330. සද්ධර්මය තුළ මං අපේක්ෂා කළේ එකම එක දෙයයි. උපාධ්‍යායන් වහන්සේ ඒ වෙනුවෙන් මට උපකාර කළා. මං කැමති වෙලා සිටියේ ඒ අමා නිවන් සුවයයි. ඒ මා කැමැති වෙලා සිටිය දේ වෙනුවෙන් කළ යුතු දේ මම සම්පූර්ණ කළා.
331. ඒ අමා නිවන් සුව මං ලබාගත්තා. ප්‍රත්‍යක්ෂ කළා. නිසැක කළා. පිරිසිදු අවබෝධ ඥානයකින්මයි. සැකයෙන් තොරවමයි. මෙකරුණ ඔබවහන්සේට කියා සිටින්නේ.
332. පුබ්බේනිවාසානුස්සති ඥානයත් ලබාගත්තා. දිවැසත් පිරිසිදු කරගත්තා. අරහත්වයද ලබාගත්තා. බුදු සසුන සම්පූර්ණ කරගත්තා.
333. ඔබවහන්සේගේ සසුනේ ඒ අමා නිවන් මග ඉතා පැහැදිලි ලෙස අසා දැනගත්තා. අප්‍රමාදීව සීල, සමාධි, ප්‍රඥා දියුණු කරගත්තා. ආශ්‍රවයන් නැතිවෙලා ගියා. දැන් ඉතින් ආයෙත් මට පුනර්භවයක් නෑ.
334. ආර්ය වූ ප්‍රතිපත්තියෙන් මට අනුශාසනා කළ සේක. අනුකම්පා කළ සේක. අනුග්‍රහ කළ සේක. ඔබවහන්සේගේ ඒ අවවාද හිස් නැත. මම දැන් ඉතා හොඳින් හික්මුණ අතවැසියෙක්.
මෙය වනාහී ආයුෂ්මත් සුමන නම් රහත් මුනිඳුන් වදාළ ගාථාවන්ය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn5_5-1-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M