☰

ඛුද්දක නිකාය

ථේරී ගාථා

7.2. චාලා ථේරීගාථා

7.2. චාලා තෙරණියගේ ගාථා

182. සතිං උපට්ඨපෙත්වාන භික්ඛුනී භාවිතින්ද්‍රියා,
පටිවිජ්ඣි පදං සන්තං සංඛාරූපසමං සුඛං.

182. ඒ භික්ෂුණිය ශ්‍රද්ධා ආදී ඉන්ද්‍රියයන් දියුණු කරගෙන ඉන්නෙ, හොඳට සිහිය පිහිටුවා ගෙන ඉන්නෙ. සංස්කාරයන් සංසිඳීමේ සැපය පිහිටුවා ගෙන ඉන්නෙ. සංස්කාරයන් සංසිඳීමේ සැපය වූ ශාන්ත නිවන සාක්ෂාත් කරල ඉන්නෙ.

183. කන්නු උද්දිස්ස මුණ්ඩාසි සමණී විය දිස්සසි,
න ච රෝචේසි පාසණ්ඩේ කිමිදං චරසි මෝමුහා.

183. (මාරයා) ඔයා ඔය හිස මුඩු කරගත්තෙ කවුරු වෙනුවෙන් ද? ශ්‍රමණියක් වගෙයි පෙනෙන්නෙ. ඇයි තාපසියක් වෙන්ට අකැමැති? මෝහයෙන් මුලා වෙලා නේද ඔය යන්නෙ?

184. ඉතෝ බහිද්ධා පාසණ්ඩා දිට්ඨියෝ උපනිස්සිතා,
න තේ ධම්මං විජානන්ති න තේ ධම්මස්ස කෝවිදා.

184. (ඒයි මාරය) තාපසවරු ඉන්නෙ බුදු සසුනෙන් බැහැරවයි. ඒගොල්ලො ඉන්නෙ නොයෙක් මතවාදවල එල්ලිලා. ඔවුන්ට මේ ධර්මය පෙනෙන්නෙ නෑ. ඔවුන් මේ ධර්මය දකින්ට දක්ෂත් නෑ.

185. අත්ථි සක්‍යකුලේ ජාතෝ බුද්ධෝ අප්පටිපුග්ගලෝ,
සෝ මේ ධම්මමදේසේසි දිට්ඨීනං සමතික්කමං.

185. නමුත් ශාක්‍ය වංශයේ ඉපදුණු අසහාය මුනිවරයෙක් තමා බුදු සමිඳුන් කියල කියන්නෙ. ඔය සියලුම දෘෂ්ටීන් ඉක්මවා යන ධර්මය උන්වහන්සේ මට කියල දීල තියෙන්නෙ.

186. දුක්ඛං දුක්ඛසමුප්පාදං දුක්ඛස්ස ච අතික්කමං,
අරියඤ්චට්ඨංගිකං මග්ගං දුක්ඛූපසමගාමිනං.

186. ඒ ධර්මය තමයි දුක, දුකේ හටගැනීම, ඒ දුක ඉක්මවා යාම, ඒ දුක් සංසිඳෙන මාර්ගය.

187. තස්සාහං වචනං සුත්වා විහරිං සාසනේ රතා,
තිස්සෝ විජ්ජා අනුප්පත්තා කතං බුද්ධස්ස සාසනං.

187. උන්වහන්සේගේ උතුම් වචනය අසා දැනගෙනයි බුදු සසුනට ඇලී වාසය කළේ. මාත් ත්‍රිවිද්‍යාව ලබාගත්තා. බුදු සසුන සම්පූර්ණ කරගත්තා.

188. සබ්බත්ථ විහතා නන්දී තමොක්ඛන්ධෝ පදාලිතෝ,
ඒවං ජානාහි පාපිම නිහතෝ ත්වමසි අන්තකාති.

188. හැම දෙයක් ගැනම තිබුණු ආශාව නැති කරල දැම්මා. මෝහාන්ධකාරය බිඳල දැම්මා. මාරය, ඔය විදිහටයි මේ ගැන ඔබ දැනගන්ට ඕන. මාරය, ඔය කරුණේ දී නැසුණේ ඔබයි.

ඉත්ථං සුදං චාලා ථේරී ගාථායෝ අභාසීති.

මේ වනාහී චාලා නම් රහත් තෙරණිය වදාළ ගාථාවන් ය.

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn6_7-2/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M