භාග්‍යවතුන් වහන්සේ තමයි මේ කාරණය වදාළේ. අරහත් මුනිඳාණන්මයි මෙය වදාළේ. මේ විදිහටයි මට අසන්නට ලැබුනේ.
“පින්වත් මහණෙනි, ඔබට සිවුරු, පිණ්ඩපාත, සේනාසන, බෙහෙත් ගිලන්පස ආදියෙන් උපස්ථාන කරන බ්‍රාහ්මණ ගෘශපතිවරු ඉන්නවා. ඔවුන් ඔබට බොහොම උපකාරයි. පින්වත් මහණෙනි, ඒ නිසා ඔබත් ඔබට ඒ බොහෝ උපකාර කරන බ්‍රාහ්මණ ගෘහපතිවරුන්ට මේ ආරම්භය කල්‍යාණ වූ, මැද කල්‍යාණ වූ, අවසානය- කල්‍යාණ වූ, අර්ථ සහිත වූ, නිවැරදි වචන ගැළපීම් සහිත, සම්පූර්ණයෙන්ම පිරිපුන් වූ, පිරිසිදු නිවන් මග දේශනා කරන්න. පින්වත් මහණෙනි, ඔය විදිහට මේ එකිනෙකාගේ උදව් නිසා තමයි මේ ඉතා මැනවින් දුක් කෙළවර කිරීම පිණිස, සසර සැඩ පහර තරණය කිරීම පිණිස මේ බ්‍රහ්මචාරී ජීවිතය ගත කරන්නේ.”
මේ අර්ථය භාග්‍යවතුන් වහන්සේ වදාළ සේක. එය මේ අයුරිනුත් පවසන්න පුළුවනි.
“ගිහි පැවිදි කියන මේ දෙපිරිස නිසාම තමයි මේ සද්ධර්මයේ නිෂ්ටාවට එන්නත්, උතුම් වූ අරහත්වයට පත් වෙන්නත් පුළුවන් වෙන්නේ.
අනගාරික වූ පැවිදි පිරිස, ගිහි අය පුද කරන සිවුරු, සෙනසුන් ආදී ප්‍රත්‍ය පිළිගෙන අපහසුකම් නැති කරගන්නවා.
නිවන් මගේ වැඩි ඒ සුගත වූ, ආර්ය ප්‍රඥාවෙන් ධ්‍යාන වඩන ඒ රහතන් වහන්සේලා නිසා ගිහි ගෙයි ජීවත් වෙන අය,
සුගතියට යන මේ දහම් මගේ හැසිරෙනවා. බොහෝ සැප සම්පත් කැමති විදිහට ලබලා, දෙව්ලොවදී සතුටින් සතුටට පත්වෙනවා.”
මේ අර්ථය වදාරණ ලද්දේ භාග්‍යවතුන් වහන්සේ විසින්මයි. මේ විදිහට මා හට අසන්නට ලැබුනා.
සාදු! සාදු!! සාදු!!!
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/kn1_4-4-1-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M