සැවැත් නුවර දී ය …..
එකල්හී ආයුෂ්මත් මහා කොට්ඨිතයන් වහන්සේ ආයුෂ්මත් සාරිපුත්තයන් වහන්සේ වෙත වැඩියහ. වැඩම කොට ආයුෂ්මත් සාරිපුත්තයන් වහන්සේ සමඟ සතුටු වූහ. සතුටු විය යුතු පිළිසඳර කථාව නිමවා එකත්පස් ව හිඳගත්හ. එකත්පස් ව හුන් ආයුෂ්මත් මහා කොට්ඨිතයන් වහන්සේ ආයුෂ්මත් සාරිපුත්තයන් වහන්සේට මෙය වදාළහ.
“කිම, ආයුෂ්මත් සාරිපුත්තයෙනි, යම් කර්මයක් මෙලොව වින්ද යුතු ද, මාගේ ඒ කර්මය පරලොව විඳින්නට ලැබේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් පරලොව වින්ද යුතු ද, මාගේ ඒ කර්මය මෙලොව විඳින්නට ලැබේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් සැප විඳීම ඇති කරවයි ද, මාගේ ඒ කර්මය සැප විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් දුක් විඳීම ඇති කරවයි ද, මාගේ ඒ කර්මය සැප විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් මේරීමෙන් විඳීම ඇති කරවයි ද, මාගේ ඒ කර්මය නොමේරීමෙන් විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් නොමේරීමෙන් විඳීම ඇති කරවයි ද, මාගේ ඒ කර්මය මේරීමෙන් විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් බොහෝ විඳීම් ඇති කරවයි ද, මාගේ ඒ කර්මය අල්ප විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් අල්ප විඳීම් ඇති කරවයි ද, මාගේ ඒ කර්මය බොහෝ විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් විඳීම් ඇති කරවයි ද, මාගේ ඒ කර්මය නොවිඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් නොවිඳීම් ඇති කරවයි ද, මාගේ ඒ කර්මය විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?”
“ආයුෂ්මත්නි, එය එසේ නොවෙයි.”
“කිම, ආයුෂ්මත් සාරිපුත්තයෙනි, යම් කර්මයක් මෙලොව දී විඳීම් ඇති කරවයි ද, මාගේ ඒ කර්මය පරලොවදී විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් පරලොව වින්ද යුතු ද, මාගේ ඒ කර්මය මෙලොව විඳින්නට ලැබේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ?’කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් සැප විඳීම ඇති කරවයි ද, මාගේ ඒ කර්මය සැප විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් දුක් විඳීම ඇති කරවයි ද, මාගේ ඒ කර්මය සැප විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් මේරීමෙන් විඳීම ඇති කරවයි ද, මාගේ ඒ කර්මය නොමේරීමෙන් විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් නොමේරීමෙන් විඳීම ඇති කරවයි ද, මාගේ ඒ කර්මය මේරීමෙන් විඳීම ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් බොහෝ විඳීම් ඇති කරවයි ද, මාගේ ඒ කර්මය අල්ප විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් අල්ප විඳීම් ඇති කරවයි ද, මාගේ ඒ කර්මය බොහෝ විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් විඳීම් ඇති කරවයි ද, මාගේ ඒ කර්මය නොවිඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
‘කිම, ආයුෂ්මත් සාරිපුත්තයෙනි, යම් කර්මයක් නොවිඳීම් ඇති කරවයි ද, මාගේ ඒ කර්මය විඳීම් ඇතිකරවන්නක් වේවා යි යන මෙවැනි අදහසක් ඇතිව ද භාග්‍යවතුන් වහන්සේගේ ශාසනයෙහි බඹසර වසන්නේ? කියා ඇසූ කල්හී ‘ආයුෂ්මත්නි, එය එසේ නොවේ’ යැයි පිළිතුරු දුන්නෙහි ය.
එසේ නම් ආයුෂ්මත, භාග්‍යවතුන් වහන්සේගේ ශාසනයෙහි බඹසර හැසිරෙන්නේ කුමන අදහසක් ඇතිව ද?”
“ආයුෂ්මතුනි, යම් දෙයක් අවබෝධ නොකළේ ද, නුදුටුවේ ද, නොලැබුවේ ද, සාක්ෂාත් නොකළේ ද, නුවණින් නුදුටුවේ ද, ඒ දෙය අවබෝධ කිරීම පිණිස, දැකීම පිණිස, ලැබීම පිණිස, සාක්ෂාත් කිරීම පිණිස, නුවණින් දැකීම පිණිස භාග්‍යවතුන් වහන්සේගේ ශාසනයෙහි බඹසර වසන්නේ ය.”
“ආයුෂ්මතුනි, යම් දෙයක් අවබෝධ කිරීම පිණිස, දැකීම පිණිස, ලැබීම පිණිස, සාක්ෂාත් කිරීම පිණිස, නුවණින් දැකීම පිණිස, භාග්‍යවතුන් වහන්සේගේ ශාසනයෙහි බඹසර වසන්නේ නම්, ඒ අවබෝධ නොකළ, නුදුටු, නොලැබූ, සාක්ෂාත් නොකළ, නුවණින් නුදුටු ඒ දෙය කුමක් ද?”
“ආයුෂ්මත, ‘මෙය දුක ය’ යන මෙය වනාහී අවබෝධ නොකළ, නුදුටු, නොලැබූ, සාක්ෂාත් නොකළ, නුවණින් නුදුටු දෙය යි. ඒ දුක අවබෝධ කිරීම පිණිස ය, දැකීම පිණිස ය, ලැබීම පිණිස ය, සාක්ෂාත් කිරීම පිණිස ය, නුවණින් දැකීම පිණිස ය, භාග්‍යවතුන් වහන්සේගේ ශාසනයෙහි බඹසර වසන්නේ.
ආයුෂ්මත, ‘මෙය දුකෙහි හටගැනීම ය’ යන මෙය වනාහී අවබෝධ නොකළ, නුදුටු, නොලැබූ, සාක්ෂාත් නොකළ, නුවණින් නුදුටු දෙය යි. ඒ දුක අවබෝධ කිරීම පිණිස ය, දැකීම පිණිස ය, ලැබීම පිණිස ය, සාක්ෂාත් කිරීම පිණිස ය, නුවණින් දැකීම පිණිස ය, භාග්‍යවතුන් වහන්සේගේ ශාසනයෙහි බඹසර වසන්නේ.
ආයුෂ්මත, ‘මෙය දුකෙහි නිරුද්ධ වීම ය’ යන මෙය වනාහී අවබෝධ නොකළ, නුදුටු, නොලැබූ, සාක්ෂාත් නොකළ, නුවණින් නුදුටු දෙය යි. ඒ දුක අවබෝධ කිරීම පිණිස ය, දැකීම පිණිස ය, ලැබීම පිණිස ය, සාක්ෂාත් කිරීම පිණිස ය, නුවණින් දැකීම පිණිස ය, භාග්‍යවතුන් වහන්සේගේ ශාසනයෙහි බඹසර වසන්නේ.
ආයුෂ්මත, ‘මෙය දුක් නිරුද්ධ වන්නා වූ මාර්ගය ය’ යන මෙය වනාහී අවබෝධ නොකළ, නුදුටු, නොලැබූ, සාක්ෂාත් නොකළ, නුවණින් නුදුටු දෙය යි. ඒ දුක නිරුද්ධ වන්නා වූ මාර්ගය අවබෝධ කිරීම පිණිස ය, දැකීම පිණිස ය, ලැබීම පිණිස ය, සාක්ෂාත් කිරීම පිණිස ය, නුවණින් දැකීම පිණිස ය, භාග්‍යවතුන් වහන්සේගේ ශාසනයෙහි බඹසර වසන්නේ.
ආයුෂ්මත, මෙය වනාහී අවබෝධ නොකළ, නොදුටු, නොලැබූ, සාක්ෂාත් නොකළ, නුවණින් නුදුටු දෙය යි. එය අවබෝධ කිරීම පිණිස ය, දැකීම පිණිස ය, ලැබීම පිණිස ය, සාක්ෂාත් කිරීම පිණිස ය, නුවණින් දැකීම පිණිස ය, භාග්‍යවතුන් වහන්සේගේ ශාසනයෙහි බඹසර වසන්නේ.”
සාදු! සාදු!! සාදු!!!
මහා කොට්ඨිත සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an5_9-1-2-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M