399. ධර්මයේ හැසිරෙන්ට පමාවුණොත් ඒ පුද්ගලයාගේ තෘෂ්ණාව වේගයෙන් වැඩෙනවා. ගසක් වෙලාගෙන එති එතී යන මහා වැලක් වගේ. එයා හරියට වඳුරෙක් වගේ. වඳුරා ගිහින් ගහට පනින්නෙ පළතුරු කන්ට ආශාවෙන්. එයත් භවයෙන් භවයට යනවා ඒ විදිහටම.
400. ලෝකය වෙලාගත් මේ ලාමක තෘෂ්ණාවට පුළුවන් ඕනම කෙනෙක් යටකර දමන්නට. ඊට පස්සේ එයා තුළ ශෝකය වැඩෙන්න පටන් ගන්නවා. සැවැන්දරා පඳුරක් වගේ.
401. එහෙත් මර්දනය කරගත නොහැකි මේ ලාමක තණ්හාව මර්ධනය කරගන්ට පුළුවන් වුණොත් ඔහුගේ ශෝකය නැතිවෙනවා. නෙළුම් කොළය මතින් වතුර බින්දුවක් ලිස්සා වැටෙනවා වගේ.
402. මෙතනට පැමිණි ඔයාල හැම දෙනෙකුටම මං ඉතා හොඳ දෙයක් කියන්නම්. සැවැන්දරා මුල් කැමති කෙනා සැවැන්දරා පඳුර මුලින්ම උදුරා දමනවා. අන්න ඒ විදිහට තණ්හාව මුලින්ම උදුරා දමන්න. සැඩ පහරින් ගහගෙන යන බට ගහක් වගේ. ඔබව නම් මාරයා ආයෙමත් නසන්න එපා.
403. බුදු සමිඳුන්ගේ වචනය පිළිපදින්න. මේ උතුම් මොහොත අතපසු වීමට ඉඩ දෙන්න එපා. මේ මොහොත මගහැරුණ උදවිය නිරයේ වැටිලා දුක් විඳිනවා.
404. ඇත්තෙන්ම ධර්මයේ හැසිරෙන්ට පමාවීම ජීවිතයට කිලුටක්. කිලුට හැදෙන්නෙ ප්‍රමාදයෙනුයි. අප්‍රමාදීව ධර්මයේ හැසිරෙන්න. ආර්ය සත්‍යය අවබෝධය නම් විද්‍යාව උපදවා ගෙන තෘෂ්ණාව උදුරා දමන්න.
මෙය වනාහී ආයුෂ්මත් මාලුංක්‍යපුත්ත නම් රහත් මුනිඳුන් වදාළ ගාථාවන්ය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn5_6-1-5/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M