☰

ඛුද්දක නිකාය

ථේරී ගාථා

7.1. උත්තරා ථේරීගාථා

7.1. උත්තරා තෙරණියගේ ගාථා

175. මුසලානි ගහෙත්වාන ධඤ්ඤං කොට්ටෙන්ති මනවා
පුත්තදාරානි පෝසෙන්තා ධනං වින්දන්ති මානවා.

175. මිනිසුන් මෝල් ගස්වලින් ධාන්‍ය වර්ග කොටනවා. තමන්ගේ අඹු දරුවනුත් පෝෂණය කර ගෙන ධනයත් හම්බ කර ගන්නවා.

176. ඝටේථ බුද්ධසාසනේ යං කත්වා නානුතප්පති,
ඛිප්පං පාදානි ධෝවිත්වා ඒකමන්තං නිසීදථ.

176. යමක් කළාට පස්සෙ තැවෙන්නෙ නැත්නම්, අන්න ඒ බුද්ධානුශාසනාව තමයි කරන්ට ඕන. ඉක්මනට පා සෝදගන්න. හුදෙකලා තැනකින් වාඩි වෙන්න.

177. චිත්තං උපට්ඨපෙත්වාන ඒකග්ගං සුසමාහිතං,
පච්චවෙක්ඛථ සංඛාරේ පරතෝ නෝ ච අත්තතෝ.

177. හොඳින් හිත එකඟ කරගෙන, හිත පිහිටුවා ගෙන, මේ සංස්කාරයන් අනාත්ම වශයෙන් නුවණින් දකින්න. ආත්ම වශයෙන් නොවේ.

178. තස්සාහං වචනං සුත්වා පටාචාරානුසාසනිං,
පාදේ පක්ඛාලයිත්වාන ඒකමන්තේ උපාවිසිං.

178. එතුමියගේ වචනය හිතට ගත්තා. ඒ පටාචාරාවගේ අනුශාසනාවේ පිහිටියා. පා සෝදා ගත්ත. හුදෙකලා තැනක වාඩි වුණා.

179. රත්තියා පුරිමේ යාමේ පුබ්බජාතිමනුස්සරිං,
රත්තියා මජ්ඣිමේ යාමේ දිබ්බචක්ඛුං විසෝධයිං.

179. රෑ පළමු යාමයේ පුබ්බේ නිවාස ඤාණය ලබාගත්තා. රෑ මධ්‍යම යාමයේ දිවැස් නුවණ පිරිසිදු කරගත්තා.

180. රත්තියා පච්ඡිමේ යාමේ තමොක්ඛන්ධං පදාලයිං,
තේවිජ්ජා අථ වුට්ඨාසිං කතා තේ අනුසාසනී.

180. රැය පහන් වෙන කොට අවිද්‍යාව නම් වූ අන්ධකාර කෙලෙස් කඳ බිඳල දැම්මා. මං එදා උදේ නැගිට්ටේ ත්‍රිවිද්‍යාව ලබාගෙන. ඔබතුමියගේ අනුශාසනාව මං කළා.

181. සක්කංව දේවා තිදසා සංගාමේ අපරාජිතා,
පුරක්ඛත්වා විහරාමි තේවිජ්ජම්හි අනාසවාති.

181. සුරාසුර යුද්ධෙ ජය ගත්තට පස්සෙ තව්තිසා දෙවියෝ ශක්‍ර දෙවියන්ට නමස්කාර කරනවා වගේ, මමත් ඉන්නෙ ඔබතුමිය පෙරටු කරගෙනයි. මං දැන් ත්‍රිවිද්‍යා ලාභී නිකෙලෙස් කෙනෙක්.

ඉත්ථං සුදං උත්තරා ථේරී ගාථායෝ අභාසීති.

මේ වනාහී උත්තරා නම් රහත් තෙරණිය වදාළ ගාථාවන් ය.

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn6_7-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M