සැවැත් නුවර දී ය …..
“මහණෙනි, මේ ගැන කුමක් සිතව් ද? ‘මේ පුරුෂයා සතුන් මැරීම අත්හැර සතුන් මැරීමෙන් වැළකී සිටියි’ කියා රජවරු ඔහු රැගෙන ගොස් සතුන් මැරීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය නොවේ ම ය.”
“මැනැවි මහණෙනි. මහණෙනි, ‘මේ පුරුෂයා සතුන් මැරීම අත්හැර සතුන් මැරීමෙන් වැළකී සිටියි’ කියා රජවරු ඔහු රැගෙන ගොස් සතුන් මැරීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ මා විසිනුත් නොදකින ලද්දේ වෙයි. නොඅසන ලද්දේ වෙයි.
වැලිදු ඔහු විසින් කරන ලද පාපී ක්‍රියාව ඒ අයුරින් ම ‘මේ පුරුෂයා ස්ත්‍රියක හෝ පුරුෂයෙකු හෝ ජීවිතයෙන් තොර කළේ ය’ කියා දැනුම් දෙයි. රජවරු ඔහු රැගෙන ගොස් සතුන් මැරීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද? අසන්නට ලැබෙන්නේ හෝ වෙයි ද?” “ස්වාමීනී, එය අප විසින් දකින ලද්දේ ත් වෙයි. අසන ලද්දේ ත් වෙයි. අසන්නට ලැබෙන්නේ ත් වෙයි.”
“මහණෙනි, මේ ගැන කුමක් සිතව් ද? ‘මේ පුරුෂයා සොරකම අත්හැර සොරකමෙන් වැළකී සිටියි’ කියා රජවරු ඔහු රැගෙන ගොස් සොරකමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය නොවේ ම ය.”
“මැනැවි මහණෙනි, මහණෙනි, ‘මේ පුරුෂයා සොරකම් කිරීම අත්හැර සොරකමෙන් වැළකී සිටියි’ කියා රජවරු ඔහු රැගෙන ගොස් සොරකමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ මා විසිනුත් නොදකින ලද්දේ වෙයි. නොඅසන ලද්දේ වෙයි.
වැලිදු ඔහු විසින් කරන ලද පාපී ක්‍රියාව ඒ අයුරින් ම ‘මේ පුරුෂයා ගමෙහි වේවා වනයෙහි වේවා නුදුන් දෙය සොර සිතින් පැහැර ගත්තේ ය’ කියා දැනුම් දෙයි. රජවරු ඔහු රැගෙන ගොස් සොරකම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය අප විසින් දකින ලද්දේ ත් වෙයි. අසන ලද්දේ ත් වෙයි. අසන්නට ලැබෙන්නේ ත් වෙයි.”
“මහණෙනි, මේ ගැන කුමක් සිතව් ද? ‘මේ පුරුෂයා කාමයේ වරදවා හැසිරීම අත්හැර කාමයෙහි වරදවා හැසිරීමෙන් වැළකී සිටියි’ කියා රජවරු ඔහු රැගෙන ගොස් කාමයෙහි වරදවා හැසිරීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය නොවේ ම ය.”
“මැනැවි මහණෙනි. මහණෙනි, ‘මේ පුරුෂයා කාමයෙහි වරදවා හැසිරීම අත්හැර කාමයෙහි වරදවා හැසිරීමෙන් වැළකී සිටියි’ කියා රජවරු ඔහු රැගෙන ගොස් කාමයෙහි වරදවා හැසිරීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ මා විසිනුත් නොදකින ලද්දේ වෙයි. නොඅසන ලද්දේ වෙයි.
වැලිදු ඔහු විසින් කරන ලද පාපී ක්‍රියාව ඒ අයුරින් ම ‘මේ පුරුෂයා අන්‍ය ස්ත්‍රීන් ද, අන්‍ය මෙනෙවියන් ද දූෂණය කළේ ය’ කියා දැනුම් දෙයි. රජවරු ඔහු රැගෙන ගොස් කාමයෙහි වරදවා හැසිරීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය අප විසින් දකින ලද්දේ ත් වෙයි. අසන ලද්දේ ත් වෙයි. අසන්නට ලැබෙන්නේ ත් වෙයි.”
“මහණෙනි, මේ ගැන කුමක් සිතව් ද? ‘මේ පුරුෂයා බොරු කීම අත්හැර බොරු කීමෙන් වැළකී සිටියි’ කියා රජවරු ඔහු රැගෙන ගොස් බොරු කීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය නොවේ ම ය.”
“මැනැවි මහණෙනි. මහණෙනි, ‘මේ පුරුෂයා බොරු කීම අත්හැර බොරු කීමෙන් වැළකී සිටියි’ කියා රජවරු ඔහු රැගෙන ගොස් බොරු කීමෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ මා විසිනුත් නොදකින ලද්දේ වෙයි. නොඅසන ලද්දේ වෙයි.
වැලිදු ඔහු විසින් කරන ලද පාපී ක්‍රියාව ඒ අයුරින් ම ‘මේ පුරුෂයා ගෘහපතියෙකුගේ වේවා ගෘහපති පුත්‍රයෙකුගේ වේවා යහපත බොරු කීමෙන් නසන ලද්දේ ය’ කියා දැනුම් දෙයි. රජවරු ඔහු රැගෙන ගොස් බොරු කීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය අප විසින් දකින ලද්දේ ත් වෙයි. අසන ලද්දේ ත් වෙයි. අසන්නට ලැබෙන්නේත් වෙයි.”
“මහණෙනි, මේ ගැන කුමක් සිතව් ද? ‘මේ පුරුෂයා මත්පැන් මත්ද්‍රව්‍ය භාවිතය අත්හැර මත්පැන් මත්ද්‍රව්‍ය භාවිතයෙන් වැළකී සිටියි’ කියා රජවරු ඔහු රැගෙන ගොස් මත්පැන් මත්ද්‍රව්‍ය භාවිතයෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය නොවේ ම ය.”
“මැනැවි මහණෙනි. මහණෙනි, ‘මේ පුරුෂයා මත්පැන් මත්ද්‍රව්‍ය භාවිතය අත්හැර මත්පැන් මත්ද්‍රව්‍ය භාවිතයෙන් වැළකී සිටියි’ කියා රජවරු ඔහු රැගෙන ගොස් මත්පැන් මත්ද්‍රව්‍ය භාවිතයෙන් වැළකීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ මා විසිනුත් නොදකින ලද්දේ වෙයි. නොඅසන ලද්දේ වෙයි.
වැලිදු ඔහු විසින් කරන ලද පාපී ක්‍රියාව ඒ අයුරින් ම ‘මේ පුරුෂයා මත්වීමට ත් ප්‍රමාදයට ත් හේතුවන මත්පැන් මත්ද්‍රව්‍ය භාවිත කොට ස්ත්‍රියක හෝ පුරුෂයෙකු හෝ ජීවිතයෙන් තොර කළේ ය, මේ පුරුෂයා මත්වීමට ත් ප්‍රමාදයට ත් හේතුවන මත්පැන් මත්ද්‍රව්‍ය භාවිත කොට ගමෙහි වේවා, වනයෙහි වේවා නුදුන් දේ සොර සිතින් පැහැර ගත්තේ ය, මේ පුරුෂයා මත්වීමට ත් ප්‍රමාදයට ත් හේතුවන මත්පැන් මත්ද්‍රව්‍ය භාවිත කොට අන්‍ය ස්ත්‍රීන් අන්‍ය මෙනෙවියන් දූෂණය කළේ ය, මේ පුරුෂයා මත්වීමට ත් ප්‍රමාදයට ත් හේතුවන මත්පැන් මත්ද්‍රව්‍ය භාවිත කොට ගෘහපතියෙකුගේ හෝ ගෘහපති පුත්‍රයෙකුගේ හෝ යහපත බොරු කීමෙන් වැනසුවේ ය’ කියා දැනුම් දෙයි. රජවරු ඔහු රැගෙන ගොස් මත්වීමට ත් ප්‍රමාදයට ත් හේතුවන මත්පැන් මත්ද්‍රව්‍ය භාවිතා කිරීම හේතුවෙන් නසත් ය කියා හෝ සිර කරත් ය කියා හෝ රටින් නෙරපත් ය කියා හෝ යම් කැමැති වූ දෙයක් කරත් ය කියා හෝ ඔබ විසින් දකින ලද්දේ හෝ වෙයි ද? අසන ලද්දේ හෝ වෙයි ද?” “ස්වාමීනී, එය අප විසින් දකින ලද්දේ ත් වෙයි. අසන ලද්දේ ත් වෙයි. අසන්නට ලැබෙන්නේ ත් වෙයි.”
සාදු! සාදු!! සාදු!!!
රාජ සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an3_5-4-3-8/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M