394. සැවැත් නුවරදී ……………
පින්වත් මහණෙනි, රෑ පාන්දර ජාමයේ හිවලෙක් කෑගහන හඬ ඇහුණා නේද? “එසේ ය ස්වාමීනි” පින්වත් මහණෙනි, ඔය නාකි හිවලා තුළත් යම් කිසි කෙළෙහි ගුණ දන්නා බවක් කෙළෙහි ගුණ ප්‍රකට කරන බවක් තියෙනවා. නමුත් මෙහි ඇතැම් කෙනෙක් තමනුත් ශ්‍රමණ ශාක්‍ය පුත්‍රයෙක් ය කියල ප්‍රතිඥා දෙමින් හිටියත් ඔහු තුළ නම් කෙළෙහි ගුණ දන්නා බවක්වත් කෙළෙහි ගුණ ප්‍රකට කරන බවක්වත් නෑ. (මෙය වදාළේ දේවදත්ත අරභයා ය.)
එම නිසා පින්වත් මහණෙනි, මෙන්න මේ විදිහට ය හික්මෙන්නට ඕන. අපි නම් කෙළෙහි ගුණ දන්න අය වෙනවා. කෙළෙහි ගුණ ප්‍රකට කරන අය වෙනවා. අපට කරපු පුංචි උදව්වක්වත් අපට අමතක නොවේවා කියල. පින්වත් මහණෙනි, ඔන්න ඔය විදිහට යි ඔබ හික්මෙන්නට ඕන.
සාදු! සාදු!! සාදු!!!
දුතිය සිඟාල සූත්‍රය නිමා විය.
පළමු වර්ගය අවසන් විය.
ඕපම්ම සංයුත්තය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_8-1-12/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M