සැවැත් නුවර දී ය …..
මහණෙනි, සය කරුණකින් සමන්විත වූ භික්ෂුව මෙලොවදී ම සැප සොම්නස් බහුල ව වාසය කරයි. ඔහු විසින් ආශ්‍රවයන් ක්ෂය වීම පිණිස පටන් ගත් වීරිය ද අරඹන ලද්දේ වෙයි. ඒ කවර සය කරුණකින් ද යත්;
මහණෙනි, මෙහිලා භික්ෂුව ධර්මයෙහි ඇලුණේ වෙයි. භාවනාවෙහි ඇලුණේ වෙයි. කෙලෙස් ප්‍රහාණය කිරීමෙහි ඇලුණේ වෙයි. හුදෙකලා විවේකයෙහි ඇලුණේ වෙයි. අව්‍යාපාදයෙහි ඇලුණේ වෙයි. ප්‍රපංච රහිත නිවනෙහි ඇලුණේ වෙයි.
මහණෙනි, මේ සය කරුණෙන් සමන්විත වූ භික්ෂුව මෙලොවදී ම සැප සොම්නස් බහුල ව වාසය කරයි. ඔහු විසින් ආශ්‍රවයන් ක්ෂය වීම පිණිස පටන් ගත් වීරිය ද අරඹන ලද්දේ වෙයි.
සාදු! සාදු!! සාදු!!!
සුඛ සෝමනස්ස සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-3-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M