429. එතකොට මගේ වයස අවුරුදු හතයි. ඒ මං පැවිදි වෙච්ච අලුත. මහත් ඉර්ධි ඇති නාග රාජයෙක්ව මගේ ඍද්ධි බලයෙන් දමනය කළේ.
430. අනෝතත්ත විලෙන් උපාධ්‍යායන් වහන්සේට මං පැන් අරගෙන ආවා. ශාස්තෘන් වහන්සේ මාව දැක්කා. ඊට පස්සේ මාව පෙන්නලා මෙහෙම වදාළා.
431. පින්වත් සාරිපුත්ත, ඔය පැමිණෙන සිඟිත්තා දෙස බලන්න. දිය කළයකුත් අරගෙන තමන් තුළ ඉතා සන්සුන් සිතකුත් ඇතිවයි ඔය එන්නෙ.
432. මෙයාගෙ ගති පැවතුම් දකින කොට පැහැදීම ඇති වෙනවා. ඒ ඉරියව් පවා ඉතා සුන්දරයි. ඒ සාමණේර නම ඉර්ධි බලයෙන් යුක්තයි. විශාරදයි. අනුරුද්ධයන්ගේ ශිෂ්‍යයෙක්.
433. මෙයාව ශ්‍රේෂ්ඨ පුරුෂයෙක් බවට පත්කළේ ශ්‍රේෂ්ඨ පුරුෂයෙක් විසින්. යහපත් පුරුෂයෙක් බවට පත්කළේ යහපත් පුරුෂයෙක් විසින්. නිවන් මගේ පරිපූර්ණ දැනුම ඇති අනුරුද්ධ විසිනුයි, මෙයාව පුහුණු කළේ, හික්මෙව්වේ.
434. මෙයා පරම ශාන්තිය වූ අරහත්වයට පත්වෙලා ඉන්නේ. එහෙත් ඒ සුමන සාමණේර නම තමන් එබඳු කෙනෙක් බව කවුරුවත් දැනගන්නවාට කැමති නෑ.
මෙය වනාහී ආයුෂ්මත් සුමන නම් රහත් මුනිඳුන් වදාළ ගාථාවන්ය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn5_6-1-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M