(කප්ප)
භගවත් නිදුකාණනි මට – පහදා දෙනු මැන මේ ගැන
දිරීමෙන්ද මරණයෙන්ද – මැඩෙමින් සිටිනා නිරතුරු
මහා බියක් නිති පවතින – බලවත් සැඩ පහරින් යුතු
විලකට මැදි වී සිටිනා – අසරණ වූ ලෝ සතුනට
කියාදෙන්න “දූපත” ගැන
ආයෙත් නම් මෙවන් දුකක් – හට නොගන්න පරිද්දෙන්ම
දුකක් නොමැති “දූපත” ගැන – පවසාලනු මැනව අපට
(භාග්‍යවතුන් වහන්සේ)
දිරීමෙන්ද මරණයෙන්ද – මැඩෙමින් සිටිනා නිරතුරු
මහා බියක් නිති පවතින – බලවත් සැඩ පහරින් යුතු
විලකට මැදි වී සිටිනා – අසරණ වූ ලෝ සතුනට
“දූපත” නම් තිබෙන්නේය – කප්පය, එය කියමි ඔබට
කෙලෙසුන් කිසිවක් නැත එහි – සියළු බැඳීමෙන් තොරමය
එයමය කියනා “දූපත” – වෙන දූපත් නැත්තේමය
ජරාමරණ නොමැති එතන – “නිවන” කියා පවසමි මම
යමෙක් ලොවේ සිහි නුවණින් – මෙහිදිම දැන අමා නිවන්
සදහට නිවිලා යත් නම් – ඒ අරහත් මුනිවරු ලොව
නොයති මාර වසඟයකට – නොම යත් මරු සිටින මගක
කපිල නිසා වදාළ දෙසුම මෙහි දස වැන්න වේ.
සාදු! සාදු!! සාදු!!!
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn2_5-10/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M