සැවැත් නුවර දී ය …..
මහණෙනි, සය කරුණකින් සමන්විත වූ තැනැත්තා ඔසොවාගෙන පැමිණි දෙයක් බිම තබන සෙයින් නිරයෙහි උපදින්නේ ය. ඒ කවර සය කරුණකින් ද යත්;
බොරු කියන්නේ වෙයි. කේලාම් කියන්නේ වෙයි. දරුණු වචන කියන්නේ වෙයි. නිසරු කතා කියන්නේ වෙයි. ලෝභී වෙයි. හිතුවක්කාර වෙයි.
මහණෙනි, මේ සය කරුණෙන් සමන්විත වූ තැනැත්තා ඔසොවාගෙන පැමිණි දෙයක් බිම තබන සෙයින් නිරයෙහි උපදින්නේ ය.
මහණෙනි, සය කරුණකින් සමන්විත වූ තැනැත්තා ඔසොවාගෙන පැමිණි දෙයක් බිම තබන සෙයින් සුගතියෙහි උපදින්නේ ය. ඒ කවර සය කරුණකින් ද යත්;
බොරු කීමෙන් වැළකුණේ වෙයි. කේලාම් කීමෙන් වැළකුණේ වෙයි. දරුණු වචන කීමෙන් වැළකුණේ වෙයි. නිසරු වචන කීමෙන් වැළකුණේ වෙයි. නිර්ලෝභී වෙයි. හිතුවක්කාර නොවෙයි.
මහණෙනි, මේ සය කරුණෙන් සමන්විත වූ තැනැත්තා ඔසොවාගෙන පැමිණි දෙයක් බිම තබන සෙයින් සුගතියෙහි උපදින්නේ ය.
සාදු! සාදු!! සාදු!!!
දුතිය නිරය සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-3-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M