පින්වත් මහණෙනි, මේ කරුණු තුන වැසී තිබෙන විට තමයි පවතින්නේ, විවෘත වූ විට නොවෙයි. ඒ කවර කරුණු තුනක්ද?
පින්වත් මහණෙනි, කාන්තාව වැසුණු විටයි පවතින්නේ, විවෘත වූ විට නොවෙයි. පින්වත් මහණෙනි, බමුණන්ගේ මන්තර වැසුණු විටයි පවතින්නේ, විවෘත වූ විට නොවෙයි. පින්වත් මහණෙනි, මිත්‍යා දෘෂ්ටිය වැසුණු විටයි පවතින්නේ, විවෘත වූ විට නොවෙයි.
පින්වත් මහණෙනි, මේ කරුණු තුන වැසී තිබෙන විට තමයි පවතින්නේ, විවෘත වූ විට නොවෙයි.
පින්වත් මහණෙනි, මේ කරුණු තුන විවෘත වූ විට තමයි බබලන්නේ, වැසුණු විට නොවෙයි. ඒ කවර කරුණු තුනක්ද?
පින්වත් මහණෙනි, සඳ මඬල විවෘත වූ විට තමයි බබලන්නේ, වැසුණු විට නොවෙයි. පින්වත් මහණෙනි, හිරු මඬල විවෘත වූ විට තමයි බබලන්නේ, වැසුණු විට නොවෙයි. පින්වත් මහණෙනි, තථාගතයන් වහන්සේ විසින් වදාරණ ලද ධර්ම විනය විවෘත වූ විට තමයි බබලන්නේ, වැසුණු විට නොවෙයි.
පින්වත් මහණෙනි, මේ කරුණු තුන විවෘත වූ විට තමයි බබලන්නේ, වැසුණු විට නොවෙයි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an1_3-3-3-9/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M