සැවැත් නුවර දී ය …..
මහණෙනි, සය කරුණක් ප්‍රහාණය නොකොට මනුෂ්‍ය ධර්මයන්ට වඩා උතුම් වූ ආර්ය ඥාන දර්ශන විශේෂයක් සාක්ෂාත් කරන්නට හැකියාව නැත්තේ ය. ඒ කවර සය කරුණක් ද යත්;
මුළා සිහි ඇති බව, විදසුන් නුවණ නැති බව, ඉන්ද්‍රියයන්හි නොවැසූ දොරටු ඇති බව, භෝජනයෙහි අරුත් නොදන්නා බව, කුහකකම, ලාභය පිණිස වංචනික කතා කීම ය.
මහණෙනි, මේ සය කරුණ ප්‍රහාණය නොකොට මනුෂ්‍ය ධර්මයන්ට වඩා උතුම් වූ ආර්ය ඥාන දර්ශන විශේෂයක් සාක්ෂාත් කරන්නට හැකියාව නැත්තේ ය.
මහණෙනි, සය කරුණක් ප්‍රහාණය කොට මනුෂ්‍ය ධර්මයන්ට වඩා උතුම් වූ ආර්ය ඥාන දර්ශන විශේෂයක් සාක්ෂාත් කරන්නට හැකියාව ඇත්තේ ය. ඒ කවර සය කරුණක් ද යත්;
මුළා සිහි ඇති බව, විදසුන් නුවණ නැති බව, ඉන්ද්‍රියයන්හි නොවැසූ දොරටු ඇති බව, භෝජනයෙහි අරුත් නොදන්නා බව, කුහකකම, ලාභය පිණිස වංචනික කතා කීම ය.
මහණෙනි, මේ සය කරුණ ප්‍රහාණය කොට මනුෂ්‍ය ධර්මයන්ට වඩා උතුම් වූ ආර්ය ඥාන දර්ශන විශේෂයක් සාක්ෂාත් කරන්නට හැකියාව ඇත්තේ ය.
සාදු! සාදු!! සාදු!!!
උත්තරිමනුස්සධම්ම සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-3-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M