේ අර්ථය හෝ බ්‍රාහ්මණ ජීවිතයේ අර්ථය හෝ මේ ජීවිතය තුළදීම තමන්ගේම විශිෂ්ට අවබෝධය තුළින් සාක්ෂාත් කරගෙන වාසය කරන්නේ නෑ.
පින්වත් මහණෙනි, මේ දේවල් ගැන අවබෝධයක් තියෙන, මේ දේවල් හටගැනීම ගැන අවබෝධයක් තියෙන, මේ දේවල් නිරුද්ධ වීම ගැන අවබෝධයක් තියෙන, මේ දේවල් නිරුද්ධ වන්නා වූ ප්‍රතිපදාව ගැන අවබෝධයක් තියෙන, යම්කිසි ශ්‍රමණ බ්‍රාහ්මණවරු ඉන්නවා නම්, කවර දේවල් ගැන අවබෝධයක් ඇතුවද ඉන්නේ? කවර දේවල් හටගැනීම ගැන අවබෝධයක් ඇතුවද ඉන්නේ? කවර දේවල් නිරුද්ධ වීම ගැන අවබෝධයක් ඇතුවද ඉන්නේ? කවර දේවල් නිරුද්ධ වන්නා වූ ප්‍රතිපදාව ගැන අවබෝධයක් ඇතුවද ඉන්නේ?
ජරා මරණ ගැනයි අවබෝධයක් තියෙන්නේ. ජරා මරණ හටගැනීම ගැනයි අවබෝධයක් තියෙන්නේ. ජරා මරණ නිරුද්ධ වීම ගැනයි අවබෝධයක් තියෙන්නේ. ජරා මරණ නිරුද්ධ වන්නා වූ ප්‍රතිපදාව ගැනයි අවබෝධයක් තියෙන්නේ. ඉපදීම ගැනයි …. (පෙ) …. භවය ගැනයි …. (පෙ) …. උපාදාන ගැනයි …. (පෙ) …. තණ්හාව ගැනයි …. (පෙ) …. විඳීම ගැනයි …. (පෙ) …. ස්පර්ශය ගැනයි …. (පෙ) …. ආයතන හය ගැනයි …. (පෙ) …. නාමරූප ගැනයි …. (පෙ) …. විඤ්ඤාණය ගැනයි …. (පෙ) …. සංස්කාර ගැනයි අවබෝධයක් තියෙන්නේ. සංස්කාර හටගැනීම ගැනයි අවබෝධයක් තියෙන්නේ. සංස්කාර නිරුද්ධවීම ගැනයි අවබෝධයක් තියෙන්නේ. සංස්කාර නිරුද්ධවන්නා වූ ප්‍රතිපදාව ගැනයි අවබෝධයක් තියෙන්නේ.
පින්වත් මහණෙනි, මේ දේවල් ගැන අවබෝධයක් තියෙනවා නම්, මේ දේවල් හටගැනීම ගැන අවබෝධයක් තියෙනවා නම්, මේ දේවල් නිරුද්ධ වීම ගැන අවබෝධයක් තියෙනවා නම්, මේ දේවල් නිරුද්ධ වන්නා වූ ප්‍රතිපදාව ගැන අවබෝධයක් තියෙනවා නම්, පින්වත් මහණෙනි, ඒ ශ්‍රමණ බ්‍රාහ්මණවරු සැබෑම ශ්‍රමණයන් අතර ශ්‍රමණයන් බවට පත්වෙනවා. සැබෑම බ්‍රාහ්මණයන් අතර බ්‍රාහ්මණයන් බවට පත්වෙනවා. ඒ ආයුෂ්මත්වරුන් ශ්‍රමණ ජීවිතයේ අර්ථය හෝ බ්‍රාහ්මණ ජීවිතයේ අර්ථය හෝ මේ ජීවිතය තුළදීම තමන්ගේම විශිෂ්ට අවබෝධය තුළින් සාක්ෂාත් කරගෙන වාසය කරනවා.
සාදු! සාදු!! සාදු!!!
දුතිය සමණබ්‍රාහ්මණ සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-2-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M