සැවැත් නුවරදී ………….
“පින්වත් මහණෙනි, වැරදි වැඩපිළිවෙල ගැනත්, නිවැරදි වැඩපිළිවෙල ගැනත් මා ඔබට කියා දෙන්නම්. එය හොඳින් අහගන්න ඕන. ඉතා හොඳින් නුවණින් මෙනෙහි කරන්න ඕන. මං කියා දෙන්නම්.”
“එසේය, ස්වාමීනී” කියලා ඒ භික්ෂූන් වහන්සේලා භාග්‍යවතුන් වහන්සේට පිළිතුරු දුන්නා. ඒ මොහොතේදී තමයි භාග්‍යවතුන් වහන්සේ මෙම දේශනය වදාළේ.
පින්වත් මහණෙනි, වැරදි වැඩපිළිවෙල කියල කියන්නේ මොකක්ද? පින්වත් මහණෙනි, අවිද්‍යාව හේතු කරගෙන සංස්කාර ඇතිවෙනවා. සංස්කාර හේතු කරගෙන විඤ්ඤාණය ඇතිවෙනවා. …. (පෙ) …. ඔය විදිහට තමයි මේ මුළු මහත් දුක් රැසම හටගන්නේ. මේකට තමයි පින්වත් මහණෙනි, වැරදි වැඩපිළිවෙල කියල කියන්නේ.
පින්වත් මහණෙනි, නිවැරදි වැඩපිළිවෙල කියල කියන්නේ මොකක්ද? පින්වත් මහණෙනි, අවිද්‍යාව සහමුළින්ම නැතිවෙලා නිරුද්ධ වීමෙන් සංස්කාර නිරුද්ධ වෙලා යනවා. සංස්කාර නිරුද්ධ වීමෙන් විඤ්ඤාණය නිරුද්ධ වෙලා යනවා. …. (පෙ) …. ඔය විදිහටයි මේ මුළු මහත් දුක් රැසම නිරුද්ධ වෙලා යන්නේ. මේකට තමයි පින්වත් මහණෙනි, නිවැරදි වැඩපිළිවෙල කියල කියන්නේ.
සාදු! සාදු!! සාදු!!!
පටිපදා සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_1-1-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M