☰

ඛුද්දක නිකාය

පේතවත්ථු

1.4. පිට්ඨධීතලික පේත වත්ථු

1.4. පිට්ඨධීතලික ප්‍රේත වස්තුව

10. යං කිඤ්චාරම්මණං කත්වා දජ්ජා දානං අමච්ඡරී
පුබ්බපේතේ ච ආරබ්භ අථවා වත්ථු දේවතා

10. නොමසුරු උදවිය යම් යම් විශේෂ අරමුණු මුල් කරගෙන දානාදී පින්කම් කරනවා. එක්කෝ මිය ගිය ඤාතීන් උදෙසා වෙන්න පුළුවනි. එහෙමත් නැත්නම් ගෙවතු ආදියට අරක්ගත් දේවතාවුන් උදෙසා වෙන්න පුළුවනි.

11. චත්තාරෝ ච මහාරාජේ ලෝකපාලේ යසස්සිනෝ
කුවේරං ධතරට්ඨං ච විරූපක්ඛං විරූළ්හකං
තේ චේව පූජිතා හොන්ති දායකා ච අනිප්ඵලා

11. ලෝකපාලක වූ යසස් ඇති සතරවරම් දිව්‍යරාජවරුන් ඉන්නවා. කුවේර, ධතරට්ඨ, විරූපක්ඛ, විරූළ්හ කියන මේ දෙවිවරුන් උදෙසා දන් පැන් පූජා කරගත්තොත් දායකයන්ට නිශ්ඵල වෙන්නෙ නෑ.

12. න හි රුණ්ණං ව සෝකෝ වා යා චඤ්ඤා පරිදේවනා
න තං පේතස්ස අත්ථාය ඒවං තිට්ඨන්ති ඤාතයෝ

12. කෙනෙක් මැරුණට පස්සේ හඬල වැඩක් නෑ. ශෝක කරල වැඩක් නෑ. එක එක විදිහේ විළාපවලින් වැඩක් නෑ. ඒවායින් මියගිය උදවියට කිසිම ප්‍රයෝජනයක් නෑ, ඒ ඥාති ප්‍රේතයෝ ඒ විදිහටම එහෙ ඉන්නවා.

13. අයඤ්ච ඛෝ දක්ඛිණා දින්නා සංඝම්හි සුප්පතිට්ඨිතා
දීඝරත්තං හිතායස්ස ඨානසෝ උපකප්පතී‘ති.

13. මේ පූජා කරගත්තු දානය ආර්ය සංඝයා උදෙසා ඉතා හොඳින් පිහිටියා. පින් අනුමෝදන් වනු කැමති ප්‍රේතයාට බොහෝ කාලයක් හිතසුව පිණිස පවතින මේ පින ඒ මොහොතේම ලැබෙනවා.

සාදු! සාදු!! සාදු!!!

පිට්ඨධීතලිකපේතවත්ථු චතුත්ථං.

හතරවෙනි පිට්ඨධීතලික ප්‍රේත වස්තුවයි.

ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn4_1-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M