☰

ඛුද්දක නිකාය

ථේරී ගාථා

7.3. උපචාලා ථේරීගාථා

7.3. උපචාලා තෙරණියගේ ගාථා

189. සතිමතී චක්ඛුමතී භික්ඛුනී භාවිතින්ද්‍රියා,
පටිවිජ්ඣි පදං සන්තං අකාපුරිසසේවිතං.

189. ඒ භික්ෂුණී හොඳ සිහිය පිහිටුවා ගෙන ඉන්නෙ. දහම් ඇස් තියෙනවා. ශ්‍රද්ධා ආදී ඉන්ද්‍රියයන් දියුණු කරලයි ඉන්නෙ. සත්පුරුෂයන්ගේ ආශ්‍රය නිසා ඈත් ශාන්ත නිවන සාක්ෂාත් කළා.

190. කින්නු ජාතිං න රෝචේසි ජාතෝ කාමානි භුඤ්ජති,
භුඤ්ජාහි කාමරතියෝ මාහු පච්ඡානුතාපිනී.

190. (මාරයා) ඇයි ඔයා ඉපදෙන්ට අකැමැති? ඉපදුණාම නේද මේ කාම සම්පත් අනුභව කරන්ට පුළුවන්. කාම සම්පත්වලට ඇලී ඒවා අනුභව කරන්න. පස්සෙ දුක් වෙන්ට එපා!

191. ජාතස්ස මරණං හෝති හත්ථපාදානඡේදනං,
වධබන්ධපරික්ලේසං ජාතෝ දුක්ඛං නිගච්ඡති.

191. (ඒයි මාරය) ඉපදෙන කෙනාටයි මරණය තියෙන්නෙ. අත්පා කැඩී බිඳී යාම තියෙන්නෙ. නොයෙක් වද බන්ධන තියෙන්නෙ. කෙලෙස් උපදින්නෙ. ඉපදෙන කෙනා තමයි දුකට පත්වෙන්නෙ.

192. අත්ථි සක්‍යකුලේ ජාතෝ සම්බුද්ධෝ අපරාජිතෝ,
සෝ මේ ධම්මමදේසේසි ජාතියා සමතික්කමං.

192. ශාක්‍ය වංශයේ ඉපදුණු අපරාජිත බුදු සමිඳුන් වැඩ ඉන්නවා. උන්වහන්සේ තමයි මේ ඉපදීම ඉක්මයන මේ ශ්‍රී සද්ධර්මය කියල දුන්නෙ.

193. දුක්ඛං දුක්ඛසමුප්පාදං දුක්ඛස්ස ච අතික්කමං,
අරියඤ්චට්ඨංගිකං මග්ගං දුක්ඛූපසමගාමිනං.

193. දුක, දුකේ හටගැනීම, ඒ දුක් ඉක්මවා යාම, ඒ දුක් සංසිඳුවන මාර්ගය වන ආර්ය අෂ්ටාංගික මාර්ගය තමයි ඒ ධර්මය.

194. තස්සාහං වචනං සුත්වා විහරිං සාසනේ රතා,
තිස්සෝ විජ්ජා අනුප්පත්තා කතං බුද්ධස්ස සාසනං.

194. උන්වහන්සේගෙන් මං ඒ උතුම් වචන ගැන දැනගත්ත. බුදු සසුනේ ඇලී වාසය කළා. මාත් ත්‍රිවිද්‍යාව ලබාගත්තා. බුදු සසුන සම්පූර්ණ කරගත්තා.

195. සබ්බත්ථ විහතා නන්දි තමොක්ඛන්ධෝ පදාලිතෝ,
ඒවං ජානාහි පාපිම නිහතෝ ත්වමසි අන්තකාති.

195. හැම දෙයක් ගැන ම තියෙන තණ්හාව නැති කරල දැම්මා. මෝහාන්ධකාරය බිඳල දැම්මා. මාරය, ඔන්න ඔය විදිහටයි ඒ ගැන දැනගන්ට ඕන. මාරය, මේ කරුණේදී නැසුණේ ඔබයි.

ඉත්ථං සුදං උපචාලාථේරී ගාථායෝ අභාසීති.

මේ වනාහී උපචාලා නම් රහත් තෙරණිය වදාළ ගාථාවන් ය.

සත්තකනිපාතෝ නිට්ඨිතෝ.

හත්වෙනි නිපාතය නිමා විය.

(ගාථා හත බැගින් වදාළ කොටස නිමා විය)

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn6_7-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M