295. (මට සිද්ධාර්ථ කුමාරයන්ගේ පුතා වෙන්ට ලැබුණා. දැන් බුදු සමිඳුන්ගේ ශ්‍රාවක පුතා වෙන්ටත් ලැබුණා.) දෙපැත්තෙන්ම පුතෙක් වෙන්ට මට වාසනාව ලැබුණා. එනිසා නුවණැති උතුමන් වහන්සේලා ‘රාහුල භද්‍ර’ කියලා මා අමතනවා. බුදු සමිඳාණන්ගේ ශ්‍රාවක පුත්‍රයෙක් වන මම දහම් ඇස ලබාගත්තා.
296. ආශ්‍රව නැති කරගත්තා. පුනර්භවය නැතිකර ගත්තා. අරහත්වයට පත්වුණා. ලෝකයාගේ පුද සත්කාරයට සුදුස්සෙක් වුණා. ත්‍රිවිද්‍යාව ද ලැබුවා. ඒ අමා නිවන ද ලබා ගත්තා.
297. එනමුත් බොහෝ සතුන් කාමයෙන් අන්ධවෙලා ඉන්නේ. කෙලෙස් දැල තුළ පැටලිලා ඉන්නේ. තණ්හාවෙන් වැහිලා ඉන්නේ. ප්‍රමාදී ජනතාවගේ යහළුවා වන මාරයාට බැඳිලා ඉන්නේ. ඒ උදවිය දැලක හිරවුණ මාළුවන් වගේ.
298. මම නං ඒ කාමයන් බැහැර කළා. මාර බන්ධනය කඩා බිඳ දැම්මා. තණ්හාව මුලින්ම උදුරා දැම්මා. සිහිල් වෙලා ගියා. නිවිලා ගියා.
මෙය වනාහී ආයුෂ්මත් රාහුල නම් රහත් මුනිඳුන් වදාළ ගාථාවන්ය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn5_4-1-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M