340. මා හට අසන්නට ලැබුණේ මේ විදිහටයි. ඒ දිනවල භාග්‍යවතුන් වහන්සේ වැඩසිටියේ සැවැත් නුවර ජේතවනාරාමයේ. එදා ආයුෂ්මත් රාහුලයන් භාග්‍යවතුන් වහන්සේ වෙත පැමිණුනා. පැමිණිලා භාග්‍යවතුන් වහන්සේට වන්දනා කරල එකත්පස්ව වාඩි වුණා. එකත්පස්ව වාඩි වුණ ආයුෂ්මත් රාහුලයන් භාග්‍යවතුන් වහන්සේට මෙහෙම කිව්වා. “ස්වාමීනි, භාග්‍යවතුන් වහන්සේගේ යම් ධර්මයක් අසා දැනගෙන මමත් හුදෙකලා වෙලා, තනි වෙලා, අප්‍රමාදීව, කෙලෙස් තවන වීරිය ඇතිව දහමට දිවි පුදා වාසය කරනවා නම් භාග්‍යවතුන් වහන්ස, එබඳු ධර්මයක් සංක්ෂේප වශයෙන් මා හට දේශනා කරන සේක්වා!”
පින්වත් රාහුල, ඔබ කුමක්ද මේ ගැන සිතන්නේ? ඇස නිත්‍යයිද? අනිත්‍ය යිද? ස්වාමීනි, අනිත්‍ය යි. යමක් අනිත්‍ය නම් එය දුකක්ද සැපක්ද? ස්වාමීනි, දුකයි. යමක් අනිත්‍ය නම් දුක නම් වෙනස් වෙන ස්වභාවයට අයිති නම්, ඒ දෙය මේක මමයි, මේක මගෙයි, මේක තමයි මගේ ආත්මය (කැමැත්ත පරිදි පැවැත්විය හැකි දේ) කියල මුළාවේ දකින එක හරිද? ස්වාමීනි, ඒක හරි දෙයක් නොවෙයි.
කණ නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) …. නාසය නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) …. දිව නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) …. කය නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. මනස නිත්‍යයිද? අනිත්‍යයිද? ස්වාමීනි, අනිත්‍යයි. යමක් අනිත්‍ය නම් එය දුකක්ද සැපක්ද? ස්වාමීනි, දුකයි. යමක් අනිත්‍ය නම් දුක් නම් වෙනස් වෙන ස්වභාවයට අයිති නම්, ඒ දෙය මේක මමයි, මේක මගෙයි, මේක තමයි මගේ ආත්මය (කැමැත්ත පරිදි පැවැත්විය හැකි දේ), කියල මුළාවෙන් දකින එක හරිද? ස්වාමීනි, ඒක හරි දෙයක් නොවෙයි.
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා ඇස ගැනත් කලකිරෙනවා. කණ ගැනත් කලකිරෙනවා. නාසය ගැනත් කලකිරෙනවා. දිව ගැනත් කලකිරෙනවා. කය ගැනත් කලකිරෙනවා. මනස ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. නොඇලෙන කොට එයින් නිදහස් වෙනවා. නිදහස් වුණාම තමන් දැන් නිදහස් කියල අවබෝධ වෙනවා. ඉපදීම ක්ෂය වුණා. නිවන් මඟ සම්පූර්ණ කළා. කළ යුතු දේ කළා. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
චක්ඛු ආදී සූත්‍රය නිමා විය.
341. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? රූප නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) …. ශබ්ද …. (පෙ) …. ගඳ සුවඳ …. (පෙ) …. රස …. (පෙ) …. පහස …. (පෙ) …. මනසට සිතෙන අරමුණු නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා රූප ගැනත් කලකිරෙනවා. ශබ්ද ගැනත් කලකිරෙනවා. ගඳ සුවඳ ගැනත් කලකිරෙනවා. රස ගැනත් කලකිරෙනවා. පහස ගැනත් කලකිරෙනවා. මනසට සිතෙන අරමුණු ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
රූපාදී ආරම්මණ සූත්‍රය නිමා විය.
342. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? ඇසේ විඤ්ඤාණය නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. කණේ විඤ්ඤාණය …. (පෙ) …. නාසයේ විඤ්ඤාණය …. (පෙ) …. දිවේ විඤ්ඤාණය …. (පෙ) …. කයේ විඤ්ඤාණය …. (පෙ) …. මනසේ විඤ්ඤාණය නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා ඇසේ විඤ්ඤාණය ගැනත් කලකිරෙනවා. කණේ විඤ්ඤාණය ගැනත් කලකිරෙනවා. නාසයේ විඤ්ඤාණය ගැනත් කලකිරෙනවා. දිවේ විඤ්ඤාණය ගැනත් කලකිරෙනවා. කයේ විඤ්ඤාණය ගැනත් කලකිරෙනවා. මනසේ විඤ්ඤාණය ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
විඤ්ඤාණ සූත්‍රය නිමා විය.
343. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? ඇසේ ස්පර්ශය නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. කණේ ස්පර්ශය …. (පෙ) …. නාසයේ ස්පර්ශය …. (පෙ) …. දිවේ ස්පර්ශය …. (පෙ) …. කයේ ස්පර්ශය …. (පෙ) …. මනසේ ස්පර්ශය නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා ඇසේ ස්පර්ශය ගැනත් කලකිරෙනවා. කණේ ස්පර්ශය ගැනත් කලකිරෙනවා. නාසයේ ස්පර්ශය ගැනත් කලකිරෙනවා. දිවේ ස්පර්ශය ගැනත් කලකිරෙනවා. කයේ ස්පර්ශය ගැනත් කලකිරෙනවා. මනසේ ස්පර්ශය ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
සම්ඵස්ස සූත්‍රය නිමා විය.
344. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? ඇසේ ස්පර්ශයෙන් හටගත් විඳීම නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. කණේ ස්පර්ශයෙන් හටගත් විඳීම …. (පෙ) …. නාසයේ ස්පර්ශයෙන් හටගත් විඳීම …. (පෙ) …. දිවේ ස්පර්ශයෙන් හටගත් විඳීම…. (පෙ) …. කයේ ස්පර්ශයෙන් හටගත් විඳීම…. (පෙ) …. මනසේ ස්පර්ශයෙන් හටගත් විඳීම ….. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා ඇසේ ස්පර්ශයෙන් හටගත් විඳීම ගැනත් කලකිරෙනවා. කණේ ස්පර්ශයෙන් හටගත් විඳීම ගැනත් කලකිරෙනවා. නාසයේ ස්පර්ශයෙන් හටගත් විඳීම ගැනත් කලකිරෙනවා. දිවේ ස්පර්ශයෙන් හටගත් විඳීම ගැනත් කලකිරෙනවා. කයේ ස්පර්ශයෙන් හටගත් විඳීම ගැනත් කලකිරෙනවා. මනසේ ස්පර්ශයෙන් හටගත් විඳීම ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
වේදනා සූත්‍රය නිමා විය.
345. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? රූප හඳුනා ගැනීම නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. ශබ්දහඳුනා ගැනීම …. (පෙ) …. ගඳ සුවඳ හඳුනා ගැනීම …. (පෙ) …. රස හඳුනා ගැනීම …. (පෙ) …. පහස හඳුනා ගැනීම …. (පෙ) …. මනසට සිතෙන අරමුණු හඳුනා ගැනීම …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා රූප හඳුනාගැනීම ගැනත් කලකිරෙනවා. ශබ්ද හඳුනාගැනීම ගැනත් කලකිරෙනවා. ගඳ සුවඳ හඳුනාගැනීම ගැනත් කලකිරෙනවා. රස හඳුනාගැනීම ගැනත් කලකිරෙනවා. පහස හඳුනාගැනීම ගැනත් කලකිරෙනවා. මනසට සිතෙන අරමුණු හඳුනාගැනීම ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
සඤ්ඤා සූත්‍රය නිමා විය.
346. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? රූප ගැන චේතනා ඇතිවීම නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. ශබ්ද ගැන චේතනා ඇතිවීම …. (පෙ) …. ගඳ සුවඳ ගැන චේතනා ඇතිවීම …. (පෙ) …. රස ගැන චේතනා ඇතිවීම …. (පෙ) …. පහස ගැන චේතනා ඇතිවීම …. (පෙ) …. මනසට සිතෙන අරමුණු ගැන චේතනා ඇතිවීම නිත්‍යයිද? අනිත්‍යයිද? ස්වාමීනි, අනිත්‍යයි….. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා රූප ගැන චේතනා ඇතිවීම ගැනත් කලකිරෙනවා. ශබ්ද ගැන චේතනා ඇතිවීම ගැනත් කලකිරෙනවා. ගඳ සුවඳ ගැන චේතනා ඇතිවීම ගැනත් කලකිරෙනවා. රස ගැන චේතනා ඇතිවීම ගැනත් කලකිරෙනවා. පහස ගැන චේතනා ඇතිවීම ගැනත් කලකිරෙනවා. මනසට සිතෙන අරමුණු ගැන චේතනා ඇතිවීම ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
සඤ්චේතනා සූත්‍රය නිමා විය.
347. සැවැත් නුවරදී ……………
පින්වත් රාහුල, ඔබ කුමක්ද මේ ගැන සිතන්නේ? රූප ගැන ආශා ඇතිවීම නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. ශබ්ද ගැන ආශා ඇතිවීම …. (පෙ) …. ගඳ සුවඳ ගැන ආශා ඇතිවීම …. (පෙ) …. රස ගැන ආශා ඇතිවීම …. (පෙ) …. පහස ගැන ආශා ඇතිවීම …. (පෙ) …. මනසට සිතෙන අරමුණු ගැන ආශා ඇතිවීම නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා රූප ගැන ආශා ඇතිවීම ගැනත් කලකිරෙනවා. ශබ්ද ගැන ආශා ඇතිවීම ගැනත් කලකිරෙනවා. ගඳ සුවඳ ගැන ආශා ඇතිවීම ගැනත් කලකිරෙනවා. රස ගැන ආශා ඇතිවීම ගැනත් කලකිරෙනවා. පහස ගැන ආශා ඇතිවීම ගැනත් කලකිරෙනවා. මනසට සිතෙන අරමුණු ගැන ආශා ඇතිවීම ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
තණ්හා සූත්‍රය නිමා විය.
348. සැවැත් නුවරදී ……………
පින්වත් රාහුල, මේ ගැන ඔබ කුමක්ද හිතන්නේ? පඨවි ධාතුව නිත්‍යයිද? අනිත්‍යයිද? ස්වාමීනි, අනිත්‍යයි. …. (පෙ) …. ආපෝ ධාතුව ……………… තේජෝ ධාතුව …. (පෙ) …. වායෝ ධාතුව …. (පෙ) …. ආකාස ධාතුව…. (පෙ) …. විඤ්ඤාණ ධාතුව නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා පඨවි ධාතුව ගැනත් කලකිරෙනවා. ආපෝ ධාතුව ගැනත් කලකිරෙනවා. තේජෝ ධාතුව ගැනත් කලකිරෙනවා. වායෝ ධාතුව ගැනත් කලකිරෙනවා. ආකාස ධාතුව ගැනත් කලකිරෙනවා. විඤ්ඤාණ ධාතුව ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ …. (පෙ) …. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
ධාතු සූත්‍රය නිමා විය.
349. සැවැත් නුවරදී ……………
පින්වත් රාහුල, මේ ගැන ඔබ කුමක්ද හිතන්නේ? රූපය නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) …. වේදනාව …. (පෙ) …. සඤ්ඤාව …. (පෙ) …. සංස්කාර …. (පෙ) …. විඤ්ඤාණය නිත්‍යයිද? අනිත්‍යයිද? ස්වාමීනි, අනිත්‍යයි …. (පෙ) ….
පින්වත් රාහුල, ඔය ආකාරයෙන් යථාර්ථය දකින ශ්‍රැතවත් ආර්ය ශ්‍රාවකයා රූපය ගැනත් කලකිරෙනවා. වේදනාව ගැනත් කලකිරෙනවා. සඤ්ඤාව ගැනත් කලකිරෙනවා. සංස්කාර ගැනත් කලකිරෙනවා. විඤ්ඤාණය ගැනත් කලකිරෙනවා. කලකිරෙන කොට ඒ කෙරෙහි ඇලෙන්නේ නෑ. නොඇලෙන කොට එයින් නිදහස් වෙනවා. නිදහස් වුණා ම තමන් දැන් නිදහස් කියල අවබෝධ වෙනවා. ඉපදීම ක්ෂය වුණා. නිවන් මඟ සම්පූර්ණ කළා. කළ යුතු දේ කළා. ආයෙත් නම් වෙන උපතක් නැතැයි දැන ගන්නවා.
සාදු! සාදු!! සාදු!!!
ඛන්ධ සූත්‍රය නිමා විය.
පළමු වෙනි වර්ගය අවසන් විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_6-1-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M