සැවැත් නුවර දී ය …..
මහණෙනි, මේ අසමර්ථ වූ සය කරුණකි. ඒ කවර සය කරුණක් ද යත්;
සෝවාන් පුද්ගලයා ශාස්තෘන් වහන්සේ කෙරෙහි අගෞරවයෙන්, යටහත් පැවතුම් නැති ව වාසය කරන්නට අසමර්ථ වෙයි. සෝවාන් පුද්ගලයා ධර්මය කෙරෙහි අගෞරවයෙන්, යටහත් පැවතුම් නැති ව වාසය කරන්නට අසමර්ථ වෙයි. සෝවාන් පුද්ගලයා සංඝයා කෙරෙහි අගෞරවයෙන්, යටහත් පැවතුම් නැති ව වාසය කරන්නට අසමර්ථ වෙයි. සෝවාන් පුද්ගලයා ශික්ෂාව කෙරෙහි අගෞරවයෙන්, යටහත් පැවතුම් නැති ව වාසය කරන්නට අසමර්ථ වෙයි. සෝවාන් පුද්ගලයා දුසිල් බවට හෝ දෙසැටක් මිථ්‍යා දෘෂ්ටීන්ට හෝ නැවත හැරී යන්නට අසමර්ථ වෙයි. සෝවාන් පුද්ගලයා අටවෙනි භවයක් උපදවන්නට අසමර්ථ වෙයි.
මහණෙනි, මේ වනාහී අසමර්ථ වූ සය කරුණ යි.
සාදු! සාදු!! සාදු!!!
අභබ්බට්ඨාන සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-4-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M