සැවැත් නුවර දී ය …..
මහණෙනි, ඒකාන්තයෙන් ඒ භික්ෂුව පිරිස සමඟ ඇළුණේ, පිරිස හා එක් ව සිටීමට ආශා ඇත්තේ, පිරිස හා නැවත නැවත එක් ව වසන්නේ, පිරිසෙහි ඇළුණේ, පිරිසට ආශා ඇත්තේ, පිරිස හා නැවත නැවත එක්වන්නේ, තනි ව හුදෙකලා විවේකයෙහි සිත් අලවා වසන්නේ ය යන කරුණ විය හැකි දෙයක් නම් නොවේ. තනි ව හුදෙකලාවේ සිත් අලවා නොවසන්නේ සමථ විදර්ශනා නිමිත්ත ගන්නේය යන කරුණ විය හැකි දෙයක් නම් නොවේ. සමථ විදර්ශනා නිමිත්ත නොගන්නේ සම්මා දිට්ඨිය පුරන්නේ ය යන කරුණ විය හැකි දෙයක් නම් නොවේ. සම්මා දිට්ඨිය නොපුරා සම්මා සමාධිය පුරන්නේ ය යන කරුණ විය හැකි දෙයක් නම් නොවේ. සම්මා සමාධිය නොපුරා සංයෝජනයන් දුරු කරන්නේ ය යන කරුණ විය හැකි දෙයක් නම් නොවේ. සංයෝජනයන් ප්‍රහාණය නොකොට නිර්වාණය සාක්ෂාත් කරන්නේ ය යන කරුණ විය හැකි දෙයක් නම් නොවේ.
මහණෙනි, ඒකාන්තයෙන් ඒ භික්ෂුව පිරිස සමඟ නොඇළුණේ, පිරිස හා එක් ව සිටීමට ආශා නැත්තේ, පිරිස හා නැවත නැවත එක් ව නොවසන්නේ, පිරිසෙහි නොඇළුණේ, පිරිසට ආශා නැත්තේ, පිරිස හා නැවත නැවත එක් නොවන්නේ, තනි ව හුදෙකලා විවේකයෙහි සිත් අලවා වසන්නේ ය යන කරුණ විය හැකි දෙයකි. තනි ව හුදෙකලාවේ සිත් අලවා වසන්නේ සමථ විදර්ශනා නිමිත්ත ගන්නේය යන කරුණ විය හැකි දෙයකි. සමථ විදර්ශනා නිමිත්ත ගන්නේ සම්මා දිට්ඨිය පුරන්නේ ය යන කරුණ විය හැකි දෙයකි. සම්මා දිට්ඨිය පුරා සම්මා සමාධිය පුරන්නේ ය යන කරුණ විය හැකි දෙයකි. සම්මා සමාධිය පුරා සංයෝජනයන් දුරු කරන්නේ ය යන කරුණ විය හැකි දෙයකි. සංයෝජනයන් ප්‍රහාණය කොට නිර්වාණය සාක්ෂාත් කරන්නේ ය යන කරුණ විය හැකි දෙයකි.
සාදු! සාදු!! සාදු!!!
සංගණිකාරාම සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-2-4/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M