සැවැත් නුවර දී ය …..
මහණෙනි, ඒකාන්තයෙන් ඒ භික්ෂුව පවිටු මිතුරන් ඇත්තේ, පවිටු යහළුවන් ඇත්තේ, පවිටු මිතුරන් වෙත නැඹුරු වූයේ, පවිටු මිතුරන් ඇසුර කරන්නේ, නිතර ඇසුරු කරන්නේ, ඔවුන්ගේ අදහස්වලට අනුව පවතින්නේ ආභිසමාචාරික ධර්මය පිරිපුන් කරන්නේ ය යන කරුණ දකින්නට නොහැකි දෙයකි. ආභිසමාචාරික ධර්මයන් නොපුරා සේඛ ධර්මය පුරන්නේ ය යන කරුණ දකින්නට නොහැකි දෙයකි. සේඛ ධර්මය නොපුරා සිල් පුරන්නේ ය යන කරුණ දකින්නට නොහැකි දෙයකි. සිල් නොපුරා කාමරාගය වේවා, රූප රාගය වේවා, අරූප රාගය වේවා දුරු කරන්නේ ය යන කරුණ දකින්නට නොහැකි දෙයකි.
මහණෙනි, ඒකාන්තයෙන් ඒ භික්ෂුව කලණ මිතුරන් ඇත්තේ, කලණ යහළුවන් ඇත්තේ, කලණ මිතුරන්ට නැඹුරු වූයේ, කලණ මිතුරන් ඇසුර කරන්නේ, නිතර ඇසුරු කරන්නේ, ඔවුන්ගේ අදහස්වලට අනුව පවතින්නේ ආභිසමාචාරික ධර්මය පිරිපුන් කරන්නේ ය යන කරුණ දකින්නට හැකි දෙයකි. ආභිසමාචාරික ධර්මයන් පුරා සේඛ ධර්මය පුරන්නේ ය යන කරුණ දකින්නට හැකි දෙයකි. සේඛ ධර්මය පුරා සිල් පුරන්නේ ය යන කරුණ දකින්නට හැකි දෙයකි. සිල් පුරා කාමරාගය වේවා, රූප රාගය වේවා, අරූප රාගය වේවා දුරු කරන්නේ ය යන කරුණ දකින්නට හැකි දෙයකි.
සාදු! සාදු!! සාදු!!!
මිත්ත සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-2-3/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M