සැවැත් නුවරදී ……………….
පින්වත් මහණෙනි, මේ කාශ්‍යප ලැබිච්ච සිවුරකින් සතුටු වෙනවා. ලැබිච්ච සිවුරකින් සතුටුවෙන්න පුළුවන්කම ගැන වර්ණනා කරනවා. සිවුරක් නිසා නොගැලපෙන දේවල් කරන්න යන්නේ නෑ. සිවුරක් නොලැබුණා කියල තැවි තැවී ඉන්නේ නෑ. සිවුරක් ලැබුණොත් ඒකට ගිජු වෙන්නෙත් නෑ. එයින් මුසපත් වෙන්නෙත් නෑ. ඒ කෙරෙහි ආශාවෙන් බැසගන්නෙත් නෑ. ඒ සිවුරේ ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව මයි පරිහරණය කරන්නේ.
පින්වත් මහණෙනි, මේ කාශ්‍යප ලැබිච්ච පිණ්ඩපාතයකින් සතුටු වෙනවා. ලැබිච්ච පිණ්ඩපාතයකින් සතුටු වෙන්න පුළුවන්කම ගැන වර්ණනා කරනවා. පිණ්ඩපාතයක් නිසා නොගැලපෙන දේවල් කරන්න යන්නේ නෑ. පිණ්ඩපාතයක් නොලැබුණා කියල තැවි තැවී ඉන්නේ නෑ. පිණ්ඩපාතයක් ලැබුණොත් ඒකට ගිජු වෙන්නෙත් නෑ. එයින් මුසපත් වෙන්නෙත් නෑ. ඒ කෙරෙහි ආශාවෙන් බැසගන්නෙත් නෑ. ඒ පිණ්ඩපාතයේ ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව ම යි වළඳන්නේ.
පින්වත් මහණෙනි, මේ කාශ්‍යප ලැබිච්ච කුටියකින් සතුටු වෙනවා. ලැබිච්ච කුටියකින් සතුටු වෙන්න පුළුවන්කම ගැන වර්ණනා කරනවා. කුටියක් නිසා නොගැලපෙන දේවල් කරන්න යන්නේ නෑ. කුටියක් නොලැබුණා කියල තැවි තැවී ඉන්නේ නෑ. කුටියක් ලැබුණොත් ඒකට ගිජු වෙන්නෙත් නෑ. එයින් මුසපත් වෙන්නෙත් නෑ. ඒ කෙරෙහි ආශාවෙන් බැසගන්නෙත් නෑ. ඒ කුටියේ ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව ම යි පරිහරණය කරන්නේ.
පින්වත් මහණෙනි, මේ කාශ්‍යප ලැබිච්ච ගිලන්පස බෙහෙත් පිරිකරකින් සතුටු වෙනවා. ලැබිච්ච ගිලන්පස බෙහෙත් පිරිකරකින් සතුටු වෙන්න පුළුවන්කම ගැන වර්ණනා කරනවා. ගිලන්පස බෙහෙත් පිරිකරක් නිසා නොගැලපෙන දේවල් කරන්න යන්නේ නෑ. ගිලන්පස බෙහෙත් පිරිකරක් නොලැබුණා කියල තැවි තැවී ඉන්නේ නෑ. ගිලන්පස බෙහෙත් පිරිකරක් ලැබුණොත් ඒකට ගිජු වෙන්නෙත් නෑ. එයින් මුසපත් වෙන්නෙත් නෑ. ඒ කෙරෙහි ආශාවෙන් බැසගන්නෙත් නෑ. ඒ ගිලන්පස බෙහෙත් පිරිකරවල ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව ම යි වළඳන්නේ.
එම නිසා පින්වත් මහණෙනි, ඔන්න ඔය විදිහට තමයි හික්මෙන්ට ඕන. අපි නම් ලැබිච්ච සිවුරකින් සතුටු වෙනවා කියල. ලැබිච්ච සිවුරකින් සතුටු වෙන්න පුළුන්කම ගැන වර්ණනා කරනවා කියල. සිවුරක් නිසා නොගැලපෙන දේවල් කරන්න යන්නේ නෑ කියල. සිවුරක් නොලැබුණා කියල තැවි තැවී ඉන්නේ නෑ කියල. සිවුරක් ලැබුණොත් ඒකට ගිජු වෙන්නෙත් නෑ කියල. එයින් මුසපත් වෙන්නෙත් නෑ කියල. ඒ කෙරෙහි ආශාවෙන් බැසගන්නෙත් නෑ කියල. ඒ සිවුරේ ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව ම පරිහරණය කරනවා කියල. ඒ වගේ ම අපි නම් ලැබිච්ච පිණ්ඩපාතයකින් සතුටු වෙනවා කියල …. (පෙ) …. අපි නම් ලැබිච්ච කුටියකින් සතුටු වෙනවා කියල …. (පෙ) …. අපි නම් ලැබිච්ච ගිලන්පස බෙහෙත් පිරිකරකින් සතුටු වෙනවා කියල. ලැබිච්ච ගිලන්පස බෙහෙත් පිරිකරකින් සතුටු වෙන්න පුළුන්කම ගැන වර්ණනා කරනවා කියල. ගිලන්පස බෙහෙත් පිරිකරක් නිසා නොගැලපෙන දේවල් කරන්න යන්නේ නෑ කියල. ගිලන්පස බෙහෙත් පිරිකරක් නොලැබුණා කියල තැවි තැවී ඉන්නේ නෑ කියල. ගිලන්පස බෙහෙත් පිරිකරක් ලැබුණොත් ඒකට ගිජු වෙන්නෙත් නෑ කියල. එයින් මුසපත් වෙන්නෙත් නෑ කියල. ඒ කෙරෙහි ආශාවෙන් බැසගන්නෙත් නෑ කියල. ඒ ගිලන්පස බෙහෙත් පිරිකරවල ඇති අනිත්‍ය බව නම් වූ ආදීනව දකිමින්, එහි නොඇලෙන නුවණින් යුක්තව ම වළඳනවා කියල. පින්වත් මහණෙනි, ඔන්න ඔය විදිහටයි හික්මෙන්න ඕන.
පින්වත් මහණෙනි, එක්කො මම අවවාද කරන්නම්. එක්කො කස්සපයන් අවවාද කරාවි. ඒ අවවාද ලබන අය කස්සප වගේ වෙනවා කියල යි ඔබ විසින් පිළිපැදිය යුත්තේ.
සාදු! සාදු!! සාදු!!!
සන්තුට්ඨි සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/sn2_4-1-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M