149. සැවැත් නුවර දී ……………….
පින්වත් මහණෙනි, ශ්‍රද්ධාවෙන් පැවිදි වුණ කුලපුත්‍රයෙකුට මෙන්න මේ විදිහට හිතන එකයි ගැලපෙන්නේ. ‘රූපය පිළිබඳ වූ අනාත්මය නුවණින් දකිමින් වාසය කරන්නට ඇත්නම්’ කියලා. විඳීම …. (පෙ) …. සඤ්ඤාව …. (පෙ) …. සංස්කාර …. (පෙ) …. ‘විඤ්ඤාණය පිළිබඳ වූ අනාත්මය නුවණින් දකිමින් වාසය කරන්නට ඇත්නම්’ කියලා.
එතකොට ඒ භික්ෂුව රූපය පිළිබඳ වූ අනාත්මය නුවණින් දකිමින් වාසය කරද්දී, විඳීම පිළිබඳ වූ …. (පෙ) …. සඤ්ඤාව පිළිබඳ වූ …. (පෙ) …. සංස්කාර පිළිබඳ වූ …. (පෙ) …. විඤ්ඤාණය පිළිබඳ වූ අනාත්මය නුවණින් දකිමින් වාසය කරද්දී, රූපයත් පිරිසිඳ දකිනවා. විඳීමත් පිරිසිඳ දකිනවා. සඤ්ඤාවත් පිරිසිඳ දකිනවා. සංස්කාරත් පිරිසිඳ දකිනවා. විඤ්ඤාණයත් පිරිසිඳ දකිනවා.
එතකොට ඒ භික්ෂුව රූපය පිරිසිඳ දැකලා, විඳීම පිරිසිඳ දැකලා, සඤ්ඤාව පිරිසිඳ දැකලා, සංස්කාර පිරිසිඳ දැකලා, විඤ්ඤාණය පිරිසිඳ දැකලා, රූපයෙන් නිදහස් වෙනවා. විඳීමෙන් නිදහස් වෙනවා. සඤ්ඤාවෙන් නිදහස් වෙනවා. සංස්කාරවලින් නිදහස් වෙනවා. විඤ්ඤාණයෙන් නිදහස් වෙනවා. ජාති, ජරා, මරණ සෝක, වැළපීම්, දුක් දොම්නස්, සුසුම් හෙළීම් වලින් නිදහස් වෙනවා. දුකෙන් නිදහස් වෙනවා කියලයි මා කියන්නේ.
සාදු! සාදු!! සාදු!!!
අනත්තානුපස්සනා සූත්‍රය නිමා විය.
හතරවෙනි කුක්කුළ වර්ගය අවසන් විය.
එහි පිළිවෙල උද්දානයයි :
කුක්කුල සූත්‍රය, අනිච්ච සූත්‍ර තුන, අනික් දුක්ඛ සූත්‍ර තුන, අනත්ත සූත්‍ර තුන, කුලපුත්ත සූත්‍ර සතර යන සූත්‍ර දාහතරෙන් මේ වර්ගය සමන්විත වේ.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn3_1-3-4-14/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M