☰

ඛුද්දක නිකාය

පේතවත්ථු

3.5. කුමාර පේත වත්ථු

3.5. කුමාර ප්‍රේත වස්තුව

460. අච්‍ඡෙරරූපං සුගතස්ස ඤාණං
සත්ථා යථා පුග්ගලං බ්‍යාකාසි
උස්සන්නපුඤ්ඤාපි භවන්ති හේකේ
පරිත්තපුඤ්ඤාපි භවන්ති හේකේ

460. ඇතැම් පුද්ගලයන්ට හොඳට පින් තියෙනවා. ඇතැම් පුද්ගලයන්ට පින් ටිකයි තියෙන්නෙ කියල ශාස්තෘන් වහන්සේ යම් ආකාරයකින් මේ පුද්ගලයා ගැන වදාළ සේක්ද, සුගතයන් වහන්සේගේ ඒ අවබෝධ ඤාණය නම් ආශ්චර්යජනකයි.

461. අයං කුමාරෝ සීවථිකාය ඡඩ්ඩිතෝ
අංගුට්ඨස්නේහේන යාපේති රත්තිං
න යක්ඛභූතා න සිරිංසපා වා
විහේඨයෙය්‍යුං කතපුඤ්ඤං කුමාරං

461. මේ කුමාරයාව සොහොනේ අත් හැරල දාල තියෙන්නෙ. මේ දරුවාගේ ඇඟිල්ලෙන් වැගිරෙන කිරිවලින් තමයි රාත්‍රියට යැපෙන්නෙ. කළ පින් ඇති මේ කුමාරයාට යක්ෂ භූත කිසිවෙක්වත්, සර්පයෙක්වත් හිංසා කරන්නෙ නෑ.

462. සුනඛාපිමස්ස පලිහිංසු පාදේ
ධංකා සිගාලා පරිවත්තයන්ති
ගබ්භාසයං පක්ඛිගණා හරන්ති
කාකා පන අක්ඛිමලං හරන්ති

462. බල්ලන් පවා මේ දරුවාගේ දෙපා ලෙවනවා. කවුඩෝ, සිවල්ලු මේ දරුවාව එහාට මෙහාට පෙරලනවා විතරයි. පක්ෂීන් ඇවිත් මේ දරුවගේ සිරුර වටා තියෙන ගැබ්මල ඉවත් කරනවා. කපුටෝ ඇවිත් ඇස් වටේ තියෙන කැත කුණු ඉවත් කරනවා.

463. න යිමස්ස රක්ඛං විදහිංසු කේචි
න ඕසධං සාසපධූපනං වා
නක්ඛත්තයෝගම්පි න අග්ගහේසුං
න සබ්බධඤ්ඤානිපි ආකිරිංසු

463. මේ දරුවාගේ රැකවරණයට කිසිම මනුස්සයෙක් නෑ. බෙහෙතක් දෙන්ට කෙනෙක් නෑ. අබ ආදියෙන් දුම් ඇල්ලීමක් නෑ. ඔහු වෙනුවෙන් නැකැත් හැදීමක් නෑ. ඒ වගේම හැල් වී ආදී සියලු ධාන්‍ය විසිරීමක් නෑ.

464. ඒතාදිසං උත්තමකිච්ඡපත්තං
රත්තාහතං සීවථිකාය ඡඩ්ඪිතං
නෝනීතපිණ්ඩං ව පවේධමානං
සසංසයං ජීවිතසාවසේසං

464. රෑ පානේ ගෙනැවිල්ල අමු සොහොනෙ අත්හැරල දාපු දරුවෙක්. වෙඬරු පිඩක් වගේ වෙව්ලනවා. ජීවත් වෙයිද කියන කාරණෙත් සැකයි. මේ විදිහේ තත්වයකට පත් වෙච්ච දරුවෙක්.

465. තමද්දසා දේවමනුස්සපූජිතෝ
දිස්වා ච තං බ්‍යාකරි භූරිපඤ්ඤෝ
අයං කුමාරෝ නගරස්සිමස්ස
අග්ගකුලීනෝ භවිස්සති භෝගතෝ ච

465. දෙවිමිනිසුන්ගේ පිදුම් ලබන මහා ප්‍රාඥා වූ බුදුරජාණන් වහන්සේ මේ දරුවව දැක්කා. දැකල මෙහෙම වදාළා. ‘මේ කුමාරයා මේ නගරයේ භෝගසම්පත්වලින් අග්‍රවෙලා උසස් කුලවන්තයෙක් බවට පත් වෙනවා.’

466. කිස්ස වතං කිං පන බ්‍රහ්මචරියං
කිස්ස සුචිණ්ණස්ස අයං විපාකෝ
ඒතාදිසං ව්‍යසනං පාපුණිත්වා
තං තාදිසං පච්චනුභොස්සතිද්ධිං

466. මේ කුමාරයා කරපු ව්‍රතය මොකක්ද? ගත කළ උතුම් ජීවිතය මොකක්ද? එයා මේ විපාකය ලබන්ට මොන වගේ දෙයක්ද හොඳින් පුරුදු කළේ? මේ වගේ දරුණු ව්‍යවසනයකට පත් වෙච්ච කෙනෙක් අර විදිහේ සැපසම්පත් ඇති ආනුභාව සම්පන්න කෙනෙක් වෙන්නෙ කොහොමද?

467. බුද්ධපමුඛස්ස භික්ඛුසංඝස්ස
පූජං අකාසි ජනතා උළාරං
තත්‍රස්ස චිත්තස්සහු අඤ්ඤථත්තං
වාචං අභාසි ඵරුසං අසබ්භං

467. ජනතාව බුදුරජාණන් වහන්සේ ප්‍රමුඛ භික්ෂු සංඝයාට මහා පූජාවක් කළා. ඒක දැකල මෙයාගෙ හිත නරක් වුනා. බුදු පාමොක් සඟරුවනට නොගැළපෙන ඵරුෂ වචන කිව්වා.

468. සෝ තං විතක්කං පටිවිනෝදයිත්වා
පීතිං පසාදං පටිලද්ධා පච්ඡා
තථාගතං ජේතවනේ වසන්තං
යාගුයා උපට්ඨාසි සත්තරත්තං

468. පස්සේ මෙයා ඒ නපුරු අදහස දුරු කරගත්තා. ප්‍රීතියත් පැහැදීමත් උපදවා ගත්තා. ජේතවනාරාමයෙහි වැඩවසන තථාගතයන් වහන්සේට සත්දිනක් මුළුල්ලේ කැඳබත්වලින් උපස්ථාන කළා.

469. තස්ස වතං තං පන බ්‍රහ්මචරියං
තස්ස සුචිණ්ණස්ස අයං විපාකෝ
ඒතාදිසං බ්‍යසනං පාපුණිත්වා
තං තාදිසං පච්චනුභොස්සතිද්ධිං

469. ඒක තමයි මෙයාගේ ව්‍රතය. ඒකමයි උතුම් ජීවිතයත්. එය පුරුදු කිරීමෙන් තමයි ඔහුට මේ සැප විපාක ලැබෙන්නෙ. මේ වගේ දරුණු ව්‍යවසනයකට පත්වෙච්ච කෙනෙක් වෙලත් ඒ විදිහේ සැපසම්පත් ඇති ආනුභාව සම්පන්න කෙනෙක් වෙන්නෙ ඒ පින නිසාමයි.

470. ඨත්වාන සෝ වස්සසතං ඉධේව
සබ්බේහි කාමේහි සමංගිභූතෝ
කායස්ස භේදා අභිසම්පරායං
සහව්‍යතං ගච්ඡති වාසවස්සා‘ති.

470. මේ කුමාරයා මේ මනුස්ස ලෝකෙ සියක් අවුරුදු ජීවත් වෙනවා. සියලු සැපසම්පත්වලින් යුක්ත වෙනවා. කය බිඳී මරණින් මතු සක් දෙවිඳුගේ දෙව්ලොව උපදිනවා.

සාදු! සාදු!! සාදු!!!

කුමාරපේතවත්ථු පඤ්චමං.

පස්වෙනි කුමාර ප්‍රේත වස්තුවයි.

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn4_3-5/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M