ලැජ්ජාව බැහැර කොට – එය ම නිති පිළිකුල් කොට
‘යහළුවෙක් වෙමි මම ඔබේ’ යයි කියා සිටියත් එයා
තම වරද පිළිනොගන්නා ඔහු – තමා හට වත් මිතුරු නැති බව
නැණවතා දන්නේ ය ඔහු ගැන
ප්‍රිය බසින් අමතන මිතුරන් මැද දි ගරහන
නොකරන දේ ම පවසන
මොහු ව හඳුනති දනෝ නුවණැති
මිතුරෙක් නොවේ ම ය ඔහු
හැමදාම නොපමා වී – මිතුරන් භේද කරවයි
අනුන්ගේ ඇදකුද ම විමසයි
එහෙත් යම් කෙනෙකු තුළ – තිබේ නම් මිතුදම
ළයෙහි වඩනා පුතෙකු සේ – කාටවත් බිඳිය නොහැකිව
ඔහු තමයි නියම මිතුරා
හැම වගකීම් උසුලන – වීරියෙන් යුතු කෙනා හට
නොයෙක් අනුසස් වැඩෙන්නේ වේ
සිතේ සතුට ඇති කරවයි – සැප පැසසුම් සැලසී යයි
විවේක රසය වළඳා – සංසිඳීමේ රසය ලැබගෙන
කෙලෙස් පීඩා නැති – හැම පවින් දුරු වූ කෙනා
පානය කරන්නේ – සතුට පිරි සදහම් රසය ම යි!
ලැජ්ජාව ගැන වදාළ දෙසුම නිමා විය.
සාදු! සාදු!! සාදු!!!
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn2_2-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M