සැවැත් නුවර දී ය …..
මහණෙනි, සය කරුණක් ප්‍රහාණය නොකොට දෘෂ්ටි සම්පත්තිය හෙවත් සෝවාන් ඵලය සාක්ෂාත් කරන්නට අසමර්ථ වෙයි. ඒ කවර සය කරුණක් ද යත්;
සක්කාය දිට්ඨිය ය. විචිකිච්ඡාව ය. සීලබ්බත පරාමාස ය. අපාය කරා රැගෙන යන රාගය ය. අපාය කරා රැගෙන යන ද්වේෂය ය. අපාය කරා රැගෙන යන මෝහය ය.
මහණෙනි, මේ සය කරුණ ප්‍රහාණය නොකොට දෘෂ්ටි සම්පත්තිය හෙවත් සෝවාන් ඵලය සාක්ෂාත් කරන්නට අසමර්ථ වෙයි.
මහණෙනි, සය කරුණක් ප්‍රහාණය කොට දෘෂ්ටි සම්පත්තිය හෙවත් සෝවාන් ඵලය සාක්ෂාත් කරන්නට සමර්ථ වෙයි. ඒ කවර සය කරුණක් ද යත්;
සක්කාය දිට්ඨිය ය. විචිකිච්ඡාව ය. සීලබ්බත පරාමාස ය. අපාය කරා රැගෙන යන රාගය ය. අපාය කරා රැගෙන යන ද්වේෂය ය. අපාය කරා රැගෙන යන මෝහය ය.
මහණෙනි, මේ සය කරුණ ප්‍රහාණය කොට දෘෂ්ටි සම්පත්තිය හෙවත් සෝවාන් ඵලය සාක්ෂාත් කරන්නට සමර්ථ වෙයි.
සාදු! සාදු!! සාදු!!!
අප්පහාය සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-4-5/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M